1.قارشى تەرەپنىڭ بەختىنى ئويلاش, بىر-بىرىنىڭ خۇشاللىقىغا مەدەت بېرىش.
بىز كۆپ ھاللاردا مۇنداق بىر خاتالىقنى ئاسانلا سادىر قىلىمىز, يەنى يېقىن كىشىلىرىمىزنىڭ ھېسسىياتىغا ئەھمىيەت بەرمەيمىز. جورىڭىز خىزمەتتە مۇۋەپپەقىيەت قازانغاندا ياكى بىرەر ئىشتىن خۇشال بولۇپ ھاياجانلانغاندا, سىز ئۇنىڭغا ئاكتىپ ئىنكاس قايتۇرۇڭ, قارشى تەرەپنىڭ بەختىنى ئويلاڭ, ئۇنىڭ خۇشاللىقىغا مەدەت بېرىڭ, بۇ ئۇزاققا سوزۇلغان مۇھەببەتنى بەرپا قىلىشقا پايدىلىق.
2 . بىر-بىرىنىڭ سۆزىنى قۇلاق سېلىپ ئاڭلاش ھەم چۈشىنىش.
ئىناق بولمىغان ئائىلىلەردە كۆپ ھاللاردا مۇنداق بىر مەسىلە مەۋجۇت, ئۇلار بىر-بىرىنىڭ سۆزىگە قۇلاق سالمايدۇ. ئۆز-ئارا چۈشىنىش بولمىغان ئائىلىدە قانداقمۇ ئىناقلىق بولسۇن. بەختلىك ئەر-خوتۇن بىر-بىرىنى قوللاپ, بىر-بىرىنىڭ ئېھتىياجىغا ئەستايىدىل مۇئامىلە قىلىشى, قانداق مەسىلە ياكى قانداق مۇھىم ئىش يۈز بېرىشتىن قەتئىينەزەر چوقۇم پىكىر ئالماشتۇرۇش كېرەك ھەمدە قارشى تەرەپنىڭ كۆز قارىشىنى چۈشىنىش, تەنقىد قىلماسلىق, ئۆزىنى قارشى تەرەپنىڭ ئورنىغا قويۇپ ئويلىنىش كېرەك.
3.ئىشەنچ كرىزىسىنى تۈگىتىپ, ھەمكارلىق تۇيغۇسىنى ئورنىتىش.
بەختلىك ئەر-خوتۇنلار ئائىلىنى بىرىنچى ئورۇنغا قويىدۇ, شەخسىي مەسىلە ۋە ئائىلە مەسىلىسى ئالدىدا, كۆپ ھاللاردا كېيىنكىسىنى تاللايدۇ, قارشى تەرەپنىڭ ئارزۇسى ۋە ئېھتىياجىغا ئەمەل قىلىپ, ئۆز قارارىنىڭ جورىسىغا قانداق تەسىر يەتكۈزىدىغانلىقىنى ئويلاپ, ئۆز ئالدىغا قارار چىقارمايدۇ.
4. تالاش-تارتىشتىن كېيىن,تەشەببۇسكارلىق بىلەن ئالاقىلىشىش.
يېقىن ئەر-خوتۇنلار ئوتتۇرىسىدىمۇ تالاش-تارتىش بولىدۇ, لېكىن تالاش-تارتىشتىن كېيىن قارشى تەرەپ بىلەن قانداق ئالاقىلىشىشنى بىلىش- ئەر–خوتۇنلارنىڭ چىقىشىپ ئۆتۈشىدىكى ئەڭ مۇھىم يول. بەختلىك ئەر-خوتۇنلار كۆپ ھاللاردا ئۇرۇشۇپ قالغاندىن كېيىن, يەنىلا قارشى تەرەپكە كۆڭۈل بۆلىدىغانلىقىنى ئىپادىلەيدۇ ياكى قىزىقارلىق ئۇسۇل ئارقىلىق زىددىيەتلەرنى ھەل قىلىدۇ ۋە ياكى كەچۈرۈم سوراپ قارشى تەرەپنىڭ مەيدانىنى چۈشىنىدىغانلىقىنى ئىپادىلەيدۇ. بۇنداق قىلغاندا مۇناسىۋەتنى تېخىمۇ يېقىنلاشتۇرۇشقا پۇرسەت يارىتىپ بېرىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
