جۇڭگو ئاخبارات تورى 10-دېكابىر خەۋىرى: چەتئەل ئاخبارات تورلىرىنىڭ خەۋىرىگە ئاساسلانغاندا، 2011-يىلىدىكى مىسىر ئىنقىلابىدىكى پائالىيەتچى ئەلا ئابدۇل فەتتاھ تەستىقتىن ئۆتمىگەن نامايىشقا قاتناشقانلىقتىن سوتلىنىدىكەن. دادىسى ئەھمەد سەيىف مېدىيەلەرنىڭ زىيارىتىنى قوبۇل قىلغاندا سۆز قىلىپ، ئۆزىنىڭ ئوغلى ۋە باشقا 24 دېموكراتىك پائالىيەتچىلەرگە ۋاكالىتەن سوتقا بارىدىغانلىقىنى بىلدۈرگەن. ئۇلار «تەستىقتىن ئۆتمىگەن نامايىشقا تەشكىللىدى ھەمدە ساقچىلار بىلەن قارشىلاشتى» دەپ ئەيىبلەنگەن.
سەيفنىڭ بىلدۈرىشىچە، تەپتىش مەھكىمىسى ئۇنىڭغا فەتتاھ ۋە باشقا 24 ئادەمنىڭ جىنايى ئىشلار سوتىغا تاپشۇرۇپ بېرىلگەنلىكىنى ئېيتقان. ئىگىلىنىشىچە، سوت مەھكىمىسى تەپسىلىي سوت قىلىش ۋاقتىنى تېخى ئۇقتۇرمىغان، بىراق بۇ مىسىرنىڭ باشقا مۇھىم 3 دەھرىي پائالىيەتچىنى سوتلىغاندىن كېيىنكى ئوخشىشىپ كېتىدىغان ئىككىنچى دېلو ئىكەن.
ئىگىلىنىشىچە، مەزكۇر پائالىيەتچىلەرنىڭ ھەممىسى 2011-يىلى ۋەزىپىسىدىن قالدۇرۇلغان مىسىرنىڭ سابىق پرېزىدېنتى مۇبارەككە نىسبەتەن باشقىچە قاراشتا بولغانلار ھەم يەنە بۇ يىل ۋەزىپىسىدىن قالدۇرۇلغان مىسىرنىڭ سابىق پرېزىدېنتى مورسىنىڭ قوللىغۇچىلىرى ئىكەن. فەتتاھ ئاساسىي قانۇن لايىھىسىگە ئېتىراز بىلدۈرۈش پائالىيىتىگە قاتناشقاندىن كېيىن، 11-ئاينىڭ 28-كۈنى قولغا ئېلىنغان. باشقا 24 پائالىيەتچى ئالدىنقى ھەپتە كېپىللىككە قويۇپ بېرىلگەن.
خەۋەر قىلىنىشىچە، مەزكۇر نامايىشىنىڭ ئالدىنقى ئىككى كۈندە، مىسىر ۋاقىتلىق ھۆكۈمىتىنىڭ پرېزىدېنتى مەنسۇر يېڭى قانۇننى ماقۇللاپ، پەقەت ساقچىلارنىڭ تەستىقىدىن ئۆتسە ئاندىن نامايىش قىلسا بولىدىغانلىقىنى تەلەپ قىلدى، بۇ خەلقئارا جەمئىيەتنى ئەندىشىگە سالدى. سەيف فەتتاھنى قامىلىدۇ دەپ ئويلايدىغانلىقىنى، چۈنكى بۇ ھازىرقى ھاكىمىيەتكە لازىملىق نەرسە ئىكەنلىكىنى بارلىق ئىنقىلاب پائالىيەتچىلىرىنىڭ قاماققا ھۆكۈم قىلىنىدىغانلىقىنى بىلدۈرگەن.
خەۋەر قىلىنىشىچە، مورسى ۋەزىپىسىدىن قالدۇرۇلغاندىن كېيىن، مىسىر ھۆكۈمىتى مۇسۇلمان قېرىنداشلار تەشكىلاتىنى ئۆز ئىچىگە ئالغان مورسىنىڭ مىڭدىن ئارتۇق قوللىغۇچىسىنى قولغا ئالدى.
