جۇڭگو ئاخبارات تورىنىڭ 14-يانۋار خەۋىرى: رۇسىيە ئاخبارات تورىنىڭ خەۋىرىگە ئاساسلانغاندا، تاجىكىستان دۆلەت مۇداپىئە مىنىستىرلىكى 1-ئاينىڭ 14-كۈنى بايانات ئېلان قىلىپ، دۆلەت قوراللىق قىسىملىرى ۋە پولكىنىڭ قىرغىزىستان بىلەن چېگرىلىنىدىغان رايونغا يۆتكەلگەنلىكىگە ئالاقىدار خەۋەرنى ئىنكار قىلغان.
تاجىكىستان ۋە قىرغىزىستان چېگرا تارماقلىرى ۋە قانۇن ئورگانلىرى 1-ئاينىڭ 13-كۈنى كېڭىشىپ، چېگرا رايوندىكى ئاھالىلەر رايونىدىن قىسىملار ۋە ئالاھىدە ئەترەتنى چېكىندۈرۈپ چىقتى ھەمدە ئىككى دۆلەت چېگرىسىدىكى تالاش-تارتىش بولۇۋاتقان رايوننى بىرلىكتە چارلىدى.
تاجىكىستان دۆلەت مۇداپىئە مىنىستىرلىكىنىڭ باياناتچىسى 1-ئاينىڭ 14-كۈنى رۇسىيە ئاخبارات ئاگېنتلىقىغا:«تاجىكىستان دۆلەت مۇداپىئە قىسىملىرى ۋە ھەربىي پولكى نۆۋەتتە ئۆزىنىڭ ئورنىدا تۇرماقتا، ئۇلارنىڭ تاجىكىستان-قىرغىزىستان چېگرىسىغا قاراپ يۆتكەلگەنلىكىگە ئالاقىدار خەۋەر يالغان» دېگەن.
قىرغىزىستان مېدىيەلىرى خەۋەر قىلىپ:«تاجىكىستاننىڭ بروۋنىكلىرى چېگراغا توپلاندى، لېكىن قىرغىزىستاننىڭ پەقەت ئەسكەرلىرى قاراۋۇللۇق قىلماقتا» دېگەن.
تەرجىمىدە: نەپرەت
