ﻗﺎﺗﺘﯩﻖ ﻛﯜﻟﻤﻪﯓ ، ﻳﺎﻣﺎﻥ ﺑﻮﻟﯩﺪﯗ ،
ﺳﯜﺭﻣﻪ ﺳﯜﺭﻣﻪﯓ ، ﻳﺎﻣﺎﻥ ﺑﻮﻟﯩﺪﯗ .
ﺋﯩﭽﯩﭗ ﻗﻮﻳﻤﺎﯓ ، ﺋﯩﭽﻜﻪﻧﻠﻪﺭﮔﻪ ﮬﻪﻡ ،
ﻳﯧﻘﯩﻦ ﻳﯜﺭﻣﻪﯓ ، ﻳﺎﻣﺎﻥ ﺑﻮﻟﯩﺪﯗ.

ﺋﺎﻳﺎﻟﯩﯖﯩﺰ ﭘﻪﺭﯨﺠﻪ ﺋﺎﺭﺗﺴﯘﻥ ،
ﺋﻮﭼﯘﻕ ﻳﯜﺭﺳﻪ ، ﻳﺎﻣﺎﻥ ﺑﻮﻟﯩﺪﯗ .
ﭼﯩﻘﻤﯩﻐﺎﻳﻜﻰ ﻗﯩﺰﻻﺭ ﺗﺎﻻﻏﺎ ،
ﺑﯩﺮﺍﯞ ﻛﯚﺭﺳﻪ ﻳﺎﻣﺎﻥ ﺑﻮﻟﯩﺪﯗ.

ﻣﻪﺳﻪ - ﻛﺎﻻﭺ ﻛﯩﻴﺴﯘﻥ ﺋﻮﻏﻠﯩﯖﯩﺰ ،
ﺷﯩﺒﻠﯩﺖ ﻛﯩﻴﺴﻪ ﻳﺎﻣﺎﻥ ﺑﻮﻟﯩﺪﯗ .
ﺋﻪﻧﺌﻪﻧﯩﻤﯩﺰ ﺋﯘﺯﯗﻥ ﭘﻪﺭﯨﺠﻪ ،
ﻳﺎﻟﻐﺎﻥ ﺩﯦﺴﻪ ﻳﺎﻣﺎﻥ ﺑﻮﻟﯩﺪﯗ .

ﻗﻮﻟﯩﯖﯩﺰﻧﻰ ﺋﯜﭺ ﻗﯧﺘﯩﻢ ﻳﯘﻳﯘﯓ ،
ﺗﯚﺕ ﻳﯘﺳﯩﯖﯩﺰ ﻳﺎﻣﺎﻥ ﺑﻮﻟﯩﺪﯗ.
ﮬﺎﺭﺍﻕ ﻗﻮﻳﻐﺎﻥ ﺷﯩﺮﻩﮔﻪ ﺋﻪﮔﻪﺭ ،
ﻧﺎﻥ ﻗﻮﻳﺴﯖﯩﺰ ﻳﺎﻣﺎﻥ ﺑﻮﻟﯩﺪﯗ .

ﺩﯗﺭﯗﺱ ﺋﻪﻣﻪﺱ ﭘﯘﻟﻨﻰ ﻛﯚﭖ ﺗﺎﭘﻘﺎﻥ .
ﺑﻮﻏﺎ ﺑﺎﻗﻤﺎﯓ ﻳﺎﻣﺎﻥ ﺑﻮﻟﯩﺪﯗ،
ﻛﻪﭺ ﻛﯩﺮﮔﻪﻧﺪﻩ ﺋﯚﻱ ﭼﯘﯞﯗﺷﺘﯘﺭﯗﭖ ،
ﻛﯩﮕﯩﺰ ﻗﺎﻗﻤﺎﯓ ، ﻳﺎﻣﺎﻥ ﺑﻮﻟﯩﺪﯗ.

ﺋﺎﭺ ﻳﯜﺭﻣﻪﻛﻤﯘ ﺗﻪﻗﺪﯨﺮﻧﯩﯔ ﺋﯩﺸﻰ ،
ﻳﺎﻣﺎﻥ ﺩﯦﻤﻪﯓ ، ﻳﺎﻣﺎﻥ ﺑﻮﻟﯩﺪﯗ .
ﺋﻮﺯﯗﻗﯩﯖﯩﺰ ﺳﺎﻣﺎﻥ ﺑﻮﻟﺴﯩﻤﯘ ،
ﺳﺎﻣﺎﻥ ﺩﯦﻤﻪﯓ ، ﻳﺎﻣﺎﻥ ﺑﻮﻟﯩﺪﯗ

1992- ﻳﯩﻠﻰ 8- ﺋﺎﻱ ﻏﯘﻟﺠﺎ

ﻣﯘﮬﻪﻣﻤﻪﺗﺠﺎﻥ ﺭﺍﺷﯩﺪﯨﻦ