ئەلداۋادىن تېببىي ساۋات:
يېقىنقى يىللاردىن بۇيان بالىلاردا جىنسىي كېسەللىكلەرنىڭ پەيدا بولۇش نىسبىتى ئۈزلۈكسىز ئاشماقتا. ئۇنىڭ سەۋەبلىرى:
1.ئائىلىدە يۇقۇملىنىش.

بالىلار جىنسىي كېسەللىككە گىرىپتار بولغان ئائىلە ئەزالىرى بىلەن كۈندىلىك تۇرمۇشتا زىچ ئۇچرىشىشتىن يۇقۇملىنىدۇ. ئەگەر ئەر نىكاھسىز جىنسىي مۇناسىۋەت ئۆتكۈزۈپ سۆزنەك كېسەللىكىگە گىرىپتار بولغان بولسا خوتۇنىغا يۇقتۇرىدۇ، ئاندىن بالا ئانىسى بىلەن مۇنچىدا بىللە يۇيۇنۇش ياكى لۆڭگە، سوپۇنلارنى ئورتاق ئىشلىتىش نەتىجىسىدە بۇ كېسەللىك بالىغا يۇقىدۇ.

2. ئاممىۋى سورۇنلاردا يۇقۇملىنىش.

يەسلىدىكى بالىلار جىنسىي كېسەللىك قوزغاتقۇچىسى بىلەن بۇلغانغان بۇيۇملار بىلەن ئۇچرىشىش ئارقىلىق يۇقۇملىنىدۇ.

3.دوختۇرخانا مەنبەلىك يۇقۇملىنىش.

دوختۇرخانىدا بالىلارنىڭ كۆپىنچىسى قان سېلىش ئارقىلىق يۇقۇملىنىدۇ. يېقىنقى يىللاردىن بۇيان بالىلارنىڭ قان سالدۇرۇش سەۋەبىدىن B تىپلىق، C تىپلىق جىگەر يەللىكىگە گىرىپتار بولۇش نىسبىتى يىلدىن- يىلغا ئاشماقتا.

4. سىفلىس ۋە ئەيدىز كېسەللىكى بىلەن تۇغما يۇقۇملىنىش.

ئانىسى ھامىلىدارلىق مەزگىلىدە ياكى ھامىلىدار بولۇشتىن ئىلگىرى جىنسىي كېسەللىك بىلەن يۇقۇملانغان بولسا، ئۇ ۋېرنىكال يۇقۇملىنىش شەكلىدە بالىنى يۇقۇملاندۇرىدۇ.