جۇڭگو ئاخبارات تورى 21-نويابىر خەۋىرى: چەتئەل ئاخبارات تورىنىڭ خەۋەرلىرىگە ئاساسلانغاندا، تۈركىيە ساقچىلىرى 11-ئاينىڭ 21-كۈنى تۈركىيە باش مىنىستىرى ئەردوغاننىڭ ئىشخانىسى سىرتىدا ئۆزىنى قوشۇپ پارتلاتماقچى بولغان ھۇجۇمچىنى قولغا ئالغان.
تۈركىيە تېلېۋىزىيە ئىستانسىسى دەسلەپتە خەۋەر قىلىشىچە، مەزكۇر جىنايەت گۇماندارىغا (ئەر) ساقچىلار ئوق چىقىرىپ يارىلاندۇرغان، بىراق كېيىن خەۋەر قىلىنىشىچە، ساقچىلار جىنايەت گۇماندارىنى يەرگە دۈم ياتقۇزغان ھەمدە پەقەتلا ھاۋاغا قارىتىپ ئوق ئاتقان.
جىنايەت گۇماندارى ساقچى ئىدارىسىغا يالاپ كېلىنگەندىن كېيىن تەكشۈرۈلگەن. مەلۇم بولۇشىچە، مەزكۇر ۋەقە يۈز بەرگەندە، ئەردوغان ئىشخانىسىدا يوق ئىكەن. ئۇ 11-ئاينىڭ 21-كۈنى كەچقۇرۇن روسىيەگە قاراپ يولغا چىققان بولۇپ، موسكىۋاغا زىيارەتكە ماڭغان.
باشقا مېدىيەلەر مەزكۇر ۋەقەنى خەۋەر قىلىشىچە، بىر ئەر ساقچى ئىدارىسىگە تېلېفون قىلىپ، ئۆزىنىڭ ئۆزىنى ئۆلتۈرۈۋېلىش خاراكتېرىدە ھۇجۇم قىلغۇچى ئىكەنلىكىنى، ئەردوغاننىڭ ئىشخانىسىغا بېرىپ ھۇجۇم قىلىشنى پىلانلىغانلىقىنى ئېيتقان.
