ۋاڭيى تەنتەربىيەسى خەۋىرى، نۇر تورى تەرجىمىسى:

2016-يىلى 15-مارت سەھەر بېيجىڭ ۋاقتى سائەت 4 تە، 2015-2016-مۇسابىقە پەسىللىك ئېنگىلاند دەرىجىدىن تاشقىرى بىرلەشمىسىنىڭ 30-ئايلانما مۇسابىقىسى ئۆتكۈزۈلدى. بىرلەشمە رەت-تەرتىپىدە 1-ئورۇندا تۇرۇۋاتقان كوماندا لېيچېستىر شەھىرى كوماندىسى ئۆز مەيدانىدا تېخى ئالدىنقى كۈنى مەشقاۋۇل ئالماشتۇرغان نيۇكاستېل كوماندىسى بىلەن مۇسابىقىلەشتى.

بۇ پەسىلدە لېيچېستىر كوماندىسىنىڭ بېرلەشمىدىكى ئىپادىسى ناھايىتى ياخشى بولۇپ، 29 ئايلانمىدىكى ئېرىشكەن نومۇرى 60 بولۇپ 52 توپ كىرگۈزۈپ 31 توپ كەتكۈزۈپ، بىرلەشمىدە 1-ئورۇندا تۇرۇۋاتىدۇ. توتتېنھام كوماندىسى 30 ئايلانما مۇسابىقىدە 58 نومۇرغا ئېرىشىپ، 53 توپ كىرگۈزۈپ، 24 توپ كەتكۈزۈپ، بىرلەشمە رەت-تەرتىپىدە 2-ئورۇندا تۇرۇۋاتىدۇ. نيۇكاستېل كوماندىسى بولسا ئالدىنقى 28 ئايلانما مۇسابىقىدە ئاران 24 نومۇرغا ئېرىشىپ دەرىجە چۈشۈش دائىرىسىگە كىرىپ قالغان بولغاچقا ئىككى كۈن ئاۋۋال خانلىق مادرىد كوماندىسىدىن يېقىندىلا ئايرىلغان بېنتىزنى مەشقاۋۇللۇققا تەكلىپ قىلىپ، كوماندىنىڭ ھازىرقى ناچار ھالىتىنى ئۆزگەرتىش ئۈچۈن تۇنجى قەدىمنى باستى. بۇ مەيدان مۇسابىقە لېيچېستىر كوماندىسىغا نىسبەتەن توتتېنھام كوماندىسى بىلەن بولغان نومۇر پەرقىنى چوڭايتىپ بالدۇرراق ئۇزغۇنلۇققا ئېرىشىشتىكى ياخشى پۇرسەت.

نىيۇكاستېل كوماندىسىغا نىسبەتەن نۆۋەتتىكى ھەربىر مەيدان مۇسابىقە نومۇر ئېلىپ دەرىجە چۈشۈپ كېتىشتىن ساقلىنىشتىكى ھەل قىلغۇچ باسقۇچ. مەشقاۋۇل بېننىتىزغا نىسبەتەن نىيۇكاستېل كوماندىسىغا كوماندىسىغا مەشقاۋۇل بولغاندىكى تۇنجى مەيدان مۇسابىقە بولۇپ، ئۇنىڭ بۇندىن كېيىنكى مەشقاۋۇللۇق خىزمىتىگە قارىتا دۇچ كەلگەن بىر سىناقتۇر.

لېيچېستىر كوماندىسى بۇ مەيدان مۇسابىقىدە ئەڭ كۈچلۈك ماھىرلارنى مەيدانغا چىقىرىپ، مۇسابىقە جەريانىدكى ھۇجۇمنىڭ ئۈنۈمىگە ۋە ئوتتۇرا مەيدان رايونىدا توپ كونترول قىلىپ ھۇجۇم تەشكىللەشكە كاپالەتلىك قىلدى. مۇسابىقە باشلىنىپ 25 مىنۇت بولغاندا لېيچېستىر كوماندىسى ئالدى مەيداندا بىر ئىختىيارى توپ تېپىش پۇرسىتىگە ئېرىشتى. توپ باشلاندى ۋاردى توپنى ئۈسۈپ ۋاراتار ئالدىغا تاشلىدى، ياپونىيەلىك ماھىر ئوكازاكى توپنى موللاقچىلاپ تېپىپ ۋاراتارغا كىرگۈزدى، نەتىجە 1-0 . مۇسابىقە جىددىي كەيپىياتتا داۋاملاشتى، ھەرئىككىلا كوماندا ئەزالىرى پۈتۈن ماھارىتى ۋە كۈچ ماغدۇرىنى سەرپ قىلىپ مۇسابىقىلەشتى. تولىمۇ ئەپسۇس كېيىنكى مۇسابىقە جەريانىدا ئىككىلا كوماندا بىر قانچە قېتىم ھۇجۇم قىلىش پۇرسىتىگە ئېرىشكەن بولسىمۇ، توپ كىرگۈزەلمەي مۇسابىقە 1-0 نەتىجە بىلەن ئاخىرلاشتى.