كۆيۈشنىغۇ بىلدىم ئۈن－تىنسىز
مۇسا ئەھەد
مېھرىڭدىن تاڭ، چېھرىڭدىن قۇياش،
قانات يايسا كۆكسۈمگە ھەرئان.
كۆڭلۈڭ دەۋرەپ باغاشلايدۇ شاش.
ئىرادەمنى بىلەر ھەر سەھەر،
تىنچىپ قالسا تومۇرىمدا قان.
دىماق يارسا بېغىڭدىن ئەنبەر،
كېزىپ مىسكىن ساھىللىرىمنى،
بېغىشلايدۇ شۆھرىتىمگە شان.
بالا چاغلىرىم
ئۆزۈڭ كەبى ئۇزۇن كەچمىشىڭ،
ياغقانىدى يۈرىكىمگە دەرد.
گۈل پەسلىم
مۇقەددەس بىر ئوت،
شولا تاشلاپ خىياللىرىمغا
قىلىپ قويغان مېنى خىيالچان.
قانچە يىللار ئۆتتى قاتلىنىپ،
روھىم سىرلىق قۇچىقىڭدا مەس،
جىسمىم مېھرىڭ ئىچرە جىلمىيىپ.
مەن تونۇدۇم سېنى قايتىدىن،
تىپىپ ئەقلىم نەيرەڭلەردىن ئەس.
كۆيۈشنىغۇ بىلدىم ئۈن－تىنسىز،
بولالمىدىم چاقماق بىر قېتىم.
شۇنداق كېچىلەردە...
شۇنداق كېچىلەردە
سېغىنىمەن كىمگىدۇر
يۇلقۇنىمەن كىمگىدۇر
سېغىنىشنىڭ باياۋىنىدا.
شۇنداق كېچىلەردە
كىمنىدۇر
قان－قان قىلغۇم كېلۇر گاھىدا.
شۇنداق كېچىلەردە
ئۆتىمەن كىمنىڭدۇر ھەسرىتى بىلەن،
ئۆلىمەن كىمنىڭدۇر ھەسرەت ئاھىدا.
پەقەت بىرلا تام
پەقەت بىرلا تام
تامنىڭ بۇيانىدا خىيالىم كۆيەر،
تامنىڭ ئۇيانىدا ۋىسالىڭ كۆيەر.
پەقەت بىرلا تام
ۋىساللار چۈش ئىچرە تەنلەر ئۇچراشماس،
كېچىلەر ئۇھسىنار يېپىپ ئاق لىباس.
چولپانلار تۈن بويى كۆزنەككە باقار،
يۈرەكلەر ئۇيقۇسىز چۈشلەرگە ئاغار.
قىش نەقىشلىرى
1
ئەنە قەدىم دۆڭ－ئويمان ئارا،
بىر توپ گۆدەك كۆتۈرۈپ چۇقان؛
نېمىنىدۇر ئىزلەر قار كېچىپ،
ئەگەشتۈرۈپ كەينىدە تايغان.
غارلار تىمتاس توپ－توپ كەپتەرلەر،
خامان تامان ئىزلەپ كەتكەن دان.
بوغۇق－بوغۇق ئۈنلەپ ئۆردەكلەر،
بۇلاقلاردىن تۇتقان جاي－ماكان.
2
ئاياز بۇدەم پەسىل تەختىدە،
ئولتۇرىدۇ سۈرلۈك شاھسىمان.
زېمىن ئۆزرە تۆكۈپ سۇس زىيا،
چاقنار خىرە مانانلىق ئاسمان.
ئاقلىق ئىچرە ياتار كەڭ دالا،
كىيگەن كەبى مەرمەر ساراپان.
نېپىز شايى ئىچرە چوققىلار،
گىياھلارنى باسقان قىرولار،
كېتىپ يېشىل رەڭگىدىن بۇدەم،
ئېغىر سۈكۈت، خىيالغا پاتقان.
3
چاقنار ئەنە باقساڭ زەڭ سېلىپ،
قاتقان ئېرىق كىرپىكىدە مۇز.
توزۇپ تۇرغان كۈمۈش چېچەكلەر،
ياتار ئىڭراپ تاپانلاردا سۇس.
كەيپ بولغان كەبى گەۋدىلەر،
تۈز يولدىمۇ ماڭالمايدۇ رۇس.
4
چوپان نېيى كۆچكەن يايلاقتىن،
شاش قۇلۇنلار يۈرمەس قىيغىتىپ.
چىمەنلەرنى ئەگىپ كېپىنەك،
يۈرمەس كۆكسىن گۈللەرگە يېقىپ.
يۈرەر كېزىپ مۇزدەك سوغ شامال،
چېلىپ دالا كۆكسىدە پۇشتەك.
باغلار ئارا ئاتەش نەپەسلەر،
ھۇجرىلاردىن ئىزلەر قۇت－تىلەك.
مۇسا ئەھەد
مېھرىڭدىن تاڭ، چېھرىڭدىن قۇياش،
قانات يايسا كۆكسۈمگە ھەرئان.
كۆڭلۈڭ دەۋرەپ باغاشلايدۇ شاش.
ئىرادەمنى بىلەر ھەر سەھەر،
تىنچىپ قالسا تومۇرىمدا قان.
دىماق يارسا بېغىڭدىن ئەنبەر،
كېزىپ مىسكىن ساھىللىرىمنى،
بېغىشلايدۇ شۆھرىتىمگە شان.
بالا چاغلىرىم
ئۆزۈڭ كەبى ئۇزۇن كەچمىشىڭ،
ياغقانىدى يۈرىكىمگە دەرد.
گۈل پەسلىم
مۇقەددەس بىر ئوت،
شولا تاشلاپ خىياللىرىمغا
قىلىپ قويغان مېنى خىيالچان.
قانچە يىللار ئۆتتى قاتلىنىپ،
روھىم سىرلىق قۇچىقىڭدا مەس،
جىسمىم مېھرىڭ ئىچرە جىلمىيىپ.
مەن تونۇدۇم سېنى قايتىدىن،
تىپىپ ئەقلىم نەيرەڭلەردىن ئەس.
كۆيۈشنىغۇ بىلدىم ئۈن－تىنسىز،
بولالمىدىم چاقماق بىر قېتىم.
شۇنداق كېچىلەردە...
شۇنداق كېچىلەردە
سېغىنىمەن كىمگىدۇر
يۇلقۇنىمەن كىمگىدۇر
سېغىنىشنىڭ باياۋىنىدا.
شۇنداق كېچىلەردە
كىمنىدۇر
قان－قان قىلغۇم كېلۇر گاھىدا.
شۇنداق كېچىلەردە
ئۆتىمەن كىمنىڭدۇر ھەسرىتى بىلەن،
ئۆلىمەن كىمنىڭدۇر ھەسرەت ئاھىدا.
پەقەت بىرلا تام
پەقەت بىرلا تام
تامنىڭ بۇيانىدا خىيالىم كۆيەر،
تامنىڭ ئۇيانىدا ۋىسالىڭ كۆيەر.
پەقەت بىرلا تام
ۋىساللار چۈش ئىچرە تەنلەر ئۇچراشماس،
كېچىلەر ئۇھسىنار يېپىپ ئاق لىباس.
چولپانلار تۈن بويى كۆزنەككە باقار،
يۈرەكلەر ئۇيقۇسىز چۈشلەرگە ئاغار.
قىش نەقىشلىرى
1
ئەنە قەدىم دۆڭ－ئويمان ئارا،
بىر توپ گۆدەك كۆتۈرۈپ چۇقان؛
نېمىنىدۇر ئىزلەر قار كېچىپ،
ئەگەشتۈرۈپ كەينىدە تايغان.
غارلار تىمتاس توپ－توپ كەپتەرلەر،
خامان تامان ئىزلەپ كەتكەن دان.
بوغۇق－بوغۇق ئۈنلەپ ئۆردەكلەر،
بۇلاقلاردىن تۇتقان جاي－ماكان.
2
ئاياز بۇدەم پەسىل تەختىدە،
ئولتۇرىدۇ سۈرلۈك شاھسىمان.
زېمىن ئۆزرە تۆكۈپ سۇس زىيا،
چاقنار خىرە مانانلىق ئاسمان.
ئاقلىق ئىچرە ياتار كەڭ دالا،
كىيگەن كەبى مەرمەر ساراپان.
نېپىز شايى ئىچرە چوققىلار،
گىياھلارنى باسقان قىرولار،
كېتىپ يېشىل رەڭگىدىن بۇدەم،
ئېغىر سۈكۈت، خىيالغا پاتقان.
3
چاقنار ئەنە باقساڭ زەڭ سېلىپ،
قاتقان ئېرىق كىرپىكىدە مۇز.
توزۇپ تۇرغان كۈمۈش چېچەكلەر،
ياتار ئىڭراپ تاپانلاردا سۇس.
كەيپ بولغان كەبى گەۋدىلەر،
تۈز يولدىمۇ ماڭالمايدۇ رۇس.
4
چوپان نېيى كۆچكەن يايلاقتىن،
شاش قۇلۇنلار يۈرمەس قىيغىتىپ.
چىمەنلەرنى ئەگىپ كېپىنەك،
يۈرمەس كۆكسىن گۈللەرگە يېقىپ.
يۈرەر كېزىپ مۇزدەك سوغ شامال،
چېلىپ دالا كۆكسىدە پۇشتەك.
باغلار ئارا ئاتەش نەپەسلەر،
ھۇجرىلاردىن ئىزلەر قۇت－تىلەك.
ئەسكەرتىش:
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.
ئوكيان تورىدىكى بارلىق ئەسەرلەرنىڭ نەشىر ھوقۇقى ئوكيان تورىغا مەنسۈپ. قالايمىقان كۆچۈرۈپ ئىشلىتىشكە، قانۇنسىز نەشىر قىلىشقا، ھەرقانداق مېدىيا ۋاستىلىرىدا ئېلان قىلىشقا بولمايدۇ. خىلاپلىق قىلغانلارنىڭ قانۇنى جاۋابكارلىقى سۈرۈشتە قىلىنىدۇ. قالايمىقان كۆچۈرۈپ تارقاتقان تور بىكەتلەر ئاشكارە ئېلان قىلىنىدۇ.