كىشلىك تۇرمۇشتىكى ئۈچ سۇئال

   مەلۇم بىر ئوتتۇرا تېخنىكوم ئوقۇش پۈتكۈزۈشكە ئاز قالغان ئوقۇغۇچىلارغا « كىشىلىك تۇرمۇش دەرسى » تەسىس قىپتۇ . ئاخىرقى بىر سائەتلىك دەرستە ، ئوقۇتقۇچى ئوقۇغۇچىلاردىن مۇنداق ئۈچ سۇئالنى سوراپتۇ :     

   1-سۇئال :- ئاتا - ئاناڭلارنىڭ تۇغۇلغان كۈنىنى بىلىدىغانلار قول كۆتۈرۈڭلار !

قىز ئوقۇغۇچىلار ئاساسىي جەھەتتىن قول كۆتۈرۈپتۇ ، ئوغۇل ئوقۇغۇچىلار بولسا ئاساسىي جەھەتتىن قول كۆتۈرمەپتۇ .

  2-سۇئال : -بىز تۇرۇۋاتقان ئوقۇتۇش بىناسىدا ئۈچ نەپەر تازلىق ئىشچىسى بار ، ئۇلارنىڭ ئىچىدىن ئىككىسىنىڭ ئىسىمىنى بىلىدىغانلار قول كۆتۈرۈڭلار !

ساۋاقداشلارنىڭ ھەممىسى داڭ قېتىپ قاپتۇ ، ئۈچ يىلدىن بېرى بۇ ئىشقا ھېچكىم دىققەت قىلمىغانىكەن .

ئوقۇتقۇچى سۇئالنى داۋاملاشتۇرۇپتۇ :

  3-سۇئال :- ئۆزىگە شاپلاق ئۇرۇپ باققانلار قول كۆتۈرۈڭلار!

ساۋاقداشلارنىڭ ھەممىسى كۈلۈپ كېتىپتۇ ، كىممۇ بۇنداق ئەخمەقلىق قىلسۇن ؟

ئوقۇتقۇچى ئاخىرىدا مۇنداق دەپتۇ :

-سىلەرگە « كىشلىك تۇرمۇش » دەرسىنى ئۆتۈشىمىزدىكى مەقسەت سىلەرنى توغرا كىشلىك تۇرمۇش قارىشى ۋە دۇنيا قاراش تۇرغۇزۇشقا يېتەكلەپ ، بۇنىڭدىن كېيىنكى جاھاندارچىلىق ئىشلىرىنى ئۆگىتىش . بايا مەن سورىغان ئۈچ سۇئال سىلەر ئۈچۈن قالدۇرۇلغان سىناق .

-ئاتا – ئانىڭىزنىڭ تۇغۇلغان كۈنىنى ئېسىڭىزدە تۇتۇۋېلىڭ ، - ئوقۇتقۇچى شۇنداق دېگەچ دوسكىغا « ۋاپادارلىق » دېگەن خەتنى يېزىپ ، سۆزىنى داۋاملاشتۇرۇپتۇ . ۋاپادارلىق ئادەمنى ياخشى يولغا باشلايدۇ ، ۋاپادار ئادەمنىڭ ۋۇجۇدى ئاق كۆڭۈللۈككە تولغان بولىدۇ ، ئاق كۆڭۈل ئادەم چوقۇم ياخشى جاۋاپقا ئېرىشىدۇ .

-ئەتراپىڭىزدىكى كىشىلەرنىڭ ئىسىمىنى ئېسىڭىزدە تۇتۇۋېلىڭ ، ئوقۇتقۇچى دوسكىغا « ھۆرمەت » دېگەن خەتنى يېزىپ مۇنداق دەپتۇ ، - باشقىلارنى ھۆرمەتلىگەندىلا ئاندىن ھۆرمەتكە ئېرىشكىلى بولىدۇ . باشقىلارنى ھۆرمەتلەيدىغان ئادەت ئادەمگە كەڭ قۇرساقلىق ، مەردانىلىكنى ئۆگىتىدۇ ، بۇنداق ئادەم ئىشلارنى ۋۇجۇدقا ئېلىپ چىقالايدۇ .

ئوقۇتقۇچى ئاخىرىدا دوسكىغا « ئۆزى ئۈستىدە ئويلىنىش » دېگەن خەتلەرنى يېزىپ مۇنداق دەپتۇ

-ۋاپادارلىق بىلەن ھۆرمەتنى بىلمەي يۈرگەن بولسىڭىز ، ئۈزىڭىزگە شاپلاق ئۇرۇشىڭىز كېرەك . ئۆزى ئۈستىدە ئويلانغاندا ، ئىشنىڭ تېگىگە يەتكىلى بولىدۇ ، ئىشنىڭ تېگىگە يەتكەندىلا ، ئاندىن ئالغا ئىلگىرلىگىلى بولىدۇ ھەمدە ياراملىق ئادەمگە ئايلىنىش مۇمكىنچىلىكى تۇغۇلىدۇ . بىر ئادەمنىڭ ئاق كۆڭۈل ياكى ئەمەسلىكى ئۇنىڭ كەلگۈسىدە ئۆز رولىنى قانداق جارى قىلدۇرۇشنى بەلگىلەيدۇ ؛ ئۆزى ئۈستىدە ھەرۋاقىت ئويلىنىپ تۇرۇش – تۇرماسلىقى ئۇنىڭ توختاۋسىز ئالغا ئىلگىرلەش – ئىلگىرلىيەلمەسلىكىنى بەلگىلەيدۇ .

  مەنبە: ئىز تورى