بىرلەشمە سەھەر گېزىتى تورىنىڭ 11-دېكابر خەۋىرى: ئوباما، داۋىد كامېيرون ۋە دانىيە باش مىنىستىرى خېللى شىمىت (Helle Thorning-Schmidt) نىڭ جەنۇبىي ئافرىقا پرېزىدېنتى ماندېلانىڭ تەزىيە مۇراسىمىدا ئۆز ئۆزىنى سۈرەتكە تارتىپ كۈلكە چاخچاق قىلىشىنى تورداشلارنىڭ كەڭ تالاش-تارتىشىنى قوزغىغان.
چەتئەل مۇخبىرلىرى تارتىۋالغان سۈرەتتە، شىمىت بىلەن ئوباما بىرلىكتە يانفوننى كۆتۈرگەن بولۇپ، كامېيرون ياندىن كۈلۈمسىرىگەن قىياپەتتە ئۆزلىرىنى سۈرەتكە تارتقان، ئۈچەيلەن كۈلۈمسىرەپ تۇرغان. ئوبامانىڭ يېنىدا ئولتۇرغان خانىمى مىشىلنىڭ چىرايى سۈرلۈك بولۇپ، سۈرەتكە تارتىشقا قاتناشمىغان.
بۇ سۈرەت تېزلىكتە خەلقئارا تورلاردا تالاش-تارتىش قوزغىغان، نۇرغۇن كىشىلەر بۇنداق سورۇندا بۇ قىلمىش مۇۋەپىقمۇ يوق دەپ گۇماندا بولغان.
ئۆزىنى سۈرەتكە تارتقان كۆرۈنۈش ئاساسلىق خەلقئارالىق مېدىيەلەر تەرىپىدىن سۈرەتكە تارتىۋېلىنىپ توردا يوللانغاندىن كېيىن قىزىق نۇقتىغا ئايلانغان، نۇرغۇن كىشىلەر كۆڭۈل ئېچىش ھەرىكىتىنىڭ تەزىيە مۇراسىمىدا مۇۋاپىق ياكى ئەمەسلىكىنى تالاش-تارتىش قىلغان.
ئەنگلىيە ۋە ئاق ساراي بۇ سۈرەتكە باھا بەرمىگەن، دانىيە ھۆكۈمىتىمۇ دەرھال ئىنكاس قايتۇرمىغان.
