ئەلداۋا ساغلاملىق تورى 14-مارت خەۋىرى،ئۈرۈمچى شەھەرلىك بالىلار كېسەللىكلىرى دوختۇرخانىسىدىن ئۇقۇشىمىزچە، بۇ يىل «رۇشىن جۇڭخۇا بالىلار يۈرەك كېسەللىكى فوندى 如新中华儿童心脏病基金 » پاراۋانلىق ياردەم تۈرى يولغا قويۇلغان.

3-ئاينىڭ 13-كۈنىدىن باشلاپ، شىنجاڭ تەۋەسىدىكى 14 ياش ۋە ئۇنىڭدىن كىچىك ياشتىكى تۇغما يۈرەك كېسىلى بار بالىلار، تۇرۇشلۇق جايىدىن ئالغان ئائىلىسىدە قىيىنچىلىق بارلىقىنى كۆرسىتىدىغان ئىسپاتىنى ئېلىپ، ئۈرۈمچى شەھەرلىك بالىلار كېسەللىكلىرى دوختۇرخانىسىغا كېلىپ داۋالاش ياردىمى ئىلتىماس قىلسا، 5000 مىڭ يۈەندىن 20 مىڭ يۈەنگىچە داۋالاش ياردەم سوممىسىغا ئېرىشەلەيدىكەن. بەزى ئالاھىدە كېسەللىك ئەھۋالىدا ياردەم سوممىسىنى كۆپەيتىشكە بولىدىكەن.
مەسلىھەت سوراش تېلېفونى: 0991-3849495
ئۇقۇشىمىزچە، مەزكۇر تۈر يولغا قويۇلغاندىن باشلاپ ھازىرغىچە 291 نەپەر بالا بۇ ياردەمگە ئېرىشكەن.
ئاخىرىدا، كۆپچىلىكنىڭ بۇ ئۇچۇرنى تېز سۈرئەتتە، كەڭ تارقىتىپ قويۇشىنى ئۈمىد قىلىمىز! دەقىقە ۋاقىت چىقىرىپ تارقاتقان پايدىلىق ئۇچۇرىمىز تۈرتكىسىدە، تۇغما يۈرەك كېسىلىنىڭ دەردىنى تارتىۋاتقان بىر بالا بولسىمۇ داۋالىنىش ياردىمىگە ئېرىشىپ قالسا، جىگەر پارىسىنى داۋالىتىش ئۈچۈن قىلمىغىنى قالمىغان ئاتا-ئانىلارنىڭ چېھرىگە تەبەسسۇم يۈگۈرۈپ قالسا ئەجەب ئەمەس...