جۇڭگو ئاخبارات تورىنىڭ 16-يانۋار خەۋىرى: چەتئەل مېدىيەلىرىنىڭ خەۋىرىگە ئاساسلانغاندا، ئىئوردانىيە خان سارىيى 1-ئاينىڭ 16-كۈنى بايانات ئېلان قىلىپ، ئىسرائىلىيە باش مىنىستىرى بېنيامىن نېتانياخۇنىڭ پايتەخت ئاممانغا زىيارەتكە كېلىپ، ئىئوردانىيە پادىشاھى ئابدۇللاھ بىلەن ئىسرائىلىيە-پەلەستىن تىنچلىق سۆھبىتىنىڭ ئىلگىرىلەش ئەھۋالىنى سۆھبەتلەشكەنلىكىنى جاكارلىغان.
بۇ قېتىمقى ئاز كۆرۈلىدىغان كۆرۈشۈش ئامېرىكا دۆلەت كاتىپى جون كېررىي ئىسرائىلىيە ۋە پەلەستىننى زىيارەت قىلغاندىن كېيىن بولغان، كېررىي كەلگۈسى نەچچە ھەپتىدە ئوتتۇرا شەرققە يەنە بارىدۇ ھەمدە تىنچلىق مۇساپىسى ھەل قىلىش رامكىسىنى ئوتتۇرىغا قويىدۇ.
كېررىي ئىسرائىلىيەنىڭ بىخەتەرلىك مەسىلىسى ھەققىدە بىر قاتار تەكلىپلەرنى بەردى ھەمدە ئامېرىكىنىڭ پېنسىيەگە چىققان گېنراللىرىدىن مەسلىھەتچىلەر ئۆمىكى قۇرۇپ، تىنچلىق كېلىشىمى مەزمۇنلىرىنىڭ بىرى قىلدى.
نېتانياخۇ 1-ئاينىڭ 14-كۈنى سۆز قىلغاندا، ئامېرىكا ئىسرائىلىيەنىڭ ئەڭ ئۇلۇغ ئىتتىپاقدىشى ئىكەنلىكىنى، ئامېرىكا بىلەن ئىسرائىلىيە ئارىسىدا ئىختىلاپ بولسىمۇ، ئەمما بۇ ئىختىلاپلارنىڭ ئىشنىڭ ئۆزىگە قارىتىلغانلىقىنى، سىياسىي شەخسلەرنىڭ شەخسىي ئەخلاقىغا قارىتىلمىغانلىقىنى تەكىتلىگەن.
تەرجىمىدە: نەپرەت
