پۈتۈشۈش

ئادەم بىكار بولغاندىلا ئويۇن ئوينىغىلى بولىدۇ ، ئويۇننىڭ تۈرى كۆپ ، A،B ئىككىيلەن تاماكا چىكىشكەچ ، پاراڭلىشىپ ئىچ پۇشۇقىنى چىقارماقچى بولدى ، لېكىن كۆپ ئۆتمەيلا پاراڭنىڭ مېزىسى قالمىدى ، ئولار ئويۇن ئوينىماقچى بولۇشتى ،A سۆز باشلىدى ؛

---- مەن بىلەن پۈتۈشۈلەمسەن ؟ 

 ---- نىمىگە ؟

----- ناھايىتى ئاددىي ، بىر كۈن ئىچىدە ،رەت قىلىنمايدىغان ئۈچ ياخشى ئىش قىلىسەن .

B كۆزىنى پارقىرىتىپ تۇرۇپ ؛ --- راستما ؟

 A كەسكىن قىلىپ ئېيتتى ؛ ---- راسىت .

----- ئۇنداقتا ياخشى ، ھازىرلا باشلاي .

----- ئالدىرىما ، شەرتىم بار .

------ نىمە شەرىت ؟

ئۈچ ئىشنىڭ ئىككىسنى چوقۇم 40 ياشتىن تۈۋەنلەرگە قىلىپ بىرىسەن ، ئەر-ئايال چەكلىمىسى يوق .

---- ماقۇل ، چاتاق يوق .

---- ئەگەر ئۇتساڭ كەچتە مەن مىھمان قىلاي ،ئۇتتۇرساڭ سەن قىل .

--- ھە ئەمسە ،ھازىرلا باشلاي . كەچتە مىنى مىھمان قىلىشقا تەييارلىق قىل .

ئىككەيلەن قاقاقلاپ كۈلۈشۈپ كەتتى .

B كوچىغا چىقىپ ئىش پۇرسىتى ئىزدەشكە باشلىدى ، A  ئۇنىڭ ئىزىغا چۈشتى ، يىراقتىن يوشۇرۇن كۆزەتمەكتە ئىدى .

B يېرىم كۈن كۆچا ئايلاندى ، ياردىمگە مۇھتاج بىرەرسى يولۇقمىدى ،ئۇ بىر ئاز جىددىيلىشىشكە باشلىدى ، A  نى يىراقتىن كۆرۈپ كۆز قىسىپ قويدى ، A پىسىڭڭىدە كۈلدى .

تويۇقسىز  B ۋەلسىپىت مىنگەن بىرقىزنىڭ ۋەلسىپىت زەنجىرى ئۈزۈلگەنلىكىنى كۆردى ،قىز ناھايىتى بىئارام بولۇۋاتاتتى ،"پۈرسەت كەلدى" دەپ ئويلىغان B يۈگرەپ بېرىپ قىزغا ؛ "ياردىمىم كىرەكمۇ ؟" دىگەنىدى ، قىز ئىتتىكلا ئۆرۈلۈپ "نىرۋا كىسىلى !"دىدى ، B ئوڭايسىزلىنىپ ،نىمە قىلارىنى بىلمەيلا قالدى، قىز ئوغرىدىن قاچقاندەك ، ئىتتك - ئىتتىك قەدەملەر بىلەن كېتىپ قالدى .

B يىراقتىكى A  غا قاراپ ، ئىككى قولىننىڭ ئالقىنىنى چىقىرىپ  "نىمە ئامال ؟" دىگەن مەنىدە مۆرىسنى قىستى .

B يەنە خېلى ئۇزۇن ئايلاندى  ، ۋەلسىپىت مىنگەن بىر يىگىت ئۇڭ قولىدا يەنە بىر ھارۋىنى سۆرەپ كېتىۋاتاتتى ، بۇنى ياخشى پۈرسەت بىلگەن B كۆڭلىدە "بىر ئادەم ئىككى ھارۋىنى سۆرەپتۇ ، ئەقلى باركەن ، بىراق ئادەم كۆپ قىستاڭچىلىق كوچىغا كەلگەندە خەتەرلىك ، ساقچى بايقاپ قالسا ئاۋارىچىلىق ، ئۇ چوقۇم ياردەمگە مۇھتاج " دىگەنلەرنى ئويلىدى .دەرھال يىگىتنىڭ كەينىدىن قوغلاپ ۋارقىرىدى ؛"ھەي ... ياردەم قىلايمۇ ؟ !"

يىگىت توختاپ ،بىر قارىۋەتكەندىن كېيىن ، سوغۇق كۈلۈپ ؛ "ئاكا ، مىنىدىغان ۋەلسىپتىڭ يوقمۇ ؟ يا پولۇڭ يوقمۇ ؟ " دەپلا دىمىغىنى قېقىپ كېتىپ قالدى  .

B بۇنى چۈشەنمەي ، جايىدا قېتىپلا قالدى .

ئۇ بىئارام بولۇپ كوچا ئايلىنىشنى داۋام قىلدى ،يادەمگە مۇھتاج بىرەرسىنىڭ چىقىپ قېلىشىنى ئىستەيتتى ، ... شۇتاپتا ئوتتۇر ياشلار چامسىدىكى بىر كىشى ئۈچ چاقلىق ۋەلسىپىتنى ھەيدەپ كېلىۋاتاتتى ، ھارۋىغا بېسىلغان نەرسىلەر كۆپ بولغاچقا ، ناھايىتى تەستە سۆرەيتتى ، B گەپ سۆزسىز بېرىپ ھارۋىنىڭ كەينىدىن ئىتتەردى ،يىنىكلەپ قالغانننى سەزگەن بۇكىشى ، كەينىگە بولۇرۇپ B نى كۆردىدە ، جىددىيلىشىپ پىدالنى كۈچەپ تەپتى ، خۇددى بىر نەرسەمنى ئېلىۋالارمىكىن دىگەندەك ئەنسىرەپ سۈرئەتتى تىزلەتتى ، B نىڭ قولى ئاجراپ كەتتى ....

بىرەمدىن كېيىن 30 ياشلار چامسىدىكى بىر ئايال يولۇقتى ، قولىدا ئىككى سومكا كۆتۈرۈۋالغان ، كەينىگە كىچىك قىزىنى ئەگەشتۈرىۋالغان ئىدى .

چوڭ يولدىن ئۆتىدىغان چاغدا ، قىزى ئۆتەلمەي ، "ئانا .... ئانا ....." دەپ ۋارقىرىغىلى تۇردى . B يۈگرەپ بېرەپ "سىڭلىم ،مەن ئۆتكۈزۈپ قوياي ." دىدى .

ئانا قولىدىكى نەرسىنى تاشلاپ قىزىنى ئۆتكۈزۈشكە ئامالسىز  ئىدى ، بۇنى كۆرگەن ئانا ؛ " قىزىم ، تىز بول.... ، تىز ماڭ !...."دەپ ۋارقىرىدى ، قىزچاق خۇددى ئالۋاستىدىن قورقۇپ قاچقاندەك يۈگرەپ يولدىن ئۆتتى .ئانىسى قۇلىغا بىرنىمىلەرنى پىچىرلىغانىدى ، قىز B غا قاراپ چىرايىنى پۈرۈشتۈردى ...

B نىڭ كۆڭلى بەكمۇ يېرىم بولدى .

كەچ كىردى ،گۇگۇم چۈشۈشكە باشلىدى ،" بۈگۈن بىرمۇ ياخشى  ئىش قىلالمىدىم، ئەجىبا ... مەن ئەمدى A نى مىھمان قىلارمەنمۇ ؟ ھەي .... "

ئۇ ، دەل شۇچاغدا 60-70 ياشلاردىكى بىر موماينىڭ يولدىن كېسىپ ئۆتۈپ كېتىۋاتقانلىقىنى كۆردى ،ماشىنىلار كۆپ بولغانلىقتىن موماي يولنىڭ قاپ ئوتتۇرسىدا يا ئالدىغا --- يا كەينىگە ماڭالماي ، قورقۇپ تۇراتتى ، B يۈگرەپ بېرىپ موماينى يىتىلەپ يولدىن ئۆتكۈزدى ، موماي ئىسىنى تېپىپ ، تەسىرلىنىپ ، "ئوغلۇم ، قۇتقۇزۇپ قالغىنىڭڭىزغا كۆپ رەھمەت " دىدى .

تاكى كەچ سائەت 7:30  گىچە ئۇنىڭ بىردىن - بىر قىلغان ياخشى ئىشى مۇشۇ ئىدى .

كەچتە B رېستۈرانغا A نى باشلاپ كېلىپ 200 يۈەن خەجلەپ تازا ئوبدان مىھمان قىلدى . ئۇلار قانچىلىك ھاراق ئىچكىنىنى بىلمەيتتى ، مەستلىكتە ھوشىدىن كەتكەنىدى .

     << قوش تىل ئوقۇتقۇچىللىرىنى تەربىيلەش دەرىسلىكى >> دىن تەرجىمە قىلىندى .