بالىلار مۇتەخەسسىسىنىڭ چۈشەندۈرۈشىچە، بالىنىڭ پاكار بولۇپ قېلىشى بالا تۇغۇلۇپ بىرىنچى يىلىدىن باشلىنىپ ئىككىنچى يىلىغىچە بولغان ئارىلىقتىكى ئوزۇقلۇق بىلەن مۇناسىۋەتلىك بولۇپ، ئاساسلىقى ئانا سۈتىدە بېقىش، ئانىنىڭ ساۋاتسىزلىقى، بوۋاقنىڭ ھالىدىن ئانىنىڭ خەۋەر ئېلىشى، ئىچ سۈرۈش ۋە ئائىلە كىرىمى قاتارلىق ئامىللار بالىنىڭ بوي ئۆسۈشى بىلەن مۇناسىۋەتلىك ئىكەن. ئانا سۈتىدە بېقىش ۋە قوشۇمچە يېمەكلىكلەرنى مۇۋاپىق مىقداردا تولۇقلاش بالىنىڭ ئۇزۇنلۇقىدىكى ئەڭ ياخشى تاللاش ھېسابلىنىدىكەن.
بوۋاق توغۇلۇپ 4~6 ئايلىق بولغۇچە چوقۇم ساپ ئانا سۈتىدە بېقىش بوۋاقنىڭ ئۆسۈپ يېتىلىشىدە ئېھتىياجلىق بولغان ماددىلارنى تولۇقلاشتا مۇھىم ئەھمىيەتكە ئىگە. بۇ مەزگىلدە، ئەگەر ئازراق سۇ ياكى باشقا يېمەكلىك قوشقاندا، بوۋاق شۇنچىلىك مىقداردىكى سۈتنى ئاز ئەمگەن بولىدۇ-دە، بالىنىڭ ئىچ سۈرۈشنىڭ ئېھتىماللىقى شۇنچە چوڭ بولىدۇ.
1998-يىلى 10 مىڭ بوۋاققا قارىتا ئېلىپ بېرىلغان تەتقىقات نەتىجىسىدە كۆرسىتىلىشىچە، ئانا سۈتى بىلەن بېقىلمىغان بوۋاقلارنىڭ پاكار بولۇپ قېلىش خەۋپىنىڭ نىسبىتى ئانا سۈتى بىلەن بېقىلغان بوۋاقلارنىڭ 2.2 ھەسسىسىگە تەڭ بولۇش بىلەن بىرگە ئىچ سۈرۈش خەۋپى 2.7 ھەسسە يۇقىرىلايدىكەن. ساپ ئانا سۈتىدە بېقىلغان بوۋاقلارنىڭ سۈتكە سۇ ئارىلاشتۇرۇلغان ياكى باشقا ئوزۇقلۇقلارنى ئارىلاشتۇرۇپ بېقىلغان بالىلارغا قارىغاندا %25 تۆۋەن بولىدىكەن.
بوۋاق 4~6 ئايلىقتىن كېيىن بوۋاقنىڭ يېمەكلىكىگە چوقۇم قوشۇمچە ئوزۇقلۇقلارنى قوشۇشنى باشلاش كېرەك. بەزى ياش ئاتا-ئانىلارنىڭ بوۋاققا بېرىدىغان ئاساسلىق قوشۇمچە يېمەكلىكى گۈرۈچ، ئۇن تاماقلىرىنى ئاساس قىلىدىغان بولۇپ، ئۇلار تۇخۇم، ئۇرۇق گۆش ۋە پۇرچاق تىپىدىكى ئوزۇقلۇقلارنى تولۇقلاشقا سەل قارايدۇ. بوۋاقلارنىڭ ئاشقازىنى كىچىك بولغاچقا، گۈرۈچ، ئۇن يېمەكلىكلىرى ئاسانلا بوۋاقنى تويۇنۇش تۇيغۇسىغا ئىگە قىلسىمۇ، ئەمما ئېنېرگىيە ۋە ئوزۇقلۇق مىقدارى بوۋاقنىڭ ئۆسۈپ يېتىلىش ئېھتىياجىنى قاندۇرالمايدۇ.
تەتقىقات ۋە ئىزدىنىشلەردىن ئىسپاتلىنىشىچە، بوۋاقنىڭ ئۆسۈپ يېتىلىشىدە كېرەكلىك بولغان ئىسسىقلىق ۋە ئوزۇقلۇق ماددىغا سىنك، تۆمۈر قاتارلىق ماددىلار ئاساسلىقى ھايۋانات گۆشى ۋە سەي-كۆكتاتلاردىن كېلىدىكەن. 18~24 ئايلىق بولغان بوۋاق ۋە بالىلارنىڭ يېمەكلىكىگە قوشۇلىدىغان ھايۋانات يېمەكلىكلىرىنى قوشۇش نىسبىتىنى %10 ئاشۇرغاندا، ئۇنىڭ پاكار بولۇپ قېلىشىنى %2.6 چۈشۈرگىلى بولىدىكەن. سەي-كۆكتات ۋە مېۋە-چېۋە تىپىدىكى يېمەكلىكلەرنى قوشقاندىمۇ ئوخشاش نەتىجىگە ئېرىشكىلى بولىدىكەن.
مۇتەخەسسىسلەر ئەسكەرتىدۇكى: بوۋاقلارنىڭ ئىلمىي ئۇزۇقلىنىش قۇرۇلمىسىنى قۇرۇپ چىقىپ، بوۋاقنىڭ 18 ئاي ئىچىدىكى ئوزۇقلۇق ئەھۋالىنى ياخشىلاش كېرەك.