توردا مال سېتىۋالغاندا نېمىلەرگە ئېھتىياجلىق بولىمىز؟ قايسى نۇقتىلارغا دىققەت قىلىشىمىز كېرەك؟ تۆۋەندە تاۋباۋ تورىنى مىسالغا ئېلىپ بۇ ھەقتە ئازراق توختالماقچىمەن.

1. باشتا تاۋباۋ تورىغا تىزىملىتىپ كىرىسىز، تىزىملىتىش نامى (ئىشلەتكۈچىلەر نامى) ۋە مەخپىي نومۇرنى ئېسىڭىزدە چىڭ ساقلىشىڭىز ھەمدە ئاشكارىلىۋەتمەسلىكىڭىز كېرەك .

2 . پۇل تۆلەش گۆھىرى ھېسابات نومۇرىدىن بىرنى تىزىمغا ئالدۇرۇپ (注册 ) قىلىپ، تىزىملىتىش نامى (ئىشلەتكۈچىلەر نامى) ۋە مەخپىي نومۇرنى ئېسىڭىزدە چىڭ ساقلىشىڭىز ھەمدە ئاشكارىلىۋەتمەسلىكىڭىز كېرەك .

3 . پۇل تۆلەش گۆھىرى ھېسابات نومۇرىڭىزنى بىر بانكا كارتا نومۇرىغا باغلىشىڭىز، كارتا چوقۇم ئۆزىڭىزنىڭ نامىدا بولۇشى، يەنە توردا پۇل تاپشۇرۇش ئىقتىدارى(تور بانكا كەسپى) ئېچىلغان بولۇشى كېرەك .

4 . تاۋباۋغا ئوخشاش مۇنداق مال سېتىۋىلىش تور بېكىتىدە سىز يەنە سۆزلىشىش دېتالى «ئالى ۋاڭ ۋاڭ» نى چۈشۈرۈشىڭىز كېرەك. (ئىشلىتىش ئۇسۇلى چ چ غا ئوخشاش، ئىشلەتكۈچىلەر نامى ۋە مەخپىي نومۇر سىزنىڭ تور بېكەتتىكى نامىڭىز ۋە مەخپىي نومۇرغا ئوخشاش)  ئالى ۋاڭ ۋاڭنى  دۇكاندار بىلەن  پاراڭلاشقاندا ئىشلىتىسىز، يۇقىرىقى باسقۇچلاردىن كېيىن ئۆزىڭىزگە يارىغان مەھسۇلاتنى سېتىۋالسىڭىز بولىدۇ .

كونكىرت قەدەم- باسقۇچلىرى :

1. تاۋباۋ تورىدا ئۆزىڭىز ياقتۇرغان مەھسۇلاتنى ئىزدەپ تاپقاندىن كېيىن، باھاسى، كىرا ھەققى، دۇكاندارنىڭ ئىشەنچ دەرىجىسى قاتارلىقلارنى سېلىشتۇرۇپ ، خېرىدارلارنىڭ دۇكاندارغا بەرگەن باھا سۆزلىرىدىن پايدىلىنىپ ، ئاخىرىدا بىر دۇكاننى مۇقىملاشتۇرىسىز .

2 . ساتقۇچى نامىنىڭ يېنىدىكى ئالى ۋاڭ ۋاڭنى چېكىپ ، ئالى ۋاڭ ۋاڭنى ئاچقاندىن كېيىن ساتقۇچى ياكى مۇلازىمەتچى بىلەن پاراڭلىشىش ئارقىلىق، مەھسۇلاتقا ئالاقىدار تەپسىلىي ئەھۋاللارنى سۈرۈشتۈرسىڭىز، باھا تالىشىپ دۇكاندار بىلەن كېلىشسىڭىز بولىدۇ. پاراڭلىشىپ بولغاندىن كېيىن مەھسۇلاتنى سېتىۋىلىشنى قارار قىلغان بولسىڭىز، «立即购买» نى چېكىپ، كۆرسەتمىگە ئاساسەن مال تاپشۇرىۋالغۇچى ۋە مال تاپشۇرىۋالغۇچىنىڭ ئادرىسى قاتارلىق ئۇچۇرلارنى تولدۇرىسىز ؛

3 . كۆرسەتمىگە ئاساسەن پۇل تاپشۇرۇش ، پۇل تاپشۇرغاندا مال پۇلىنى  ئۈچىنچى تەرەپ ئارقىلىق پۇل تاپشۇرۇش ۋاستىسى بولغان پۇل تۆلەش گۆھىرىگە ئۇرىسىز، سىز مالنى تاپشۇرىۋىلىپ مالنى تاپشۇرىۋالغالىقىڭىزنى مۇقىملاشتۇرغانغا قەدەر ساتقۇچى ۋە سېتىۋالغۇچى ئىككىلا تەرەپ  بۇ پۇلنى ئىشلىتەلمەيدۇ، سىز مال تاپشۇرۋىلىشنى جەزىملەش «确认收货»  مەشغۇلاتىنى ئېلىپ بارغاندىن كېيىن، مال پۇلى پۇل تۆلەش گۆھىرىدىن ساتقۇچى تەرەپنىڭ ھېساباتىغا كىرىدۇ.

4 . نورمال ئەھۋال ئاستىدا ، سېتىۋالغۇچى (خىرىدار) تەرەپ مالنى تاپشۇرىۋىلىپ ، خاتالىق يوقلىقىنى جەزملەشتۈرگەندىن كېيىن ، «确认收货» قىلسىلا، سودا ئاخىرلاشقان بولىدۇ.

5 . يەنە بىر قىسىم نورمالسىز ئەھۋاللاردا ، يەنى مالنى تاپشۇرىۋالمىغان ياكى مالدا سۈپەت مەسىلىلىرى كۆرۈلگەن ئەھۋاللاردا ساتقۇچى تەرەپ بىلەن ئالاقىلىشىپ مالنى ئالماشتۇرۇش ياكى قايتۇرۇشقا توغرا كىلىدۇ ، مالنى قايتۇرماقچى بولسىڭىز «申请退款» قىلىسىز. چەكتىن ئاشقان ئەھۋاللارغا ئۇچرىسىڭىز، يەنى ئىككى تەرەپنىڭ ئوتتۇرىسىدا ئىختىلاپ كۆرۈلۈپ ، تالاش-تارتىش ھەل بولمىسا، تاۋباۋ  مۇلازىمەتچىسىنى ئارىلىشىپ تالاش تارتىشنى ھەل قىلىشقا ئىلتىماس قىلسىڭىز بولىدۇ.

ئەسكەرتىش : توردا مال سېتىۋالغاندا زاكاس، مال تالونى، مال سېتىۋالغاندا سۆزلەشكەن پاراڭ خاتىرىسى قاتارلىق قىممىتى بار ئۇچۇرلارنى ساقلاپ قويۇش كېرەك . كۈتۈلمىگەن ئەھۋاللار يۈز بەرگەندە ئىستىمالچىلارنىڭ ھوقۇق- مەنپەئەتىنى قوغداشتا ئىسپات قىلىپ ئىشلىتىلىدۇ .

داۋامى يوللىنىدۇ . . . .