ئىسرالىيە خايفا ئۇنىۋېرسىتېتىنىڭ تەتقىقاتچىلىرى دۇنيانىڭ ھەر قايسى جايلىرىدىكى كېچە چىراقلىرىنىڭ يورۇقلۇقىنى سۈنئىي ھەمرا ئىسخېمىسىنى تەھلىل قىلىش ئارقىلىق، كېچىدىكى سۈنئىي چىراق نۇرىنىڭ كۈچلۈك بولۇشىنىڭ سۈت بېزى راكى ۋە سېمىزلىك قاتارلىق كېسەللىكلەر بىلەن مۇناسىۋەتلىك ئىكەنلىكىنى بايقىغان.

   بۇ تەتقىقاتچىلار ئامېرىكا دۆلەت مۇداپىئە ھاۋارايى سۈنئىي ھەمرا تۈرىنىڭ ئالاقىدار ماتېرىياللىرىدىن پايدىلىنىپ، دۇنيانىڭ ھەر قايسى جايلىرىدىكى كېچە چىراقلىرىنىڭ يورۇقلۇقىنى سۈنئىي ھەمرا ئىسخېمىسىدا تەكشۈرگەن. شۇنداقلا دۇنيا سەھىيە تەشكىلاتى ئېلان قىلغان دۇنيانىڭ ھەر قايسى جايلىرىدىكى دەرىجىدىن تاشقىرى ئېغىر ۋە سېمىزلەرنىڭ نىسبىتىنى سېلىشتۇرۇپ تەھلىل قىلىپ، كېچە چىراقلىرىنىڭ نۇرى قانچە يورۇق بولغان رايونلاردا دەرىجىدىن تاشقىرى ئېغىر ۋە سېمىزلەرنىڭ نىسبىتىنىڭ شۇنچە چوڭ بولىدىغانلىقىنى بايقىغان. ئۇنىڭدىن باشقا كېچىدە چىراق نۇرىنىڭ كۈچلۈك ئاجىز بولىشىنىڭ مۇناسىۋەتلىك ئىكەنلىكى، چىراق نۇرى قانچە يورۇق بولسا داۋاملىشىش ۋاقتى شۇنچە ئۇزۇن بولغان شەھەرلەردە كىشىلەرنىڭ سۈت بېزى راكىغا گىرىپتار بولۇش نىسبىتىنىڭ شۇنچە يوقىرى بولىدىغانلىقىنى بايقىغان.

   تەتقىقاتچىلارنىڭ قارىشىچە، سۈنئىي چىراق نۇرى ئادەم تېنىدە قارىداپ كەتكەن ھورمونلارنى شەكىللەندۈرۈپ، ئادەم بەدىنىدىكى بىئولوگىيەلىك سائەتنى قالايمىقانلاشتۇرۇپ، فىزىلوگىيە ۋە ھەرىكەت جەھەتتە ئۆزگىرىش پەيدا قىلىپ، سېمىزلىكنى كەلتۈرۈپ چىقىرىدىكەن. نورمال ئەھۋالدا، ئادەم بەدىنىدىكى قارىداپ كەتكەن ھورمونلار بىر كۈندىكى ئوخشىمىغان مەزگىلدە ئۆزگىرىش ياساپ، كېچىدە يۇقىرى سەۋىيەگە يېتىپ، كۈندۈزى تۆۋەنلەيدىكەن. بۇرۇنقى تەتقىقاتتا گوللاندىيە لېيتۇن ئۇنىۋېرسىتېتىنىڭ ئالىملىرى چاشقان بالىسى ئۈستىدە ئېلىپ بارغان تەجىرىبىدە چاشقان بالىسىنى ھەر كۈنى 24 سائەت چىراق نۇرىدا تۇرغۇزغاندا باشقا چاشقان بالىلىرىغا ئوخشاش يىيىشى ۋە ھەركىتى كۆپىيىپ ماي مىقدارىنىڭ %50 ئاشقانلىقىنى بايقىغان. مۇتەخەسىسىلەر شەھەرلەردە بولۇپمۇ چوڭ شەھەرلەردە ياشاۋاتقان كىشىلەرنىڭ ئىمكانىيەتنىڭ بېرىچە سۈنئىي نۇردىن كېلىدىغان سەلبىي تەسىردىن ساقلىنىپ، نۇر توسىدىغان پەردىلەرنى ئېسىپ، يول چىرىقى نۇرىنىڭ چۈشىشىنى ئازايتىش، كەچتە ھۇجىرىدىكى چىراقنىڭ بەك يورۇق بولماسلىقى، ئۇخلاشتىن بۇرۇن ئېكرانغا قاراش ۋاقتىنى ئازايتىش قاتارلىق تەكلىپنى بەرگەن.