ئىدارىنىڭ قائىدە-تۈزۈملىرىگە ئېغىر دەرىجىدە خىلاپلىق قىلسا، ئىدارە ئەمگەك توختامىنى بىكار قىلسا بولامدۇ؟
يانفوندا كۆرۈش
ئىدارىنىڭ قائىدە-تۈزۈملىرىگە ئېغىر دەرىجىدە خىلاپلىق قىلسا، ئىدارە ئەمگەك توختامىنى بىكار قىلسا بولامدۇ؟
جاۋاب: خىزمەتچى ئىدارىنىڭ قائىدە-تۈزۈملىرىگە ئېغىر دەرىجىدە خىلاپلىق قىلسا، ئىدارە ئەمگەك توختامىنى بىكار قىلسا بولىدۇ. ئەمگەكچىنىڭ ئادەم ئىشلەتكەن ئورۇننىڭ قائىدە-تۈزۈمىگە ئېغىر دەرىجىدە خىلاپلىق قىلغانلىقى سەۋەبلىك ئادەم ئىشلەتكەن ئورۇن ئەمگەك توختامىنى بىكار قىلماقچى بولسا، ئاۋۋال قائىدە-تۈزۈمىدە قايسى ئەھۋاللارنىڭ «ئېغىر خىلاپلىق قىلىش» بولىدىغانلىقىنى ئېنىق بەلگىلىشى كېرەك، شۇنداق بولسا ئەمگەك توختامىنى بىكار قىلسا بولىدۇ. پەقەت ئەمگەكچى ئەمگەك ئىنتىزامى ياكى ئادەم ئىشلەتكەن ئورۇننىڭ قائىدە-تۈزۈملىرىگە ئېغىر خىلاپلىق قىلغان ئەھۋالدىلا، ئادەم ئىشلەتكەن ئورۇن مۇشۇ سەۋەب بىلەن ئەمگەكچى بىلەن تۈزگەن ئەمگەك توختامىنى بىكار قىلسا بولىدۇ.
دىققەت قىلىشقا تېگىشلىك بولغىنى، ئادەم ئىشلەتكەن ئورۇن ئەمگەكچىنىڭ «ئىدارىنىڭ قائىدە-تۈزۈمىگە ئېغىر خىلاپلىق قىلغانلىقى» سەۋەبلىك ئەمگەكچى بىلەن تۈزگەن ئەمگەك توختامىنى بىكار قىلغاندا، بۇنىڭ ئالدىنقى شەرتى بۇ «قائىدە-تۈزۈم» قانۇنلۇق تەرتىپتىن ئۆتۈپ تۈزۈلگەن بولۇشى، ھەم شۇنداقلا ئەمگەكچىلەرگە ئېلان قىلىنغان ياكى ئۇقتۇرۇلغان بولۇشى، قانۇنلۇق، كۈچكە ئىگە بولۇشى، ئەمگەكچىگە قارىتا چەكلەش كۈچىگە ئىگە بولۇشى كېرەك.