ﻣﻪﻥ ﻛﯚﺭﮔﻪﻥ ﻳﺎﭘﯘﻧﯩﻴﻨﯩﯔ ﺋﻮﺗﺘﯘﺭﺍ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﻣﺎﺋﺎﺭﯨﭙﻰ

ﻣﯧﻨﯩﯔ ﻗﯩﺰﯨﻢ ﻳﺎﭘﯘﻧﯩﻴﺪﻩ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﻪ ﺋﻮﻗﯘﻳﺪﯗ ، ﺋﯧﻠﯩﻤﯩﺰﻧﯩﯔ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﻣﺎﺋﺎﺭﯨﭙﻰ ﺑﯩﻠﻪﻥ ﻳﺎﭘﯘﻧﯩﻴﻨﯩﯔ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﺎﺋﺎﺭﯨﭙﯩﺪﯨﻜﻰ ﭘﻪﺭﻗﻠﻪﺭﻧﻰ ﺋﯚﺯ ﺋﺎﺭﺍ ﺳﯧﻠﯩﺸﺘﯘﺭﯗﺵ ﮬﻪﻣﺪﻩ ﻛﯚﭘﭽﯩﻠﯩﻜﻜﻪ ﻳﺎﭘﯘﻧﯩﻴﻨﯩﯔ ﻧﯧﻤﻪ ﺋﯜﭼﯜﻥ ﺩﯗﻧﻴﺎﺩﯨﻜﻰ ﺋﯩﻘﺘﺴﺎﺩﻯ ﻛﯜﭼﻠﯜﻙ ﺩﯙﻟﻪﺕ ﺑﻮﻻﻟﯩﻐﺎﻧﻠﯩﻘﯩﻨﯩﯔ ﺗﯜﭖ ﺳﻪﯞﻩﺑﯩﻨﻰ ﻛﯚﺭﺳﺘﯩﭗ ﺑﯧﺮﯨﺶ ﺋﯜﭼﯜﻥ ﺑﯘ ﻣﺎﻗﺎﻟﯩﻨﻰ ﻳﺎﺯﺩﯨﻢ .
1. ﺋﻮﻗﯘﺷﻘﺎ ﻛﯩﺮﯨﺶ ﻧﯩﺴﺒﯩﺘﻰ %100
ﻳﺎﭘﯘﻧﯩﻴﺪﻩ ﺭﺍﻳﻮﻥ ، ﺋﯩﺮﯨﻖ ، ﺩﯙﻟﻪﺕ ﺗﻪﯞﻩﻟﯩﻜﻰ ، ﺟﯩﻨﯩﺲ ﺋﺎﻳﺮﯨﻤﺎﻱ ، ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﻣﺎﺋﺎﺭﯨﭙﯩﻨﻰ ﭼﻮﻗﯘﻡ ﮬﻪﻗﺴﯩﺰ ﻗﯘﺑﯘﻝ ﻗﯩﻠﯩﺶ ﺑﻪﻟﮕﯩﻠﻪﻧﮕﻪﻥ ﺑﻮﻟﯘﭖ ، ﺩﻩﺭﺳﻠﯩﻚ ﮬﻪﻗﺴﯩﺰ ﺗﺎﺭﻗﯩﺘﯩﻠﯩﭗ ﺑﯧﺮﯨﻠﯩﺪﯗ، ﺋﺎﺗﺎ - ﺋﺎﻧﯩﻼﺭﺩﯨﻦ ﺑﯩﺮ ﺗﯩﻴﯩﻨﻤﯘ ﮬﻪﻕ ﺋﯧﻠﯩﻨﻤﺎﻳﺪﯗ . ﺑﯘ ﺗﻪﺑﺌﻲ ﮬﺎﻟﺪﺍ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﮔﻪ ﻛﯩﺮﯨﺶ ﻧﯩﺴﺒﯩﺘﯩﻨﻰ %100 ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﻐﺎﻥ .
2. ﻣﺎﺋﺎﺭﯨﭙﻨﯩﯔ ﻣﻪﻗﺴﯩﺘﻰ : ﺋﺎﻟﯩﻤﻼﺭﺩﻩﻙ ﻣﯧﯖﻪ ، ﺳﻪﻧﺌﻪﺗﭽﯩﻠﻪﺭﺩﻩﻙ ﺧﺎﺭﺍﻛﺘﯧﺮ ، ﺗﻪﻧﮭﻪﺭﻛﻪﺗﭽﯩﻠﻪﺭﺩﻩﻙ ﺑﻪﺩﻩﻥ ﺑﻮﻟﯘﺵ.
ﺑﺎﻟﯩﻼﺭﻧﯩﯔ ﺑﻪﺩﯨﻨﯩﻨﯩﯔ ﻧﻮﺭﻣﺎﻝ ﻳﯧﺘﯩﻠﯩﺸﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ ، ﻣﻪﻛﺘﻪﭖ ﭼﯜﺷﺘﻪ ﺑﺎﮬﺎﺳﻰ ﺋﻪﺭﺯﺍﻥ ﺑﻮﻟﻐﺎﻥ ﻗﯘﯞﯞﻩﺗﻠﯩﻚ ﻳﯧﻤﻪﻛﻠﯩﻜﻠﻪﺭ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ ، ﺗﯚﯞﻩﻥ ﻛﯩﺮﯨﻤﻠﯩﻚ ﺋﺎﺋﯩﻠﯩﻠﻪﺭﻧﯩﯔ ﺑﺎﻟﯩﻠﯩﺮﻯ ﮬﻪﻗﺴﯩﺰ ﺋﻮﺯﯗﻗﻠﯩﻨﯩﺸﻘﺎ ﺋﯩﻠﺘﻤﺴﺎ ﻗﯩﻠﺴﺎ ﺑﻮﻟﯩﺪﯗ . ( ﻣﻪﺳﯩﻠﻪﻥ ، ﺋﺎﺋﯩﻠﯩﺪﻩ ﺗﯚﺕ ﺟﺎﻥ ﺑﻮﻻﻏﻦ ، ﻳﯩﻠﻠﯩﻖ ﻛﯩﺮﯨﻤﻰ 5 ﻣﯩﻠﻴﻮﻥ ﻳﺎﭘﯘﻧﯩﻴﻪ ﻳﯩﻨﯩﺪﯨﻦ ﺗﯚﯞﻩﻥ ﺑﻮﻟﻐﺎﻥ ﺋﺎﺋﯩﻠﯩﻠﻪﺭ ) . ﺑﺎﺷﻼﻧﻐﯘﭼﯩﻨﯩﯔ ﺗﯚﯞﻩﻥ ﻳﯩﻠﻠﯩﻘﻠﯩﺮﯨﺪﺍ ﮬﻪﺭ ﻛﯜﻧﻰ ﺩﯦﮕﯜﺩﻩﻙ ﺗﻪﻧﺘﻪﺭﺑﯩﻴﻪ ﺩﻩﺭﺳﻰ ﺑﺎﺭ ، ﻳﯘﻗﯩﺮﻯ ﻳﯩﻠﻠﯩﻘﻼﺭﺩﯨﻤﯘ ﮬﻪﺭ ﮬﻪﭘﺘﯩﺪﻩ 2- 3 ﻗﯧﺘﯩﻢ ﺗﻪﻧﺘﻪﺭﺑﯩﻴﻪ ﺩﻩﺭﺳﻰ ﺑﺎﺭ . ﺩﻩﺭﺳﺘﯩﻦ ﺳﯩﺮﺗﻘﻰ ﯞﺍﻗﺘﯩﻼﺭﺩﺍ ﮬﻪﺭ ﺧﯩﻞ ﻛﯘﻟﯘﺑﻼﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﻯ ﺑﻮﻟﯩﺪﯗ. ﻣﻪﻛﺘﻪﭘﺘﻪ ﮬﻪﺭ ﻳﯩﻠﻰ ﺑﯩﺮ ﻗﯧﺘﯩﻢ ﺗﻪﻧﺘﻪﺭﺑﯩﻴﻪ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﻟﯩﺪﯗ، ﮬﻪﻣﻤﻪ ﺑﺎﻟﯩﻼﺭ ﺩﯦﮕﯜﺩﻩﻙ ﺗﻪﻧﮭﻪﺭﻛﻪﺗﭽﻰ ﺑﻮﻟﯘﭖ ، ﺋﺎﺗﺎ - ﺋﺎﻧﯩﻼﺭ ﻣﻪﺩﻩﺕ ﺑﻪﺭﮔﯜﭼﯩﻠﻪﺭﺩﯗ. ﮬﺎﺯﯨﺮ ﻳﺎﭘﻮﻧﯩﻴﻪ ﺩﯗﻧﻴﺎ ﺑﻮﻳﯩﭽﻪ ﺋﺎﺩﻩﻣﻠﯩﺮﻯ ﺋﻪﯓ ﺋﯘﺯﯗﻥ ﺋﯚﻣﯜﺭ ﻛﯚﺭﯨﺪﯨﻐﺎﻥ ﺩﯙﻟﻪﺕ ﺑﻮﻟﯘﭖ ، ﺑﯘ ﺋﯘﻻﺭﻧﯩﯔ ﺋﻮﺗﺘﯘﺭﺍ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﯩﺮﯨﻨﯩﯔ ﺗﻪﻧﺘﻪﺭﺑﯩﻴﻪ ﻣﺎﺋﺎﺭﯨﭙﻰ ﺑﯩﻠﻪﻥ ﻧﺎﮬﺎﻳﺘﻰ ﺯﯨﭻ ﻣﯘﻧﺎﺳﯩﯟﻩﺗﻠﯩﻚ . ﮬﻪﺭ ﺑﯩﺮ ﺑﺎﻟﯩﻨﻰ ﻣﯘﺯﯨﻜﺎ ﺗﻪﺭﺑﯩﻴﺴﯩﮕﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ ﻳﺎﻣﺎﺧﺎ ﺷﯩﺮﻛﯩﺘﻰ ﺑﯩﺮ ﻧﻪﭼﭽﻪ ﺧﯩﻞ ﺋﻪﺭﺯﺍﻥ ﺑﺎﮬﺎﻟﯩﻖ ، ﺋﺎﺩﺩﻯ ﭘﯜﯞﻟﯩﻤﻪ ﭼﺎﻟﻐﯘﻻﺭﻧﻰ ﺋﺎﻻﮬﯩﺪﻩ ﺋﯩﺸﻠﻪﭖ ﭼﯩﻘﺎﺭﻏﺎﻥ ﺑﻮﻟﯘﭖ ، ﺑﯘ ﺋﺎﺭﻗﯩﻠﯩﻖ ﺑﺎﻟﯩﻼﺭ ﻣﯘﺯﯨﻜﺎ ﺗﻪﺭﺑﯩﻴﺴﯩﻨﻰ ﻗﯘﺑﯘﻝ ﻗﯩﻠﯩﺪﯗ ﯞﻩ ﺋﯘﻻﺭﻧﯩﯔ ﺋﯚﭘﻜﻪ ﺳﯩﻐﯩﻤﭽﺎﻧﻠﯩﻘﻰ ﺋﺎﺷﯘﺭﯗﻟﯩﺪﯗ. ﻣﻪﻛﺘﻪﭖ ﮬﻪﺭ ﻳﯩﻠﻰ ﺋﺎﺗﺎ - ﺋﺎﻧﯩﻼﺭ ﯞﻩ ﺋﻪﺗﺮﺍﭘﺘﯩﻜﻰ ﺋﺎﮬﺎﻟﯩﻠﻪﺭﮔﻪ ﺩﻭﻛﻼﺕ ﻳﯩﻐﯩﻨﻰ ﺋﯘﻳﯘﺷﺘﯘﺭﯗﭖ ﺑﯧﺮﯨﺪﯗ، ﮬﻪﺭ ﺑﯩﺮ ﺑﺎﻻ ﺳﻪﮬﻨﯩﮕﻪ ﭼﯩﻘﯩﭗ ﮬﻪﺭ ﺧﯩﻞ ﻧﻮﻣﯘﺭﻻﺭﻧﻰ ﺋﻮﺭﯗﻧﺪﺍﻳﺪﯗ.
3. ﻣﺎﺋﺎﺭﯨﭙﻨﯩﯔ ﺑﺎﺭﺍﯞﻩﺭﻟﯩﻜﻰ
ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭ ﻧﯘﻗﺘﯩﻠﯩﻖ ﻳﺎﻛﻰ ﻧﯘﻗﺘﯩﻠﯩﻖ ﺋﻪﻣﻪﺱ ﺩﻩﭖ ﺋﺎﻳﺮﯨﻠﻤﺎﻳﺪﯗ، ﻣﻪﻛﺘﻪﭘﻠﻪﺭﻧﯩﯔ ﺋﻪﺳﻠﯩﮭﻪﻟﯩﺮﻯ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﻟﮕﻪﻥ ﺑﻮﻟﯘﭖ ، ﺗﺎﻏﻠﯩﻖ ﺭﺍﻳﻮﻧﺪﯨﻜﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻧﯩﯔ ﺋﻪﺳﻠﮭﻪﻟﯩﺮﻯ ﺑﯩﻠﻪﻥ ﺗﻮﻛﻴﻮ ﺷﻪﮬﻪﺭ ﺋﯩﭽﯩﺪﯨﻜﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻧﯩﯔ ﺋﻪﺳﻠﯩﮭﻪﻟﯩﺮﻯ ﺋﻮﭘﻤﯘ ﺋﻮﺧﺸﺎﺵ . ﮬﻪﺭ ﺑﺎﻻ ﺋﯚﺯﯨﮕﻪ ﻳﯧﻘﯩﻦ ﻳﻪﺭﺩﯨﻜﻰ ﻣﻪﻛﺘﻪﭘﻜﻪ ﻛﯩﺮﯨﭗ ﺋﻮﻗﯘﻳﺪﯗ ، ﮬﻪﺭ ﺑﯩﺮ ﻳﯩﻠﻠﯩﻘﺘﺎ ﺋﯩﻜﻜﯩﺪﯨﻦ ﺳﯩﻨﯩﭗ ﺑﻮﻟﯘﭖ ، ﮬﻪﺭ ﺑﯩﺮ ﺳﯩﻨﯩﭙﺘﺎ 20 ﺩﯨﻦ 30 ﻏﯩﭽﻪ ﺑﺎﻻ ﺋﻮﻗﯘﻳﺪﯗ . ﮬﻪﺭ ﺑﯩﺮ ﻣﻪﻛﺘﻪﭘﻨﯩﯔ ﺑﯩﺮ ﺋﻮﻗﯘﺗﯘﺵ ﺑﯩﻨﺎﺳﻰ ، ﺑﯩﺮ ﺗﻪﻧﺘﻪﺭﺑﯩﻴﻪ ﺳﺎﺭﯨﻴﻰ ، ﺑﯩﺮ ﭘﺎﺋﺎﻟﯩﻴﻪﺕ ﻣﻪﻳﺪﺍﻧﻰ ، ﺑﯩﺮ ﺳﯘ ﺋﯜﺯﯛﺵ ﻛﯚﻟﭽﯩﻜﻰ ﺑﻮﻟﯩﺪﯗ. ﻳﺎﭘﯘﻧﯩﻴﺪﻩ ﺧﯘﺳﯘﺳﯩﻲ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭ ﻧﺎﮬﺎﻳﺘﻰ ﺋﺎﺯ ﺑﻮﻟﯘﭖ ، ﺋﻮﻗﯘﺵ ﮬﻪﻗﻘﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ . ﺩﯙﻟﻪﺕ ﺧﯘﺳﯘﺳﯩﻲ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻨﻰ ﻗﻪﺗﺌﻲ ﻗﻮﻟﻠﯩﻤﺎﻳﺪﯗ. ﺋﻮﻗﯘﺗﻘﯘﭼﯩﻼﺭ ﯞﻩ ﻣﻪﻛﺘﻪﭖ ﻣﯘﺩﯨﺮﻟﯩﺮﻯ ﮬﻪﺭ ﺑﻪﺵ ﻳﯩﻠﺪﺍ ﺑﯩﺮ ﺋﺎﻟﻤﯩﺸﯩﺪﯗ، ﺑﻪﺵ ﻳﯩﻞ ﺗﻮﺷﻘﺎﻧﺪﯨﻦ ﻛﯧﻴﯩﻦ ﺑﺎﺷﻘﺎ ﻣﻪﻛﺘﻪﭘﻠﻪﺭﮔﺨﻪ ﺑﯧﺮﯨﭗ ﺋﯩﺸﻠﻪﻳﺪﯗ. ﻣﯘﺷﯘﻧﺪﺍﻕ ﻗﯩﻠﻐﺎﻧﺪﺍ ، ﻧﯘﻗﺘﯩﻠﯩﻖ ﻣﻪﻛﺘﻪﭘﻨﯩﯔ ﻣﺎﮬﯩﻴﻪﺕ ﺟﻪﮬﻪﺗﺘﯩﻦ ﺷﻪﻛﯩﻠﻠﯩﻨﯩﺸﯩﻨﻰ ﺗﻮﺳﯘﭖ ﻗﺎﻟﻐﯩﻠﻰ ﺑﻮﻟﯩﺪﯗ. ﺋﻪﻗﻠﯩﻲ ﺋﯩﻘﺘﯩﺪﺍﺭﻯ ﺗﯚﯞﻩﻥ ﺑﺎﻟﯩﻼﺭﻧﯩﯔ ﺋﻮﻗﯘﺷﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ ﮬﻪﺭ ﺑﯩﺮ ﻣﻪﻛﺘﻪﭘﺘﻪ ﺋﺎﭘﺘﻪﭘﭙﻪﺭﻩﺱ ﺳﯩﻨﯩﭙﻰ ﺗﻪﺳﯩﺲ ﻗﯩﻠﯩﻨﻐﺎﻥ . ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﭼﯩﻘﻘﺎﻧﺪﺍ ﺑﯘ ﺋﻪﻗﻠﯩﻲ ﺋﯩﻘﺘﯩﺪﺍﺭﻯ ﺗﯚﯞﻩﻥ ﺑﺎﻟﯩﻼﺭ ﮬﻪﺭ ﻗﺎﻳﺴﻰ ﻣﻪﻣﯘﺭﯨﻲ ﺭﺍﻳﻮﻧﻼﺭ ﺗﻪﺳﯩﺲ ﻗﯩﻠﻐﺎﻥ ﻣﻪﻛﺘﻪﭘﻠﻪﺭﮔﻪ ﻛﯩﺮﯨﭗ ﺋﺎﻻﮬﯩﺪﻩ ﺗﻪﺭﺑﯩﻴﻨﻰ ﻗﯘﺑﯘﻝ ﻗﯩﻠﯩﺪﯗ.
4. ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ ﻛﯧﻠﯩﺶ - ﻣﻪﻧﺒﻪﺳﻰ
ﻳﺎﭘﯘﻧﯩﻴﺪﻩ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ ﺋﺎﺳﺎﺳﻠﯩﻖ ﻛﯧﻠﯩﺶ ﻣﻪﻧﺒﻪﺳﻰ ﺑﺎﻳﻼﺭﺩﯨﻦ ﺋﯧﻠﯩﻨﻐﺎﻥ ﺑﺎﺝ ﺑﻮﻟﯘﭖ ، ﺋﯘ ﺋﺎﺳﺎﺳﻠﯩﻘﻰ ﻳﯘﻗﯩﺮﻯ ﻛﯩﺮﯨﻤﻠﯩﻜﻠﻪﺭﺩﯨﻦ ﺋﯧﻠﯩﻨﺪﯨﻐﺎﻥ ﺑﺎﺟﻨﻰ ﻛﯚﺭﺳﺘﯩﺪﯗ. ﻛﯩﺮﯨﻤﻰ ﻗﺎﻧﭽﻪ ﻳﯘﻗﯩﺮﻯ ﺑﻮﻟﺴﺎ ﺑﺎﺟﻨﻰ ﺷﯘﻧﭽﻪ ﻛﯚﭖ ﺗﺎﭘﺸﯘﺭﯨﺪﯗ ، ﺑﯘﻧﺪﺍﻕ ﺑﻮﻟﻐﺎﻧﺪﺍ ﻣﺎﺋﺎﺭﯨﭗ ﺧﯩﺮﺍﺟﯩﺘﯩﻨﯩﯔ ﻛﯧﻠﯩﺶ ﻣﻪﻧﺒﻪﺳﻰ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﯩﺪﯗ. ﺑﺎﺝ ﺋﺎﺭﻗﯩﻠﯩﻖ ﺗﻪﯕﺸﻪﺵ ﺑﺎﻱ - ﻧﺎﻣﺮﺍﺗﻠﯩﻖ ﭘﻪﺭﻗﻨﻰ ﻛﯩﭽﯩﻜﻠﯩﺘﯩﭗ ، ﭘﯜﺗﻜﯜﻝ ﺟﻪﻣﺌﯩﻴﻪﺗﻨﯩﯔ ﻣﺎﺱ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﺑﺎﺭﻟﯩﻖ ﺋﻮﺗﺘﯘﺭﺍ ، ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﻠﻠﯩﺮﯨﻨﯩﯔ ﮬﻪﻣﻤﯩﺴﻰ ﺩﯙﻟﻪﺕ ﻣﻪﻣﯘﺭﻟﯩﺮﻯ ﺑﻮﻟﯘﭖ ، ﺋﯘﻻﺭﻧﯩﯔ ﻣﺎﺋﺎﺷﻰ ﺩﯙﻟﻪﺕ ﺗﻪﺭﯨﭙﯩﺪﯨﻦ ﺑﯧﺮﯨﻠﯩﺪﯗ. ﺷﯘﯕﺎ ، ﺑﯘ ﺋﻮﻗﯘﺗﻘﯘﭼﯩﻼﺭﺩﺍ ﺋﺎﺭﺗﯘﻗﭽﻪ ﻏﻪﻡ - ﺋﻪﻧﺪﯨﺸﻪ ﺑﻮﻟﻤﯩﻐﺎﭼﻘﺎ ﺑﺎﺭﻟﯩﻘﯩﻨﻰ ﻣﺎﺋﺎﺭﯨﭗ ﺋﯩﺸﻠﯩﺮﻯ ﺋﯜﭼﯜﻥ ﺋﺎﺗﯩﯟﻩﺗﻜﻪﻥ .

<< ﺋﻮﻗﯘﺗﻘﯘﭼﯩﻼﺭ ﻣﻪﺟﻤﯘﺋﻪﺳﻰ >> ﮊﻭﺭﻧﯩﻠﯩﺪﯨﻦ ﺋﯧﻠﯩﻨﻐﺎﻥ .