ھاۋا سوغۇق بولغاندا زۇكام بولۇش نىسبىتى بىر قەدەر يۇقىرى بولۇپ، زۇكام بىلەن يۇقۇملانغانلار ئارىسىدا، بالىلارنىڭ كېسەل بولۇش نىسبىتى ئەڭ يۇقىرى بولىدۇ.
بوۋاقلار تارقىلىشچان زۇكام بولغاندا، پەقەت دورا يېيىشلا يېتەرلىك بولماستىن، بەلكى ئائىلىدىكىلەرنىڭ ياخشى كۈتۈشى ۋە يېتەرلىك ئارام ئېلىشىنى كاپالەتكە ئىگە قىلىش بالىلارنىڭ كېسەلدىن تېزدىن ئەسلىگە كېلىشىگە پايدىلىق.
كىشىلەر تارقىلىشچان زۇكامنى ئادەتتىكى زۇكام بىلەن ئوخشاش دەپ قاراپ تارقىلىشچان زۇكامغا ئانچە ئېتىبار بەرمەيدۇ. ئەمەلىيەتتە، تارقىلىشچان زۇكام ئادەتتىكى زۇكام بىلەن ئوخشىمايدۇ. تارقىلىشچان زۇكام تارقىلىشچان زۇكام باكتېرىيەلىرىدىن يۇقۇملىنىشتىن كېلىپ چىقىدىغان كېسەللىكتىن ئىبارەت.

تارقىلىشچان زۇكام كېسەللىكىنىڭ ئالاھىدىلىكى:
1. زۇكام بىلەن ئوخشىشىپ كېتىدۇ، ئەمما زۇكامغا قارىغاندا ئېغىر بولۇپ، قىزىتما بىر قەدەر يۇقىرى بولۇپ، ئادەتتە 38 سېلسىيە گرادۇس ئەتراپىدا بولۇپ، بەزىدە ھەتتا 39 سېلسىيە گىرادۇسقا يېتىدۇ. بولۇپمۇ باش ئاغرىش، پۈتكۈل بەدەن دەرمانسىز بولۇش، مۇسكۇللار ئاغرىش قاتارلىق جەھەتلەردە بىر قەدەر ئېغىر.
2. داۋاملىشىش ۋاقتى بىر قەدەر ئۇزۇن بولىدۇ. نەپەسلىنىش يولى ئارقىلىق تارقالغانلىق سەۋەبىدىن، كېسەل كىشىلەرگە يۇلۇققاندا يۇقىدۇ. ئادەم يوق سورۇنلاردا كېسەل كىشىنىڭ يۆتىلىشى، چۈشكۈرۈشى نەتىجىسىدە، كېسەللىك باكتېرىيىسى ھاۋاغا تارقىلىپ، ھاۋا ئۆتۈشۈش ياخشى بولمىغاندا، كېسەللىك باكتېرىيىسى ھاۋادا ئۇزۇن ۋاقىت ساقلىنىپ، نەپەسلىنىش يولى ئارقىلىق قايتا بەدەنگە كىرىدۇ.