دۆلەت رەئىسى شى جىنپىڭ 7-نويابىر خەلق سارىيىدا كامبودژانىڭ باش ۋەزىرى خونسىن بىلەن كۆرۈشتى.

شى جىنپىڭ كامبودژانىڭ باش ۋەزىرى خونسىن بىلەن كۆرۈشكەندە ئالدى بىلەن خونسىننىڭ ئۆز ئارا ئالاقىلىشىش ۋە شېرىكلىك مۇناسىۋىتى سۆھبىتىگە قاتنىشىش ئۈچۈن جوڭگۇغا كەلگەنلىكىنى قارشى ئالدى. شى جىنپىڭ مۇنداق دېدى: ئات ئۇزاق يولدا سىنىلىدۇ، ئادەم ئۇزاق يىلدا. جۇڭگو بىلەن كامبودژا قەتئىي تۈردە بوران چاپقۇنلاردا بىرگە بولۇپ، قول تۇتۇشۇپ ھەمكارلىشىدىغان قەدىناس دوستلار ۋە ئىشەنچلىك شېرىكلەردىن بولۇپ كەلدى . بۇ خىل ئەنئەنىۋىي دوستلۇق ئىنتايىن قىممەتلىك، بىز تەرەققىياتتا قەتئىي تەۋرەنمەي چىڭ تۇرۇپ، جۇڭگو كامبودژا مۇناسىۋىتىنىڭ داۋاملىق تەرەققىي قىلىشغا تۈرتكە بولۇپ، ئۆز ئارا ياردەم بېرىدىغان تەقدىرداش ئورتاق گەۋدىگە ئايلىنىشىنى ئۈمىد قىلىمىز.

شى جىنپىڭ مۇنداق دېدى: جۇڭگو كامبودژا بىلەن يۇقىرى قاتلامدىكىلەرنىڭ ئالاقىسىنى ۋە پارتىيەلەرنىڭ ئالاقىسىنى ساقلاپ، دۆلەتنى ئىدارە قىلىپ ھاكىمىيەت يۈرگۈزۈش تەجرىبىلىرىنى ئالماشتۇرۇپ، ئۆز ئارا ئالاقىلىشىشغا تۈرتكە بولۇپ، يېزا ئىگىلىك، سۇ ئېلېكتىر ئىستانسىسى، ئىقتىسادىي ئالاھىدە رايون، مائارىپ، تىببىي داۋالاش، تېلېگراف، ساياھەتچىلىك قاتارلىق ساھەلەردىكى ھەمكارلىقىغا تۈرتكە بولۇپ، يېپەك يولى ئىقتىسادى بەلبېغى ۋە 21-ئەسىر دېڭىز يىپەك يولى قۇرۇلۇشىغا بىرلىكتە تۈرتكە بولۇشنى خالايدۇ.

ئىككى تەرەپ رايون ئىشلىرىدىكى ئالاقىسىنى ۋە ماسلىشىشنى كۈچەيتىپ، جۇڭگو بىلەن شەرقىي جەنۇبىي ئاسىيا ئەللىرى ئىتتىپاقىنىڭ ئىتتىپاقلىشىپ ھەمكارلىشىشنى بىرلىكتە قوغدىشى كېرەك.

خونسىن مۇنداق دېدى: كامبودژا جۇڭگونىڭ ئىگىلىك ھوقۇقى، بىخەتەرلىكى، زېمىن پۈتۈنلىكىنى ئىلگىرىكىدەكلا قەتئىي قوللايدۇ، ھەمدە بىر بەلباغ ۋە بىر يول قورۇلۇشىدىن پايدىلىنىپ، ئۆز دۆلىتىنىڭ ئاساسىي مۇئەسسەسسە قۇرۇلۇشى ۋە ئىقتىسادىي تەرەققىياتىغا تۈرتكە بولۇشنى، رايوننى بىر گەۋدىلەشتۈرۈش مۇساپىسىغا قاتنىشىپ، رايون تىنىچلىقى ۋە مۇقىملىقىنى ئىلگىرى سۈرۈشنى ئۈمىد قىلىدۇ.