سىز AIDS نى يۇقتۇرۇۋېلىش خەۋپى يۇقىرى كىشىلەردىنمۇ؟

كىملەرنىڭ AIDS نى يۇقتۇرۇۋېلىش خەۋپى يۇقىرى؟

1. باشقىلار بىلەن ئۇكۇل يىڭنىسىنى ئورتاق ئىشلەتكۈچىلەر، باشقىلار بىلەن شىپرىسنى ئورتاق ئىشلىتىپ زەھەر چەككۈچىلەر
2. ۋىرۇس تەكشۈرۈشىدىن ئۆتىمىگەن قان ، قان پلازمىسى ۋە قان ياسالمىلىرىنى سالغۇچىلار ( ئىشلەتكۈچىلەر ).
3. جىنسىي ھەمراھى كۆپلەر ۋە ئۇلارنىڭ جۆرىلىرى .
4. جىنسىي كېسەللىكى بارلار.
5. بەچچىۋازلار ( ئەركەك ھەمجىنىسۋازلار ، Gay ) ، قوش جىنسۋازلار ( bisexuality ، ئەر – ئايال ھەر ئىككى جىنس بىلەن جىنسىي ئالاقىدا بولغۇچىلار ).
6. ئەيدىز ۋىرۇسى ( HIV ) دىن يۇقۇملانغان ئانا تۇغقان بالا.
7. دائىم قان ۋە بەدەن سۇيۇقلۇقى بىلەن ئۇچرىشىپ تۇرىدىغان داۋالاش – سەھىيە خادىملىرى.

كىملەر AIDS دىن يۇقۇملانغان يۇقۇملانمىغانلىقىنى تەكشۈرتۈشى كېرەك؟

تۆۋەندىكى كىشىلەر ۋاقتىدا AIDS دىن يۇقۇملانغان ياكى يۇقۇملانمىغانلىقىنى تەكشۈرتۈشنى ئويلىشىشى لازىم.
1. جىنسىي كېسەللىكى بارلار، جىنسىي ھەمراھى كۆپلەر ياكى ئۆز جىنسىي ھەمراھىنىڭ ئۆزىدىن باشقا جىنسىي ھەمراھىنى كۆپ دەپ، گۇمان قىلغۇچىلار.
2. جىنسىي ھەمراھى ئەيدىز ۋىرۇسى ( HIV ) يۇقۇمدارى ياكى AIDS بىمار بولغۇچىلار.
3. ئىلگىرى باشقىلار بىلەن ئۇكۇل يىڭنىسىنى ئورتاق ئىشلەتكۈچىلەر.
4. پەرزەنت كۆرۈش ئالدىدا تۇرغان ئاياللار.
5. ئىلگىرى ئۆزىگە ۋىرۇس تەكشۈرۈشتىن ئۆتمىگەن قان ياكى قان ياسالمىلىرى سېلىنغان دەپ، گۇمان قىلغۇچىلار.
6. ئەيدىز ۋىرۇسى ( HIV ) دىن يۇقۇملانغان ئانا تۇغقان بالا.
7. دائىم ئەيدىز ۋىرۇسى ( HIV ) يۇقۇمدارى ياكى AIDS بىمارلىرى بىلەن ئۇچرىشىپ تۇرىدىغان داۋالاش – سەھىيە خادىملىرى.

AIDS نىڭ ئەر – خوتۇنلار ئوتتۇرىسىدىكى يۇقۇش نىسبىتى قانچە؟

ۋۇخەن ئۇنىۋېرسىتېتى مۇتەخەسسىسى 桂希恩 نىڭ ئېلان قىلغان يېڭى تەتقىقات دوكلاتىدىن مەلۇم بولۇشىچە، AIDS نىڭ ئەر – خوتۇنلار ئوتتۇرىسىدىكى يۇقۇش نىسبىتى %10 ئىكەن. بۇ بىزنىڭ تەسەۋۋۇر قىلغىنىمىزدىن خېلىلا تۆۋەن ئىكەن.
桂希恩 نىڭ كۆرسىتىشىچە، مۇناسىۋىتى مۇقىم بولغان جىنسىي ھەمراھلار ( قالايمىقان ئىشى يوق ئەر – خوتۇنلار دەپ چۈشىنىشكە بولىدۇ ) ئارىسىدا AIDS نىڭ يۇقۇش نىسبىتى ئانچىۋالا يۇقىرى بولۇپ كەتمەيدىكەن. ئوتتۇرا ھېساب بىلەن 700 قېتىمدىن 1000 قېتىمغىچە ھېچقانداق قوغدىنىش چارىسى قوللىنىلماي جىنسىي ئالاقە قىلغاندا ئاندىن يۇقۇملىنىش پەيدا بولۇشى مۇمكىن ئىكەن. ئەگەر گاندوم ( condom ، بىخەتەرلىك قاپچۇقى، 安全套 ) ئىشلىتىلسە، يۇقۇملىنىش %85 ئەتراپىدا تۆۋەنلەيدىكەن. ئەگەر نىكاھ سىرتىدىكى قالايمىقان جىنسىي مۇناسىۋەت بولسا، جىنسىي كېسەللىكلەر ۋە AIDS نىڭ بۇ كىشىلەر ئارىسىدا تارقىلىشى بەك تېز بولىدىكەن. ئەگەر جىنسىي كېسەللىكى بار AIDS يۇقۇمدارى بىلەن جىنسىي ئالاقە قىلغاندا، ئوتتۇرا ھېساب بىلەن پەقەت 10 – 5 قېتىمدىلا يۇقۇملىنىش پەيدا بولىدىكەن. تېخىمۇ قورقۇنچلۇقى شۇكى، گاھى ئەھۋالدا 1 قېتىملىق جىنسىي مۇناسىۋەتتىلا AIDS دىن يۇقۇملىنىش كېلىپ چىقىدىكەن.

مەنبە: ئۈچ توققۇز ساغلاملىق تورى ( http://www.39.net/ )