ﺋﻪﻳﺪﯨﺰ [AIDS] ئاتلىق بۇ يالماۋۇز ﯞﻩﺗﻪﻥ ، ﻣﯩﻠﻠﻪﺗﻨﯩﯔ ﻛﯧﻠﻪﭼﯩﮕﻰ ﺑﻮﻟﻐﺎﻥ ﺋﻪﺷﯘ ﮔﯘﻧﺎﮬﺴﯩﺰ ﺑﯩﻐﯘﺑﺎﺭ ﺑﺎﻟﯩﻠﯩﺮﯨﻤﯩﺰﻧﻰ ﻳﺎﻟﻤﺎﭖ ﻳﯘﺗﯘﭖ ﻛﻪﺗﺴﻪ ، ﺑﯩﺰ ﻛﯚﺯﯨﻤﯩﺰﻧﻰ ﻳﻮﻏﺎﻥ ﺋﯧﭽﯩﭗ ﻗﺎﺭﺍﭖ ﺗﯘﺭﯨﻤﯩﺰﻣﯘ ؟! … ﺋﻪﺟﯩﺒﺎ ﺋﯚﺯ ﻧﻪﺳﯩﻞ – ﻳﯩﻠﺘﯩﺰﯨﻤﯩﺰﻧﯩﯔ ﺋﯚﺯﯨﻤﯩﺰ ﺗﻪﺭﯨﭙﯩﺪﯨﻦ ﻛﻪﺳﻠﯩﻨﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻐﺎ ﺳﯜﻛﯜﺕ ﻗﯩﻠﯩﭗ، ﻣﯩﻠﻠﻪﺕ ﺑﻮﻳﯩﭽﻪ ﻗﯘﺭﯗﭖ ﺗﯜﮔﻪﺷﻨﻰ ﻛﯜﺗﯜﭖ ﻳﺎﺗﯩﻤﯩﺰﻣﯘ ؟! ….
ﻧﯧﺮﯞﺍﯕﻠﯩﻨﻰ ﺳﻪﻝ ﻗﯩﺰﯨﺘﯩﭗ ﻗﻮﻳﺪﯗﻡ ، ﻣﻪﺳﯩﻠﻪ ﮬﻪﻗﯩﻘﻪﺗﻪﻥ ﺷﯘﻧﺪﺍﻕ ﺋﯧﻐﯩﺮﻣﯘ ؟! …
ﺧﻮﺵ، ﺋﯘﻧﺪﺍﻗﺘﺎ ﮔﻪﭘﻨﻰ ﺳﻪﻝ ﻧﯧﺮﯨﺮﺍﻗﺘﯩﻦ ﺑﺎﺷﻼﻱ ، ﻗﯘﻻﻗﻨﻰ ﺩﯨﯔ ﺗﯘﺗﯘﭖ ئاڭلاڭ! ﻳﺎﻕ، ﻗﯘﻻﻕ ﺑﯩﻠﻪﻥ ﺋﻪﻣﻪﺱ ﻳﯜﺭﻩﻙ ﺑﯩﻠﻪﻥ ﺗﯩﯖﺸﺎﯓ ( ﺋﻪﮔﻪﺭ ﺳﯩﺰﺩﻩ ﻳﯜﺭﻩﻙ بولسىلا ! ﻛﯚﭘﯩﻨﭽﯩﻤﯩﺰﺩﻩ ﻳﯜﺭﻩﻛﺴﯩﻤﺎﻥ ﮔﯚﺵ بارلىقى ئېنىق بولسىمۇ ، ھەممىلا ئادەمدە ﮬﻪﻗﯩﻘﯩﻲ ﻳﯜﺭﻩﻙ ﺑﺎﺭ ﺩﻩﭖ ﻛﻪﺗﻜﯩﻠﻰ ﺑﻮﻟﻤﺎﻳﺪﯗ … ) !

رەقەملەردىن [AIDS] يۇقۇمىغا نەزەر

ئۈرۈمچى كەچلىك گېزىتى تورىنىڭ شىنجاڭ ئۇيغۇر ئاپتونوم رايونلۇق سەھىيە نازارىتىنىڭ 2009 – يىلى 11 – ئاينىڭ 27 – كۈنى ئېلان قىلغان سانلىق مەلۇماتىدىن بەرگەن خەۋىرىگە قارىغاندا:

http://www.wlmqwb.com/3688/200911/t20091129_944822.shtml

شىنجاڭ ئۇيغۇر ئاپتونوم رايونى ﺑﻮﻳﯩﭽﻪ 2009 – ﻳﯩﻠﻰ 9 – ﺋﺎﻳﻨﯩﯔ ﺋﺎﺧﯩﺮﯨﻐﯩﭽﻪ ﺩﻭﻛﻼﺕ ﻗﯩﻠﯩﻨﻐﺎﻥ ﺋﻪﻳﺪﯨﺰ [AIDS]ﺩﯨﻦ ﻳﯘﻗﯘﻣﻼﻧﻐﯘﭼﻰ 27012 ﻧﻪﭘﻪﺭ، ﺋﻪﻳﺪﯨﺰ ﺑﯩﻤﺎﺭﻯ[AIDS] 3910 ﻧﻪﭘﻪﺭ، ﺋﯚﻟﮕﯩﻨﻰ 2555 ﻧﻪﭘﻪﺭ ﺑﻮﻟﯘﭖ، دۆلەت ئىچىدە دوكلات قىلىنغانلار ئومۇمىي سانىنىڭ %9 نى ئىگىلەپ، ﻳﯘﻗﯘﻣﻼﻧﻐﯘﭼﯩﻼﺭ ﺋﻮﻣﯘﻣﯩﻲ ﺳﺎﻧﻰ ﺟﻪﮬﻪﺗﺘﻪ ﻣﻪﻣﻠﯩﻜﻪﺕ ﺑﻮﻳﯩﭽﻪ 4 – ﺋﻮﺭﯗﻧﺪﺍ ﺗﯘﺭغان. شىنجاڭ ئۇيغۇر ئاپتونوم رايونىمىزدىكى 14 ۋىلايەت – ئوبلاست – شەھەر، 92 ناھىيە – شەھەر – رايوندا ئەيدىز [AIDS] يۇقۇمى كۆرۈلگەن. [AIDS] يۇقۇمى ئېغىر بولغان ئالدىنقى 5 رايون بولسا ئىلى قازاق ئاپتونوم ئوبلاستى، ئۈرۈمچى شەھىرى، ئاقسۇ ۋىلايىتى، قەشقەر ۋىلايىتى ۋە تۇرپان ۋىلايىتى ئىكەن. 2009 – يىلى بىر يىل ئىچىدىلا يېڭىدىن بايقالغان [HIV] يۇقۇمدارى 4073 نەپەرگە يەتكەن بولۇپ، دىيارىمىزدىكى يۇقۇم ئەھۋالىنى مۆلچەرلىگەندە، [AIDS] بىمارى ۋە [HIV] يۇقۇمدارلىرىنىڭ ئومۇمىي سانى 60000 ( 60 مىڭ ) دىن ئېشىپ كېتىشى مۇمكىن بولۇپ، [AIDS] يۇقۇم ۋەزىيىتى ناھايىتى كەسكىن ئىكەن.

دىيارىمىزدىكى نوپۇزلۇق تاراتقۇ ھېسابلانغان ئۈرۈمچى نامازشام گېزىتى تورى خەۋىرىدىن كۆرۈۋېلىشقا بولىدۇكى، يىللاردىن ﺑﯧﺮﻯ ﺩﯙﻟﻪﺕ ﯞﻩ ﺋﺎﭘﺘﻮﻧﻮﻡ ﺭﺍيوننىڭ دىيارىمىزدىكى ﺋﻪﻳﺪﯨﺰ ﻳﯘﻗﯘﻡ ﺋﻪﮬﯟﺍﻟﯩﻐﺎ ﻳﯜﻛﺴﻪﻙ ﺋﻪﮬﻤﯩﻴﻪﺕ ﺑﯧﺮﯨﺸﻰ ﺋﺎﺭﻗﯩﺴﯩﺪﺍ ، ﻣﯘﻧﺎﺳﯩﯟﻩﺗﻠﯩﻚ ﺗﺎﺭﻣﺎﻗﻼﺭ ﺯﯙﺭﯛﺭ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﭗ ﻳﯘﻗﯘﻣﻨﻰ ﺗﯧﺰﮔﯩﻨﻠﻪﺵ ﻛﯚﺭﯛﺷﯩﮕﻪ ﺋﺎﺗﻠﯩﻨﯩﭗ، ﻣﯘﺋﻪﻳﻴﻪﻥ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺑﻮﻟﺴﯩﻤﯘ ، ﺋﻪﻳﺪﯨﺰ ﻳﯘﻗﯘﻡ ﯞﻩﺯﯨﻴﯩﺘﻰ ﻳﻪﻧﯩﻼ ﻧﺎﮬﺎﻳﯩﺘﻰ ﻛﻪﺳﻜﯩﻦ ﺑﻮﻟﻤﺎﻗﺘﺎ …

ب د ت ئەيدىز پىلان مەھكىمىسى ( UNAIDS ) نىڭ ئەڭ يېڭى دوكلاتىدا كۆرسىتىلىشىچە ، ﺩﯗﻧﻴﺎﺩﯨﻜﻰ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﯘﭼﻰ ﮬﻪﺭ 10 ﺋﺎﺩﻩﻣﻨﯩﯔ ﺋﺎﺭﯨﺴﯩﺪﺍ 1 ﻧﻪﭘﻪﺭ بالا بار بولۇپ، ﺩﯗﻧﻴﺎ ﺑﻮﻳﯩﭽﻪ ﺋﻪﻳﺪﯨﺰ ﺩﯨﻦ ﻳﯘﻗﯘﻣﻼﻧﻐﺎﻥ يېشى 15 ياشتىن كىچىك بولغان ﺋﺎﺯ ﺩﯦﮕﻪﻧﺪﯨﻤﯘ 2 ﻣﯩﻠﻴﯘﻥ 300 ﻣﯩﯔ ﺑﺎﻟﯩﻨﯩﯔ ﺑﯧﺸﯩﺪﺍ ﺋﻪﺟﻪﻝ ﻗﯘﺷﻰ ﺋﻪﮔﯩﭗ ﻳﯜﺭﯛﻳﺪﯗ. UNAIDS نىڭ مۆلچەرىگە كۆرە، جۇڭگودا 76 مىڭ نەپەر بالا ئەيدىز [AIDS] تۈپەيلى يېتىم بولغان بولۇپ، 1 ﻣﯩﻠﻴﯘﻥ ﺑﺎﻻ ﺋﻪﻳﺪﯨﺰﻧﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﺵ ﺗﯜﭘﻪﻳﻠﻰ، ﻳﺎﺷﺎﺵ ﯞﻩ ﺗﻪﺭﻩﻗﻘﯩﻲ ﻗﯩﻠﯩﺶ ﺑﯧﺴﯩﻤﯩﻐﺎ ﺩﯗﭺ ﻛﯧﻠﯩﯟﯨﺘﯩﭙﺘﯘ. ﺷﯩﻨﺠﺎﯓ ﮔﯧﺰﯨﺘﯩﻨﯩﯔ 2008 – يىلى 7 – ﺋﺎﻳﻨﯩﯔ 20 – ﻛﯜﻧﺪﯨﻜﻰ ﺧﻪﯞﺭﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﻏﯘﻟﺠﺎ ﺷﻪﮬﺮﯨﺪﻩ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺵ ﺋﺎﺭﻗﯩﻠﯩﻖ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﯘﭼﯩﻼﺭ ﺗﯧﺰ ﻛﯚﭘﯩﻴﯩﯟﯨﺘﯩﭙﺘﯘ. ﺋﯩﮕﯩﻠﯩﻨﯩﺸﯩﭽﻪ، 2003 – ﻳﯩﻠﯩﺪﯨﻦ ﮬﺎﺯﯨﺮﯨﻐﺎ ﻗﻪﺩﻩﺭ ﺋﻪﻳﺪﯨﺰ ﯞﯨﺮﯗﺳﯩﻨﻰ ﺋﯧﻨﯩﻘﻼﺵ ﺋﯜﭼﯜﻥ ﺳﺎﻻﻣﻪﺗﻠﯩﻚ ﺗﻪﻛﺸﯜﺭﯛﺗﻜﻪﻥ 33 ﻣﯩﯔ 667 ﻧﻪﭘﻪﺭ ﮬﺎﻣﯩﻠﯩﺪﺍﺭ ﺋﺎﻳﺎﻟﻨﯩﯔ 295 ﻧﻪﭘﯩﺮﻯ ﺋﻪﻳﺪﯨﺰ ﯞﯨﺮﯗﺳﯩﺪﯨﻦ ﻳﯘﻗﯘﻣﻼﻧﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ. ﺑﯘﻧﯩﯔ ﺋﯩﭽﯩﺪﻩ 147 ﻧﻪﭘﻪﺭ ﺋﺎﻳﺎﻝ ﺑﺎﻟﯩﻠﯩﻖ ﺑﻮﻟﻐﺎﻥ، ﺑﯘﻻﺭﻧﯩﯔ 126 ﺳﻰ ﻣﯘﻧﺘﯧﺰﯨﻢ ﺩﯗﺧﺘﯘﺭﺧﺎﻧﯩﺪﺍ ﺗﯘﻏﻘﺎﻥ ﯞﻩ ﺋﻪﻳﺪﯨﺰﮔﻪ ﻗﺎﺭﺷﻰ ﺩﻭﺭﺍ ﺋﯩﭽﻜﻪﻥ. ﺗﯘﻏﯘﻟﻐﺎﻥ 126 ﺑﻮﯞﺍﻗﻨﯩﯔ 72 ﺳﻰ ﺑﯩﺮ ﻳﯧﺮﯨﻢ ﻳﺎﺷﻘﯩﭽﻪ ﺳﺎﻏﻼﻡ ﮬﺎﻳﺎﺕ ﻛﻪﭼﯜﺭﮔﻪﻥ، 50 ﻧﻪﭘﻪﺭ ﺑﻮﯞﺍﻗﻨﻰ ﻗﺎﻳﺘﺎ ﺗﻪﻛﺸﯜﺭﮔﻪﻧﺪﻩ، 8 ﺑﻮﯞﺍﻗﻨﯩﯔ ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻧﻠﯩﻘﻰ ﯸﻨﯩﻘﻼﻧﻐﺎﻥ. ﺩﯦﻤﻪﻙ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺵ ﻧﯩﺴﺒﯩﺘﻰ% 14 ﺋﻪﺗﺮﺍﭘﯩﺪﺍ ﺑﻮﻟﻐﺎﻥ.

ﻛﯚﺭﯛﻧﯜﭖ ﺗﯘﺭﯗﭘﺘﯩﻜﻰ ، ﻧﯚﯞﻩﺗﺘﻪ ﺩﯨﻴﺎﺭﯨﻤﯩﺰﺩﯨﻜﻰ ئەيدىز [AIDS] ﻳﯘﻗﯘﻡ ﯞﻩﺯﯨﻴﯩﺘﻰ ﻧﺎﮬﺎﻳﯩﺘﻰ ﻛﻪﺳﻜﯩﻦ ﺑﻮﻟﻤﺎﻗﺘﺎ . ﺋﻪﻳﺪﯨﺰ ﻗﻮﺭﺍﻣﯩﻐﺎ ﻳﻪﺗﻜﻪﻧﻠﻪﺭﮔﯩﻼ ﺋﻪﻣﻪﺱ ﺑﻪﻟﻜﻰ ﺋﻪﺷﯘ ﮔﯘﻧﺎﮬﺴﺰ ﭘﺎﻙ ﺑﺎﻟﯩﻼﺭﻏﯩﻤﯘ ﺭﻩﮬﯩﻤﺴﯩﺰ ﻗﻮﻟﯩﻨﻰ ﺳﻮﺯﯗﭖ ﺗﯘﺭﯗﭘﺘﯘ . ﺑﯩﺰ ﭼﻮﻗﯘﻡ ﺗﻪﺩﺑﯩﺮ ﻗﻮﻟﻠﯩﻨﯩﭗ ﭘﻪﺭﺯﻩﻧﺘﻠﯩﺮﯨﻤﯩﺰﻧﯩﯔ ئەيدىز [AIDS] ﻧﯩﯔ ﻗﯘﺭﺑﺎﻧﻰ ﺑﻮﻟﯘﭖ ﻛﯧﺘﯩﺸﯩﻨﯩﯔ ، ﻧﻪﺳﻠﯩﻤﯩﺰﻧﯩﯔ ﺑﯘﻧﺪﺍﻕ ﺑﯩﮭﯘﺩﻩ ﻗﯘﺭﯗﭖ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﯸﻠﯩﺶ ﺟﯧﯖﯩﮕﻪ ﺋﺎﺗﻠﯩﻨﯩﺸﯩﻤﯩﺰ ﻻﺯﯨﻢ . ﺋﯘﻧﺪﺍﻗﺘﺎ ﺋﯩﺸﻨﻰ ﻧﻪﺩﯨﻦ ﺑﺎﺷﻼﻳﻤﯩﺰ ، ﻳﻪﻧﯩﻼ ﺋﯚﺯﯨﻤﯩﺰﺩﯨﻦ باشلايمىزدە ، ﭘﺎﻙ – ﺩﯨﻴﺎﻧﻪﺗﻠﯩﻚ ، ﺋﯩﻤﺎﻥ – ﺋﯩﺘﯩﻘﺎﺩﻟﯩﻖ ﺑﻮﻟﯘﭖ، ﺯﻩﮬﻪﺭ ﯞﻩ ﻧﺎﺷﺎﻳﺎﻥ ﺋﯩﺸﻼﺭﺩﯨﻦ ﻳﯩﺮﺍﻕ ﺑﻮﻟﯘﭖ، ئەيدىز ۋىرۇسى [HIV] دىن ﻳﯘﻗﯘﻣﻠﯩﻨﯩﭗ ﻗﯧﻠﯩﺸﯩﻤﯩﺰﺩﯨﻦ ﺋﯚﺯ – ﺋﯚﺯﯨﻤﯩﺰﻧﻰ ﻗﻮﻏﺪﺍﻳﻤﯩﺰ . ﺑﯘﻧﺪﯨﻦ ﺑﺎﺷﻘﺎ ﺋﻪﯓ ﻣﯘﮬﯩﻤﻰ ﺋﻪﻳﺪﯨﺰ ﮬﻪﻗﻘﯩﺪﯨﻜﻰ ﺗﻪﺷﯩﯟﯨﻘﺎﺕ ﺟﯧﯖﯩﮕﻪ ﺋﺎﺗﻠﯩﻨﯩﭗ، ﺩﻭﺳﺖ – ﺑﯘﺭﺍﺩﻩﺭ ، ﺋﯘﺭﯗﻕ – ﺗﯘﻏﻘﺎﻧﻠﯩﺮﯨﻤﯩﺰﻏﺎ ﺑﯘ ﮬﻪﻗﺘﯩﻜﻰ ﺋﺎﺳﺎﺳﯩﻲ ﺳﺎﯞﺍﺗﻼﺭﻧﻰ ﺗﻪﺷﯩﯟﯨﻖ ﻗﯩﻠﯩﻤﯩﺰ ( ئەتراپىمىزدىكى كىشىلەرگە ئەيدىز [AIDS] ئۇچۇرلىرى بىرقەدەر كۆپ بولغان يۈكسەل بلوگى ( Www.Yuksel.Me ) نى تونۇشتۇرۇپ قويۇشمۇ شۇ ئىشلار جۈملىسىدىن، ئەلۋەتتە. ) ! ﺋﻪﻳﺪﯨﺰ ﺑﯩﻤﺎﺭﻟﯩﺮﯨﻐﺎ ﻳﯧﻘﯩﻨﺪﯨﻦ ﻛﯚﻳﯜﻧﯜﭖ ﺋﯘﻻﺭﻏﺎ ﻏﻪﻣﺨﻮﺭﻟﯘﻕ ﻗﯩﻠﯩﭗ ، ﺧﻪﻟﻖ ﻗﯘﭼﯩﻘﯩﻨﯩﯔ ﻧﻪﻗﻪﺩﻩﺭ ﺋﯩﻠﻠﻖ ﯞﻩ ﻛﻪﯓ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﺪﯗﺭﯗﻣﯩﺰ … ﺩﯦﮕﻪﻧﺪﻩﻙ ﻗﯩﻼﻱ ﺩﯦﺴﻪﻙ ﺋﯩﺶ ﺑﻪﻙ ﺟﯩﻖ …

ﺋﯘﺯﯗﻥ ﮔﻪﭘﻨﻰ ﻗﯩﺴﻘﺎﺭﺗﯩﭗ ﻧﻪﻕ ﮔﻪﭘﻨﻰ ﻗﯩﻼﻱ ، ﺋﻪﻳﺪﯨﺰﻧﯩﯔ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺷﻨﯩﯔ ﺋﺎﻟﺪﯨﻨﻰ ﻗﺎﻧﺪﺍﻕ ﺋﯧﻠﯩﺶ ﻛﯧﺮﻩﻙ ؟!

ﺋﻪﻳﺪﯨﺰﻧﯩﯔ ﺋﺎﻧﺪﯨﻦ ﺑﺎﻟﯩﻐﺎ ﻳﯘﻗﯘﺷﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ، ﻗﯩﺰ – ﻳﯩﮕﯩﺘﻠﻪﺭ ﺗﻮﻳﺪﯨﻦ ﺑﯘﺭﯗﻥ ﺳﺎﻻﻣﻪﺗﻠﯩﻚ ﺗﻪﻛﺸﯜﺭﯛﺗﯩﺸﻰ، ﺑﺎﻟﯩﻠﯩﻖ ﺑﻮﻟﻤﺎﻗﭽﻰ ﺑﻮﻟﻐﺎﻥ ﺋﻪﺭ – ﺋﺎﻳﺎﻟﻼﺭ ﭼﻮﻗﯘﻡ ﺑﻪﺩﻩﻥ ﺗﻪﻛﺸﯜﺭﯛﺗﯩﺸﻰ، ﺋﻪﻳﺪﯨﺰ ﯞﯨﺮﯗﺳﯩﺪﯨﻦ ﻳﯘﻗﯘﻣﻼﻧﻐﺎﻥ ﺑﻮﻟﺴﺎ، ﺩﻭﺧﺘﯘﺭﺧﺎﻧﯩﻨﯩﯔ ﻣﻪﺳﻠﯩﮭﻪﺗﻰ ﺑﻮﻳﯩﭽﻪ ﺑﺎﻟﯩﻠﯩﻖ ﺑﻮﻟﯘﺵ – ﺑﻮﻟﻤﺎﺳﻠﯩﻘﻨﻰ ﺑﯧﻜﯩﺘﯩﺸﻰ، ﺋﻪﮔﻪﺭ ﺑﺎﻟﯩﻠﯩﻖ ﺑﻮﻟﻤﺎﻗﭽﻰ ﺑﻮﻟﺴﺎ، ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘﺷﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﻣﯘﻻﺯﯨﻤﯩﺘﯩﻨﻰ ﻗﯘﺑﯘﻝ ﻗﯩﻠﯩﺸﻰ، ﺩﻭﺧﺘﯘﺭﻧﯩﯔ ﻛﯚﺭﺳﻪﺗﻤﯩﺴﻰ ﺑﻮﻳﯩﭽﻪ ﯞﯨﺮﯗﺳﻘﺎ ﻗﺎﺭﯨﺸﻰ ﺗﯘﺭﯗﺵ ﺩﻭﺭﯨﺴﻰ ﺋﯩﭽﯩﺸﻰ ﻻﺯﯨﻢ. ﻳﻪﻧﻪ ﻣﯘﻧﺘﯩﺰﯨﻢ ﺩﻭﺧﺘﯘﺭﺧﺎﻧﯩﺪﺍ ﺗﯘﻏﯘﺷﻰ، ﺗﯘﻏﯘﺵ ﺟﻪﺭﻳﺎﻧﯩﺪﺍ ﺋﺎﻧﯩﺪﯨﻦ ﺑﺎﻟﯩﻐﺎ ﻳﯘﻗﯘشنىڭ ئالدىنى ئېلىش ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻠﯩﻨﯩﺸﻰ، ﺑﯘﯞﺍﻗﻘﺎ ﯞﯨﺮﯗﺳﻘﺎ ﻗﺎﺭﺷﻰ ﺗﯘﺭﯗﺵ ﺩﻭﺭﯨﺴﻰ ﺋﯩﭽﻜﯜﺯﯛﺷﻰ ، ﺑﯘﯞﺍﻗﻨﻰ ﺩﻭﺧﺘﯘﺭﻧﯩﯔ ﻛﯚﺭﺳﻪﺗﻤﯩﺴﻰ ﺑﻮﻳﯩﭽﻪ ﺋﻮﺯﯗﻗﻼﻧﺪﯗﺭﯗﺷﻰ ﻻﺯﯨﻢ. ﺋﯘﻧﺪﯨﻦ ﺑﺎﺷﻘﺎ، ﺑﯘﯞﺍﻕ ﺗﯘﻏﯘﻟﯘﭖ، 42 – ﻛﯜﻧﯩﺪﯨﻦ ﺑﺎﺷﻼﭖ، ﺋﯜﭺ ﺋﺎﻳﺪﺍ ﺑﯩﺮ ﻗﯧﺘﯩﻢ ﺳﯩﺴﺘﯧﻤﯩﻠﯩﻖ ﺗﻪﻛﺸﯜﺭﯛﺗﯜﭖ ﺗﯘﺭﯗﺵ ﻻﺯﯨﻢ.

ﺋﻪﻳﺪﯨﺰﺩﯨﻦ ﻳﯘﻗﯘﻣﻼﻧﻐﺎﻥ ﺋﺎﻳﺎﻟﻨﯩﯔ ﮬﺎﻣﯩﻠﯩﺪﺍﺭﻟﯩﻖ ، ﺗﯘﻏﯘﺵ ﯞﻩ ﺋﯧﻤﯩﺘﯩﺶ ﻣﻪﺯﮔﯩﻠﻠﯩﺮﯨﻨﯩﯔ ﮬﻪﻣﻤﯩﺴﯩﺪﻩ ﺑﺎﻟﯩﻐﺎ ﺋﻪﻳﺪﯨﺰ ﻳﯘﻗﺘﯘﺭﯗﭖ ﻗﻮﻳﯘﺵ ﺧﻪﯞﯨﭙﻰ ﺑﻮﻟﯩﺪﯗ. ﺋﻪﮔﻪﺭ ﮬﯧﭽﻘﺎﻧﺪﺍﻕ ﺩﺍﯞﺍﻻﺵ ﺗﻪﺩﺑﯩﺮﻯ ﻗﻮﻟﻠﯩﻨﯩﻠﻤﺎﻳﺪﯨﻜﻪﻥ ﻣﯘﻧﺪﺍﻕ ﺑﺎﻟﯩﻼﺭ 3 ﻳﺎﺷﻘﺎ ﺗﻮﺷﻤﺎﻱ ﺗﯘﺭﯗﭘﻼ ﻛﯧﺴﻪﻟﻠﯩﻚ ﻗﻮﺯﻏﯩﻠﯩﭗ ﺋﯚﻟﯜﭖ ﻛﯧﺘﯩﺪﯗ.

ﺋﻪﻳﺪﯨﺰ ﻳﯘﻗﯘﻣﻼﻧﻐﺎﻥ ﺋﺎﻧﺎ ﺑﺎﻟﯩﻨﻰ ﮬﻪﺭﮔﯩﺰ ﺋﯩﻤﺘﯩﻤﻪﺳﻠﯩﻜﻰ ﻻﺯﯨﻢ . ﺑﻪﻟﻜﻰ ﺑﺎﻟﯩﻨﻰ ﻛﺎﻻ ﺳﯜﺗﻰ ﻳﺎﻛﻰ ﺑﺎﺷﻘﺎ ﺋﺎﻳﺎﻟﻨﯩﯔ ﺳﯜﺗﻰ ﺑﯩﻠﻪﻥ ﺑﯧﻘﯩﺶ ﻛﯧﺮﻩﻙ.

ﮬﺎﺯﯨﺮﭼﻪ ﺷﯘﻧﭽﯩﻠﯩﻚ ﻳﯧﺰﯨﭗ ﺗﯘﺭﺍﻱ ، ﻛﻪﻡ ﻳﯧﺮﯨﻨﻰ ﻳﻪﻧﻪ ﺗﻮﻟﯘﻗﻠﯩﺸﺎﺭﻣﯩﺰ … يۈكسەل بلوگ ( ) زىيارەتچىلىرىنىڭمۇ ﻣﯩﻠﻠﻪﺗﻨﯩﯔ ﻛﯧﻠﻪﭼﯩﻜﻰ ﺑﻮﻟﯩﻤﯩﺶ ﺑﺎﻟﯩﻠﯩﺮﯨﻤﯩﺰﻏﺎ ﻛﯚﯕﯜﻝ ﺑﯚﻟﯜﭖ ﺑﻮﻟﺴﯩﻤﯘ ﺑﯘ ﮬﻪﻗﺘﯩﻜﻰ ﺋﯘﭼﯘﺭﻻﺭﻏﺎ ﺩﯨﻘﻘﻪﺕ ﻗﯩﻠﯩﭗ ﻗﻮﻳﯘﺷﻠﯩﺮﯨﻨﻰ ، ﺑﯘ ﮬﻪﻗﺘﯩﻜﻰ ﺳﺎﯞﺍﺗﻼﺭﻧﻰ ﻛﻪﯓ ﺗﻪﺷﯟﯨﻖ قىلىشىنى ﺳﻮﺭﺍﻳﻤﻪﻥ …