ئون ياشتىن كىچىك بالىلارغا تەۋسىيە قىلىنغان ئىشلار

ھازىرقى ئون ياش ئەتراپىدىكى بالىلارغا نىسبەتەن ئېيتقاندا، ھەر كۈنى نەچچە سائەتلەپ تېلېۋىزور كۆرۈش ياكى كومپيۇتېر ئويناش ئادەتتىكى ئىشقا ئايلىنىپ قالدى. ئەمما، ئۇلار تاملارغا ۋە دەرەخلەرگە يامىشىدىغان، قۇمدىن قەلئە ياسايدىغان، چىملىقلاردا دومىلايدىغان... قىزىقارلىق ئويۇنلارنى بىلەمدۇ؟ بۇ مۇناسىۋەت بىلەن ئەنگلىيە مۇتەخەسسىسلىرى ئون ياشتىن كىچىك بالىلار قىلىشقا تېگىشلىك نەچچە تۈرلۈك ئىشنى تىزىپ چىقتى، ئەلۋەتتە كومپيۇتېر ئويۇنى بۇ تىزىملىكتە يوق. ئۇلار ئايرىم - ئايرىم ھالدا: 1. چىملىقلاردا دومىلاش؛ 2. لاي ئويناش؛ 3. خېمىر ئويناش؛ 4. قۇمچاق ئىزدەش؛ 5. گۈل بەرگىدىن ئەتىر ياساش؛ 6. قەغەز نىقاب ياساش؛ 7. قۇم قەلئە ياساش؛ 8. دەرەخكە يامىشىش؛ 9. قۇملۇقتا كىچىك ئۆڭكۈر كولاش؛ 10. پۇت ۋە قول بىلەن رەسىم سىزىش؛ 11. مېھماندارچىلىق ئويناش؛ .12 دېڭىز بويى ياكى ئېرىق بويىدىكى قۇملارغا پۇت - قوللىرىنى كۆمۈپ ئويناش؛ 13. قار بوۋاي ياساش؛ 14. لاي ھەيكەل ياساش؛ 15. ئەخلەت تېرىش؛ 16. ئاددىي تاماقلارنى ئېتىش؛ 17. كىچىك ھايۋانلارنى بېقىش؛ 18. بۆلجۈرگەن تېرىش؛ 19. بەش خىل قۇشنى پەرقلەندۈرۈش؛ 20. بەزى قۇرتلارنى تونۇش؛ 21. پاتقاقلىقلاردا ۋېلىسىپىت مىنىش؛ 22. لەگلەك ئۇچۇرۇش؛ 23. كۆچەت تىكىش؛ 24. ئوت - چۆپ ۋە دەرەخ شاخلىرى بىلەن قۇش چاڭگىسى ياساش؛ 25. باغچە ئىچىدىن 10 تال ئوخشاش بولمىغان دەرەخ يوپۇرماقلىرىنى تېپىش؛ 26. كۆكتات تېرىش؛ 27. ئاتا - ئانىسىغا ياردەملىشىپ ناشتىلىق تەييارلاش؛ 28. باغچىدا قوغلاشماق ئويۇنى ئويناش قاتارلىقلار.

           نۇسرەتگۈل ئۆمەر تەرجىمىسى

مەسئۇل تەھرىر: سادىق مىجىت

تەھرىر: سەمەت ئېلى