تونۇش: بۇ، بەدەننىڭ ئوڭ ياكى سول تەرەپ ئەزالىرىنىڭ ھەرىكىتى يوقىلىش، بىر قىسىم ياكى كۆپلىگەن ئەزالارنىڭ سېزىمى ياكى ھەرىكىتى ئاجىزلاش بىلەن ئىپادىلىنىدىغان كېسەللىك بولۇپ، بۇ بالىغا چىش چىقىش دەۋرىدىكى قىزىتما، چېچەك، قىزىل، ئۈچەيدە قۇرت پەيدا بولۇش، پەيلەرنىڭ ۋە ئومۇمىي بەدەننىڭ قۇۋۋىتى ئاجىزلاش، قان ئازلىق قاتارلىق سەۋەبلەر تۈپەيلىدىن كېلىپ چىقىدىغان شەكىل بۇزۇلۇش خاراكتېرلىك كېسەللىك.

 پەرۋىش: بالىنى پاكىز، ئازادە ئۆيلەردە بېقىش، بالىنىڭ تازىلىقىغا ئەھمىيەت بېرىش، ياتقۇزۇپ ئارام ئالدۇرۇش، قەۋزىيەتنىڭ ئالدىنى ئېلىش، كېسەللىكنىڭ دەسلىپىدە بالىنى ئىلمان سۇدا يۇيۇپ بېرىش، ئىسسىقلىق دورىلارنى قاينىتىپ بالىنىڭ بەدىنىنى ھورداش، سوغۇق سۇدا يۇيۇندۇرۇشتىن، سوغۇق ئۆتۈپ كېتىشتىن، ياتاق يارىسى بولۇپ قېلىشتىن، قورقىتىشتىن ساقلىنىش لازىم. بالىنىڭ مۈچىلىرىنى يەڭگىل دەرىجىدە ئۇۋۇلاپ بېرىش، ياتقان ئورنىنى پاكىز تۇتۇش، بەدەن ھالىتىنى ئۆزگەرتىپ تۇرۇش، تاماق تەرتىپىنى رەتلىك ئورۇنلاشتۇرۇش، روھىي جەھەتتىن خاتىرجەم قىلىش.

 پەرھىز: تەستە ھەزىم بولىدىغان، غىدىقلىغۇچى، يەل پەيدا قىلغۇچى، زىيادە سوغۇق تەبىئەتلىك يېمەك- ئىچمەكلەردىن پەرھىز قىلىنىدۇ.