ﻣﻪﻣﺘﯩﻤﯩﻦ ﮪﯘﺷﯘﺭ ﮪﯧﻜﺎﻳﯩﻠﯩﺮﺩﯨﻜﻰ ﺗﺎﻗﻘﺎ – ﺗﯘﻗﻘﯩﻼﺭ

ﺋﺎﯕﻠﯩﺴﺎﻡ ﮪﺎﺯﯨﺮ ﻧﯘﺭﻏﯘﻥ ﭼﺎﺷﻘﺎﻧﻼﺭ ﺳﻪﻣﺮﯨﭗ ﻣﯜﺷﯜﻛﺘﻪﻙ ﺑﯘﻟﯘﭖ ﻗﺎﭘﺘﯩﻤﯩﺶ， ﻣﯜﺷﯜﻛﻠﻪﺭ ﭼﺎﺷﻘﺎﻧﻨﻰ ﻛﯚﺭﺳﻪ «ﺋﺎﻛﺎ» ﺩﻩﭖ ﺧﯘﺩﺩﻯ ﭘﺎﺩﯨﺸﺎﮪﻼﺭﻧﻰ ﻛﯜﺗﻜﻪﻥ ﺩﯨﺪﻩﻛﻠﻪﺭﺩﻩﻙ ﺷﯘ ﭼﺎﺷﻘﺎﻧﻼﺭﻧﻰ ﻛﯜﺗﻪﺭﻣﯩﺶ. ﺑﻪﺯﻯ ﻗﯩﺰﻻﺭﻣﯘ ﮪﺎﺯﯨﺮ ﻳﺎﺯ ﻛﻪﻟﺪﻯ ﺩﻩﭖ ﻳﺎﻟﻐﺎﻥ ﻛﯩﻴﯩﻤﻠﯩﺮﯨﻨﻰ ﺗﺎﺷﻼﭖ ﺳﯩﺮﺗﻘﺎ ﻛﯚﺭﯛﻧﻤﻪﺱ ﻛﯩﻴﯩﻤﻠﻪﺭﻧﻰ ﻛﯩﻴﯩﭗ ﭼﯩﻘﻘﯘﺩﻩﻙ， ﺑﺎﺯﺍﺭﺩﺍﮪﺎﺯﯨﺮ ﺋﯘﺯﯗﻥ ﻛﯩﻴﯩﻤﻠﻪﺭ ﺋﻪﺯﺍﻧﻠﯩﺸﯩﭗ， ﻗﯩﺴﻘﺎ ﻛﯩﻴﯩﻤﻠﻪﺭ ﻗﯩﻤﻤﻪﺗﻠﯩﺸﯩﭗ ﻛﻪﺗﻜﯜﺩﻩﻙ. ﻛﯩﺸﯩﻠﻪﺭﻣﯘﺳﯩﺮﺗﻘﺎ ﭼﯩﻘﻘﺎﻧﺪﺍ ﻗﯩﺴﻘﺎ ﻛﯩﻴﯩﻨﯩﭗ， ﺋﯚﻳﮕﻪ ﻛﯩﺮﮔﻪﻧﺪﻩ ﺋﯘﺯﯗﻥ ﻛﯩﻴﻨﯩﯟﺍﻟﺪﯨﻐﺎﻥ ﺑﻮﭘﺘﯘ，ﺋﺎﯕﻠﯩﺴﺎﻡ ﺑﯘ ﺑﯩﺮ ﻣﻪﺩﻩﻧﯩﻴﻪﺗﻤﯩﺶ. ﺑﻪﺯﻯ ﻳﯩﮕﯩﺘﻠﯩﺮﯨﻤﯩﺰ ﻗﯩﺰﻟﯩﺮﯨﻤﯩﺰ ﺋﯘﻧﺪﺍﻕ ﺑﯘﻟﯘﭖ ﻛﻪﺗﺘﻰ，ﺑﯘﻧﺪﺍﻕ ﺑﯘﻟﯘﭖ ﻛﻪﺗﺘﻰ ﺩﻩﭖ ﻗﺎﻗﺸﺎﭖ ﺯﺍﺭ-ﺯﺍﺭ ﺑﯘﻟﯘﭖ ﺋﯩﺸﻼﺭﻧﻰ ﺋﯚﺯﻟﯩﺮﯨﺪﯨﻦ ﻛﯚﺭﻣﻪﻱ ﺳﺎﺭﺍﯕﻼﺭﺩﻭﺧﺘﯘﺭﺧﺎﻧﯩﺴﯩﻐﺎ ﻛﯩﺮﯨﭗ ﻗﺎﻟﻐﺎﻧﻤﯩﺶ. ﻧﯘﺭﻏﯘﻥ ﻛﯩﺸﯩﻠﻪﺭ ﺋﺎﭘﺘﺎﭘﻘﺎ ﭘﺎﻳﻠﯩﻴﺎﻟﻤﯩﺪﯗﻕ ﺩﻩﭖ ﺗﻮﯕﻼﺗﻘﯘﻏﺎ ﻳﻮﺗﻘﺎﻥ ﺳﯧﻠﯩﭗ ﻳﺎﺗﻘﯘﺩﻩﻛﻤﯩﺶ .

ﻣﺎﻧﺎ，ﺋﺎﯕﻠﯩﻐﺎﻧﺴﯩﺰ ﮪﺎﺯﯨﺮ ﻧﯘﺭﻏﯘﻥ ﺋﺎﻳﺎﻟﻠﯩﺮﯨﻤﯩﺰ ﺋﻪﺭﻟﻪﺭ ﺑﯩﻠﻪﻥ ﺑﺎﺭﺍﯞﻩﺭ ﺑﻮﻟﯩﻤﯩﺰ ﺩﻩﭖ ﮪﺎﺭﺍﻗﻼﺭﻧﻰ ﺭﻭﻣﻜﯩﻼﺭﻏﺎ ﺗﻮﻟﺪﯗﺭﯗﭖ ﻗﯘﻳﯩﺪﯨﻐﺎﻥ ﺑﯘﻟﯘﭖ ﻛﯩﺘﯩﭙﺘﯘ. ﺑﯘﻧﻰ ﻛﯚﺭﮔﻪﻥ ﺋﻪﺭﻟﻪﺭﺋﺎﻳﺎﻟﻠﯩﺮﯨﻨﻰ ﺗﻮﺳﻤﺎﻗﺘﺎ ﻳﻮﻕ «ﺧﻮ ﺧﻮﺗﯘﻥ» ﺩﻩﭖ ﻣﺎﺧﺘﺎﭖ ﻳﯜﺭﯨﻴﺪﯨﻐﺎﻧﻼﺭ ﺟﯩﻘﻜﻪﻥ.ﻧﯘﺭﻏﯘﻧﻠﯩﺮﻯ ﺗﺎﭘﻘﺎﻥ ﺗﻪﺭﮔﯩﻨﯩﻨﻰ ﺳﯩﺮﺗﻘﺎ ﺧﻪﺟﻠﻪﭖ ﺗﯜﮔﯩﺘﯩﭗ， ﺋﯚﻳﮕﻪ ﻛﻪﻟﮕﻪﻧﺪﻩ ﻗﻮﺭﺳﯩﻘﯩﻐﺎ ﺗﺎﺷﻨﻰ ﺗﯧﯖﯩﭗ ﻳﯜﺭﮔﯜﺩﻩﻙ. ﻣﺎﻧﺎ ﮪﺎﺯﯨﺮ ﺗﺎﺷﺘﯩﻦ ﺳﯘ ﭼﯩﻘﺎﺭﻏﯩﻠﻰ ﺑﻮﻟﺪﯨﻜﻪﻥ ﺩﯨﮕﻪﻥ ﮔﻪﭘﻨﻰ ﺋﺎﯕﻼﭖ ﻧﯘﺭﻏﯘﻥ ﻛﯩﺸﯩﻠﻪﺭ ﻳﻪﺭﺩﯨﻦ ﺗﺎﺷﻨﻰ ﺗﯧﭙﯩﯟﺍﻟﺴﺎ ﺧﯘﺩﺩﻯ ﺋﺎﻟﺘﯘﻥ ﺗﯧﭙﯩﯟﺍﻟﻐﺎﻧﺪﻩﻙ ﺋﯚﻳﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﺋﯩﺸﻜﺎﺑﯩﻐﺎ ﺳﯧﻠﯩﭗ ﻧﻪﭼﭽﻪ ﻛﯜﻥ ﺋﯘﺧﻠﯩﻤﺎﻱ ﻗﺎﺭﺍﻳﺪﯨﻜﻪﻥ. ﺑﯩﺮ ﻧﻪﭼﭽﻪﻛﯜﻥ ﮪﺎﯞﺍ ﺋﯩﺴﺴﭗ ﻛﯩﺘﯩﯟﯨﺪﻯ ﻣﺎﺗﺎﯕﭽﯩﻨﯩﯔ ﺋﺎﭼﭽﯩﻐﻰ ﻛﯩﻠﯩﭗ ﺩﻭﻏﺎﭖ ﺳﺎﺗﻘﯩﻠﻰ ﺗﯘﺭﯗﭘﺘﯘ.

ﻣﻪﻥ ﺳﯩﺰﮔﻪ ﺩﯦﮕﻪﻧﺪﯨﻤﻐﯘ؟ ﺯﺍﻣﺎﻥ ﺋﯚﺯﮔﯩﺮﯨﯟﺍﺗﯩﺪﯗ. ﺋﯚﺗﻜﻪﻧﺪﻩ ﻣﻪﻥ ﺳﯩﺰﻧﯩﯖﻜﯩﮕﻪ ﻛﯩﻴﯩﭗ ﺑﺎﺭﻏﺎﻥ ﺗﯚﺕ ﻳﺎﻧﭽﯘﻗﻠﯘﻕ ﭼﺎﭘﯩﻨﯩﻤﻨﻰ ﮪﺎﺯﯨﺮ ﺧﯘﺗﯘﻧﯘﻡ ﻧﺎﻥ ﻳﺎﻗﻘﺎﻧﺪﺍ ﻛﯩﻴﯩﭗ ﻳﯜﺭﯨﻴﺪﯗ. ﻳﺎﺯﻏﺎﻥ ﺋﻪﺳﯩﺮﯨﻤﻨﯩﯔ ﮊﻭﺭﻧﺎﻟﻐﺎ ﺑﯧﺴﯩﻠﻐﯩﻨﯩﻨﻰ ﻛﯚﺭﯨﭙﻼ ﻣﺎﻧﺎ ﺑﯘ ﻛﺎﺳﺘﯩﻴﯘﻡ ﺑﯘﺭﯗﻟﻜﯩﻨﻰ ﺳﯧﺘﯩﯟﺍﻟﺪﯨﻢ. ﭼﻪﺗﺌﻪﻟﻨﯩﯔ ﺷﯩﻠﻪﭘﯩﺴﯩﺪﯨﻦ ﺑﯩﺮﻧﻰ ﺩﻩﻣﺴﯩﺰ؟ ﺋﺎﺩﻩﻣﻨﯩﯔ ﺑﯧﺸﯩﺪﺍ ﮔﺎﺭﺷﯘﻛﻨﻰ ﺩﯛﻡ ﻛﯚﻣﺘﯜﺭﺗﯜﭖ ﻗﻮﻳﻐﺎﻧﺪﻩﻙ ﺗﯘﺭﺩﯨﻐﺎﻥ ﺋﯘ ﻧﯩﻤﻪ ﺑﯩﻠﻪﻥ ﭘﻪﻗﻪﺗﻼ ﺧﯘﺷﯘﻡ ﻳﻮﻕ . ﺋﺎﺩﻩﻣﻠﻪﺭ ﺋﯘﻧﻰ ﻳﺎﺭﺍﺷﻘﯩﻨﯩﺪﯨﻦ ﻛﯩﻴﯩﭗ ﻳﯜﺭﯨﻴﺪﯗ， ﺩﻩﻣﺴﯩﺰ؟ ﻣﻪﻥ ﺳﯩﺰﮔﻪ ﺋﯧﻴﺘﺎﻱ : ﭼﻪﺗﺌﻪﻟﻠﯩﻜﻠﻪﺭ ﮪﯩﻠﯩﻐﯘ ﺷﯩﻠﻪﭘﯩﻜﻪﻥ ， ﺑﯧﺸﯩﻐﺎ ﺷﺎﭘﺎﻗﻨﻰ ﻛﯩﻴﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ «ﻗﺎﺭﺍﯕﻼﺭ ﺋﯘ ﺋﻮﺑﺪﺍﻧﻼ ﻳﺎﺭﯨﺸﯩﺪﯨﻜﻪﻥ – ﮪﻪ， ﻧﻪﭼﭽﻪﯞﺍﻗﯩﺘﺘﯩﻦ ﺑﯩﺮﻯ ﺑﯩﺰ ﺋﯘﻧﻰ ﻧﯩﻤﯩﺸﻘﺎ ﻛﯩﻴﻤﯩﮕﻪﻧﺪﯨﻤﯩﺰ» ﺩﻩﭖ ﺷﯘﻧﯩﻤﯘ ﻛﯩﻴﺪﯨﻐﺎﻧﻼﺭ ﭼﯩﻘﺎﺗﺘﻰ. …ﺳﻪﭖ ﺳﺎﻟﻐﺎﻧﺴﯩﺰ ﺑﻪﺯﯨﻠﻪﺭ ﮪﺎﺯﯨﺮ ﺗﻮﻱ ﺗﯚﻛﯜﻧﻠﻪﺭﺩﻩ ﺗﺎﯞﺍﻗﺘﺎ ﺋﺎﺯﺭﺍﻕ ﭘﻮﻟﻮﻧﻰ ﺋﺎﺷﯘﺭﯗﭖ ﻗﯘﻳﯘﺷﻨﯩﻤﯘ « ﻣﻪﺩﻩﻧﯩﻴﻪﺕ» ﺩﻩﭖ ﺑﯩﻠﯩﺪﯨﻐﺎﻥ ﺑﻮﻟﺪﻯ. ﺋﺎﯕﻠﯩﺪﯨﯖﯩﺰﻣﯘ ﻳﺎﭘﯘﻧﻼﺭ ﺳﯩﻨﺎﻕ ﻗﯩﻠﯩﭗ ﺋﺎﺗﻘﺎﻥ ﺑﯩﺮ ﺑﻮﻣﺒﺎ ﺋﺎﺳﻤﺎﻧﻐﺎ ﭼﯩﻘﯩﭗ ﻛﯧﺘﯩﭗ ， ﺗﯧﺨﻰ ﭼﯜﺷﻤﻪﻳﯟﺍﺗﻘﯘﺩﻩﻙ， ﺷﯘﯕﺎ ﮪﺎﯞﺍ ﺋﯩﺴﺴﯩﭗ ﻛﯧﺘﯩﭗ ﺑﺎﺭﺍﻣﺪﯨﻜﯩﻦ ﺩﻩﻳﻤﻪﻥ. ﻗﺎﺭﺍﯓ ﺋﯩﻜﻜﯩﻨﭽﻰ ﺋﺎﻱ ﻛﯩﺮﻩ ﻛﯩﺮﻣﻪﻳﻼ ﺋﯩﻠﻠﯩﻖ ﺷﺎﻣﺎﻟﭽﯩﻘﯩﯟﺍﺗﻘﯩﻨﯩﻨﻰ， ﺑﺎﺯﺍﺭ ﭼﯚﮔﯩﻠﻪﭖ ﻳﯜﺭﮔﯩﭽﻪ ﻣﻪﻟﯩﯖﯩﺰﺩﻩ ﻟﻪﮔﻠﻪﻙ ﭼﯩﻘﺎﺭﺳﯩﯖﯩﺰ ﺑﻮﻟﻤﺎﻣﺪﯗ؟

ﺋﺎﯕﻠﯩﺪﯨﯖﯩﺰﻣﯩﻜﯩﻦ ﭼﻪﺗﺌﻪﻟﺪﯨﻜﻰ ﻳﺎﺯﻏﯘﭼﯩﻼﺭﻛﯜﻧﺪﯛﺯﺩﻩ ﺳﻮﺩﺍ ﻗﯩﻠﯩﭗ ， ﻛﯧﭽﯩﺴﻰ ﺋﻪﺳﻪﺭ ﻳﺎﺯﯨﺪﯨﻜﻪﻥ . ﺳﯩﺰﮔﻪ ﺋﻮﺧﺸﺎﺵ ﻣﯘﮪﻪﺭﺭﯨﺮﻧﯩﯔ ﺋﯩﺸﺨﺎﻧﯩﺴﯩﻤﯘ ﺑﻮﻟﻤﺎﻳﺪﯨﻜﻪﻥ ， ﻳﯜﮔﯜﺭﯛﭖ ﻳﯜﺭﯛﭖ ﺋﻪﺳﻪﺭ ﺗﻪﮪﺮﯨﺮﻟﻪﻳﺪﯨﻜﻪﻥ . ﺷﺎﺋﯩﺮﻟﯩﺮﻯ «ﮪﯧﺴﻴﺎﺗﻘﺎ ﺗﻪﺳﯩﺮ ﻳﯩﺘﯩﺪﯗ» ﺩﻩﭖ ﺧﯘﺗﯘﻧﻤﯘ ﺋﺎﻟﻤﺎﻳﺪﯨﻜﻪﻥ …. ﻗﯩﺰﯨﻖ ﺋﯩﺸﻼﺭﻧﻰ ﻛﯚﺭﯨﻤﻪﻥ ﺩﯦﺴﯩﯖﯩﺰ ﭼﻪﺗﺌﻪﻟﮕﻪ ﭼﯩﻘﺴﯩﯖﯩﺰ ﺑﻮﻟﯩﺪﯗ . ﺑﯩﺮ ﺷﻪﮪﻪﺭﮔﻪ ﺑﺎﺭﺳﺎﻡ ， ﭘﯘﺧﺮﺍﻟﯩﺮﻯ ﺷﯘﻧﭽﻪ ﭘﯘﺯﯗﺭﻛﯩﻴﻨﯩﯟﺍﭘﺘﯘ ， ﺷﻪﮪﻪﺭ ﺑﺎﺷﻠﯩﻘﻰ ﻳﺎﻻﯓ ﺋﺎﻳﺎﻕ ﻳﯜﺭﯨﻴﺪﯨﻜﻪﻥ ， ﺋﺎﻳﺎﻟﻠﯩﺮﻯ ﻳﺎﻟﻐﺎﻥ ﺑﯘﺭﯗﺕ ﻗﯘﻳﯘﭖ， ﺋﻪﺭﻟﯩﺮﻯ ﺋﯘﺯﯗﻥ ﭼﺎﭺ ﺳﺎﻟﯩﺪﯨﻜﻪﻥ ؛ ﺗﺎﻣﺎﻗﻨﻰ ﺑﺎﺯﺍﺭﺩﯨﻦ ﻳﻪﭖ ， ﻛﯧﭽﯩﺴﻰ ﻣﯧﮭﻤﺎﻧﺨﺎﻧﯩﺪﺍﻳﯧﺘﯩﭗ ， ﺋﯚﻳﻨﻰ ﺋﯩﺠﺎﺭﯨﮕﻪ ﺑﯧﺮﯨﺪﯨﻜﻪﻥ ؛ ﻗﯩﺰﯨﻖ ﭼﺎﻳﻐﺎ ﻣﯘﺯ ﺳﯧﻠﯩﭗ ﺋﯩﭽﯩﭗ， ﻣﺎﺭﯗﮊﻧﯩﻨﻰ ﺋﯩﺴﺘﯩﭗ ﻳﻪﻳﺪﯨﻜﻪﻥ … ﺋﯘﻗﺴﺎﻡ ﺋﻪﺳﻪﺭ ﻳﺎﺯﻏﺎﻧﻐﺎ ﻗﺎﺭﯨﻐﺎﻧﺪﺍ ﺗﻪﺭﺟﯩﻤﻪ ﻗﯩﻠﻐﺎﻧﻼﺭ ﻛﯚﭖ ﭘﯘﻝ ﺗﺎﭘﻘﯘﺩﻩﻛﻘﯘ؟ ﺑﯘﻣﯘ ﺑﯘﻏﺪﺍﻱ ﺗﻪﺭﮔﻪﻧﻠﻪﺭ ﮔﺎﺩﺍﻳﻠﯩﺸﯩﭗ ﺑﯘﻏﺪﺍﻱ ﺳﺎﺗﻘﺎﻧﻼﺭ ﺑﯧﻴﯩﭗ ﻛﯩﺘﯩﯟﺍﺗﻘﺎﻧﺪﻩﻛﻼ ﺑﯩﺮ ﺋﯩﺶ ﺩﻩﯕﺎ… ﺑﻮﻟﯘﯞﺍﺗﻘﺎﻥ ﻏﻪﻟﯩﺘﻪ ﺋﯩﺸﻼﺭﻏﺎ ﺋﻪﻗﻠﯩﯖﯩﺰ ﮪﻪﻳﺮﺍﻥ ﻗﺎﻟﯩﺪﯗ. ﺑﯩﺰﻧﯩﯔ ﻣﻪﮪﻪﻟﯩﺪﯨﻜﻰ ﮪﯩﻠﯩﻘﻰ ﺋﯚﺯ ﯞﺍﺧﺘﯩﺪﺍ ﺑﯩﻠﯩﻜﯩﮕﻪ ﻗﯩﺰﯨﻞ ﻻﺗﯩﻨﻰ ﺑﺎﻏﻠﯩﯟﯦﻠﯩﭗ ，ﻣﻪﺳﭽﯩﺖ ， ﭘﻪﺷﺘﺎﻗﻼﺭﻧﻰ ﺑﯘﺯﯗﭖ， ﻟﻮﺑﻮ ﭼﺎﻣﻐﯘﺭ ﺳﺎﺗﻘﺎﻧﻼﺭﻧﻰ ﻗﻮﻏﻼﭖ ﻳﯜﺭﯨﻴﺪﯨﻐﺎﻥ ﺳﻪﻣﯩﺘﺎﺧﯘﻧﻨﻰ ﺗﻮﻧﯘﻣﺴﯩﺰﻛﯩﻦ ؟ ﮪﺎﺯﯨﺮ ﺋﯘ ﺋﯩﺸﺘﺎﻥ ﭘﺎﻳﭙﺎﻕ ﺋﯧﻠﯩﭗ- ﺳﯧﺘﯩﭗ ﺑﯧﻴﯩﭗ ﻛﻪﺗﺘﻰ .ﺑﻪﻳﺘﯘﻝ ﮪﻪﺭﻩﻣﮕﻪ ﺑﯧﺮﯨﭗ ﺋﺎﺑﺪﯗﺳﻪﻣﻪﺕ ﮪﺎﺟﯩﻢ ﺑﻮﻟﯘﭖ ﻛﻪﻟﺪﻯ . ﻳﯧﻘﯩﻨﺪﯨﻦ ﺑﯩﺮﻯ ﺋﯘ : ﺑﯩﺰﻧﯩﯔ ﻣﯩﻠﻠﻰ ﺋﻪﻧﺌﻪﻧﯩﻤﯩﺰ ﻧﻪﮔﻪ ﻛﻪﺗﺘﻰ ؟ ﺩﻩﭖ ﻗﺎﻳﻨﺎﭖ， ﻣﺎﺗﺎﺩﯨﻦ ﻛﯚﯕﻠﻪﻙ ﻛﯩﻴﯩﭗ ， ﺳﻪﮔﻪﺯﺩﯨﻦ ﮔﺎﻻﺳﺘﯘﻙ ﺑﺎﻏﻼﭖ ， ﻳﯧﯖﻰ ﺋﺎﻟﻐﺎﻥ ﭘﯩﻜﺎﭘﻨﯩﯔ ﺋﯩﭽﯩﮕﻪ ﺑﻮﺭﺍ ﺳﯧﻠﯩﭗ ﮪﻪﻳﺪﻩﭖ ﻳﯜﺭﯨﻴﺪﯗ.

ﻛﯚﺯﯛﻡ ﺑﯩﻠﻪﻧﻐﯘ ﻛﯚﺭﻣﯩﺪﯨﻢ ， ﺋﺎﯕﻠﯩﺴﺎﻡ ，ﻳﯧﻘﯩﻨﺪﯨﻦ ﺑﯩﺮﻯ ﭼﻪﺗﺌﻪﻟﻠﻪﺭﺩﻩ ﻣﻪﺧﺴﯘﺱ ﺧﯘﺗﯘﻧﻰ ﻳﻮﻗﻼﺭﻏﺎ ﺧﯘﺗﯘﻥ ， ﺋﯧﺮﻯ ﻳﻮﻗﻼﺭﻏﺎ ﺋﻪﺭﺑﻮﻟﯘﭖ ﺑﯧﺮﯨﺪﯨﻐﺎﻥ ﺑﯩﺮ ﻛﻪﺳﯩﭗ ﺭﯗﻧﺎﻕ ﺗﺎﭘﻘﯩﻠﻰ ﺗﯘﺭﯗﭘﺘﯩﺪﻩﻙ. ﺋﯘﻻﺭﻧﯩﯔ ﺋﺎﻳﺎﻟﻠﯩﺮﻯ ﺋﺎﺟﺎﻳﯩﭗ ﻏﯘﻧﭽﻪ ﺑﻮﻱ， ﺋﻪﺭﻟﯩﺮﻯ ﺷﯘﻧﭽﻪ ﻗﺎﯞﯗﻝ ﻛﯧﻠﻪﺭﻣﯩﺶ， ﺑﯩﻜﺎﺭ ﺑﻮﻟﯘﭖ ﻗﺎﻟﺴﯩﻼ ﺑﺎﺷﻘﺎ ﺋﯩﺶ ﻗﯩﻠﻤﺎﻱ，ﻛﯧﺮﻩﻛﻠﯩﻚ ﻳﻪﺭﻟﯩﺮﯨﻨﯩﯔ ﻣﯘﺳﻜﯘﻟﻠﯩﺮﯨﻨﻰ ﭼﯩﯖﯩﺘﯩﭗ ， ﺋﻮﻟﺘﯘﺭﺩﯨﻜﻪﻥ . ﻣﻪﻧﻐﯘ ﭼﻪﺗﺌﻪﻟﺪﻩ ﮔﺎﻻﺳﺘﯘﻙ ﺑﺎﻏﻠﯩﯟﯦﻠﯩﭗ ﺗﯩﻠﻪﻣﭽﯩﻠﯩﻚ ﻗﯩﻠﻐﺎﻧﻼﺭﻧﻰ ﻛﯚﺭﯛﭖ ﺗﺎﺯﺍ ﻛﯜﻟﮕﻪﻧﺪﯨﻢ.ﺑﯘﮔﯜﻥ ﺋﻪﺗﯩﮕﻪﻥ ﺧﻮﺷﻨﺎﻣﻨﯩﯔ ﺋﺎﻳﺎﻟﯩﻨﯩﯔ ﻛﺎﻟﭙﯘﻛﯩﻨﻰ ﻗﯩﭗ –ﻗﯩﺰﯨﻞ ﺑﯘﻳﯩﯟﯦﻠﯩﭗ， ﻧﺎﻥ ﻳﯧﻘﯩﭗ ﻳﯜﺭﮔﯩﻨﯩﮕﻪ ﻗﺎﺭﺍﭖ ，ﭼﻪﺗﺌﻪﻟﺪﯨﻜﻰ ﺋﯩﺸﻼﺭﻧﯩﯔ ﺋﺎﻧﭽﻪ ﮪﻪﻳﺮﺍﻥ ﻗﺎﻟﻐﯘﭼﯩﻠﯩﻜﻰ ﻳﻮﻗﻜﻪﻥ ﺩﻩﭖ ﻗﺎﻟﺪﯨﻢ.ﺋﯚﺯﮔﯩﺮﯨﺸﻠﻪﺭﻧﯩﯔ ﺷﯘﻧﭽﻪ ﺗﯩﺰ ﺑﻮﻟﯘﭖ ﻛﯩﺘﯩﯟﺍﺗﻘﯩﻨﯩﻨﻰ ﺳﯩﺰﻣﯘ ﺋﻮﻳﻼﭖ ﺑﺎﻗﻤﯩﻐﺎﻧﺴﯩﺰ ﮪﻪ! … ﺋﺎﯕﻠﯩﺪﯨﯖﯩﺰﻣﯘ ﮪﺎﺯﯨﺮﭼﺎﭼﻨﻰ ﭼﯜﺷﯩﺮﯨﯟﯦﺘﯩﭗ， ﺑﯘﺭﯗﺗﻨﻰ ﺑﯘﺩﯗﺭ ﻗﯩﻠﯩﯟﺍﻟﯩﺪﯨﻐﺎﻥ ﻣﻮﺩﺍ ﭼﯩﻘﯩﭙﺘﯘ …. ﺑﺎﺯﺍﺭﯨﺪﯨﻜﻰ ﺋﻪﻛﺮﻩﻡ ﺑﺎﻳﯟﻩﺗﭽﯩﻨﯩﯔ ﻳﺎﻧﭽﯘﻗﯩﻐﺎ ﺋﻮﺕ ﻛﻪﺗﻜﻪﻧﻜﻪﻥ ， ﭘﺎﮊﺍﺭﻧﻰ ﺋﻪﺗﺮﻩﺗﻨﯩﯔ ﺋﺎﺩﻩﻣﻠﯩﺮﻯ ﺋﯜﭺ ﻛﯜﻧﺪﯨﻦ ﺑﯩﺮﻯ ﺋﯜﭼﯜﺭﻩﻟﻤﻪﻳﯟﺍﺗﻘﯘﺩﻩﻙ … ﮪﺎﺯﯨﺮ ﮪﯧﺴﺎﻣﻨﯩﯔ ﭼﺎﻗﭽﺎﻗﻠﯩﺮﯨﻨﻰ ﺗﻮﭖ ﺋﯧﻠﯩﭗ ﭘﺎﺭﭼﻪﺳﺎﺗﯩﺪﯨﻐﺎﻥ ﺗﯩﺠﺎﺭﻩﺗﭽﯩﻠﻪﺭﻣﯘ ﭘﻪﻳﺪﺍ ﺑﻮﭘﺘﯘﺩﻩﻛﻘﯘ؟… ﻳﯘﻗﯘﺭﻗﻰ ﻣﻪﮪﻪﻟﯩﺪﻩ ﺑﯩﺮﺩﺍﯕﻠﯩﻖ ﺩﻭﺧﺘﯘﺭﭼﯩﻘﯩﭙﺘﯘﺩﻩﻙ， ﺋﯘﻧﯩﯔ ﺑﻪﺭﮔﻪﻥ ﺩﻭﺭﯨﺴﯩﻨﻰ ﺋﯩﭽﻤﻪﻱ ﺗﯘﺭﯗﭖ ﻳﺎﺗﺴﯩﯖﯩﺰﻣﯘ ﺳﺎﻗﯩﻴﯩﭗ ﻗﺎﻟﻐﯘﺩﻩﻛﺴﯩﺰ….ﻳﯧﻘﯩﻨﺪﯨﻦ ﺑﯘﻳﺎﻥ ﻣﯩﻠﻠﻪﺗﻨﻰ ﺳﯚﻛﯜﭖ ﻣﺎﻗﺎﻟﻪ ﻳﯧﺰﯨﭗ ﭘﯘﻝ ﺗﯧﭙﯩﯟﺍﺗﻘﺎﻧﻼﺭﻧﻰ ﻛﯚﺭﯛﭖ ﮪﻪﻳﺮﺍﻧﻼﻗﺎﻟﺪﯨﻢ. ﺑﯘﻣﯘ ﺋﯚﻳﮕﻪ ﺋﻮﻏﺮﻯ ﭼﯜﺷﺴﻪ ﺋﻮﻏﺮﯨﻐﺎ ﻛﯜﭼﻰ ﻳﻪﺗﻤﻪﻱ ， ﺑﯩﺮ-ﺑﯩﺮﯨﮕﻪ ﺗﺎﭘﺎ-ﺗﻪﻧﻪﻗﯩﻠﯩﺸﯩﭗ ﻛﻪﺗﻜﻪﻧﺪﻩﻛﻼ ﺋﯩﺶ ﺩﻩﯕﺎ !

ﻣﯘﺷﯘ ﻛﯜﻧﻠﻪﺭﺩﻩ ﺟﺎﮪﺎﻥ ﺗﻪﺗﯜﺭ ﺑﯘﻟﯘﭖ ﻗﯧﻠﯩﯟﺍﺗﺎﻣﺪﯗ ﻗﺎﻧﺪﺍﻕ ؟ﻗﺎﺭﺍﯓ ， ﺋﯩﻠﮕﯩﺮﻯ ﺳﺎﻗﺎﻝ ﺑﯘﺭﯗﺕ ﺩﯦﮕﻪﻧﻨﻰ ﺩﺍﺩﯨﻠﻠﯩﺮﻯ ﻗﯘﻳﯘﭖ ， ﺑﺎﻟﯩﻠﯩﺮﯨﻨﯩﯔ ﺋﯩﯖﻪﻛﻠﯩﺮﻯ ﭘﺎﻙ– ﭘﺎﻛﯩﺰ ﺗﯘﺭﯨﺪﯨﻐﺎﻥ ， ﮪﺎﺯﯨﺮ ﮪﻪﻣﻤﻪ ﺳﺎﻗﺎﻝ ﺑﯘﺭﯗﺕ ﻳﺎﺷﻼﺭﻏﺎ ﻛﯚﭼﯜﭖ， ﭼﻮﯕﻼﺭﻧﯩﯔ ﺋﯩﯖﯩﻜﻰ ﺗﺎﻗﯩﺮﻟﯩﺸﯩﭗ ﻛﻪﺗﻜﯩﻠﻰ ﺗﯘﺭﯗﭘﺘﯘ . ﺋﻪﺭﻟﻪﺭﻧﯩﯔ ﭘﯘﺗﯩﺪﺍ ﻗﻮﻧﺠﯩﺴﯩﺰ ﺋﺎﻳﺎﻕ ， ﺋﯜﺗﯜﻙ ﺩﯦﮕﻪﻧﻨﻰ ﺋﺎﻳﺎﻟﻼﺭ ﻛﯩﻴﯩﺪﯨﻐﺎﻥ ﺑﻮﭘﺘﯘ . ﺋﺎﻳﺎﻟﻼﺭ ﭼﯧﭽﯩﻨﻰ ﻗﯩﺴﻘﺎﺭﺗﯩﭗ， ﺋﻪﺭﻟﻪﺭ ﺋﯘﺯﯗﻥ ﭼﺎﭺ ﻗﯘﻳﯩﺪﯨﻐﺎﻥ ﺑﻮﭘﺘﯘ . ﻳﺎﺧﺸﻰ ﺋﺎﺩﻩﻣﻠﻪﺭ ﺯﯨﻴﺎﻥ ﺗﺎﺭﺗﯩﭗ ， ﺳﺎﺧﺘﯩﭙﻪﺯﻟﻪﺭ ﺑﯧﻴﯩﭗ ﻛﻪﺗﻜﯩﻠﻰ ﺗﯘﺭﯗﭘﺘﯘ …. ﺋﺎﯕﻠﯩﺪﯨﯖﯩﺰﻣﯘ؟ ﭼﻪﺗﺌﻪﻟﻠﻪﺭﺩﻩ ﻧﺎﻣﺮﺍﺗﻼﺭ ﺳﻪﻣﺮﯨﭗ， ﺑﺎﻳﻼﺭ ﺋﯘﺭﯗﻗﻼﭖ ﻛﯧﺘﯩﯟﺍﺗﻘﯘﺩﻩﻙ… ﺑﯩﺮ ﮔﺎﻟﯩﺴﺘﯘﻙ ﭼﯩﻘﯩﭙﺘﯘﺩﻩﻙ ， ﺋﯘﻧﻰ ﺗﺎﻗﺎﭖ ﻳﺎﺗﻘﺎﻥ ﺋﺎﺩﻩﻡ ﭘﻪﻗﻪﺗﻼ ﺧﻮﺭﻩﻙ ﺗﺎﺭﺗﻤﺎﺳﻤﯩﺶ… ﻳﻪﻧﻪ ﺑﯩﺮ ﻛﯚﺯﻩﻳﻨﻪﻙ ﻛﻪﺷﯩﭗ ﺑﻮﭘﺘﯩﻤﯩﺶ ， ﺋﯘﻧﻰ ﺗﺎﻗﺎﭖ ﺋﯘﺧﻠﯩﺴﯩﯖﯩﺰ ﭼﯜﺷﻤﯘﻛﯚﺭﻣﻪﻳﺪﯨﻜﻪﻧﺴﯩﺰ….

ﺋﺎﯕﻠﯩﺪﯨﯖﯩﺰﻣﯘ ﻳﯧﻘﯩﻨﺪﺍ ﺑﯩﺮ ﻣﻪﺳﺖ ﺩﻩﺭﻩﺧﻜﻪ ﺋﯜﺳﯩﯟﯦﻠﯩﭗ ， ﺳﯩﺮﻛﺎﻳﭽﯩﻨﯩﺪﻩﻙ ﭘﺎﺭﭼﻪ-ﭘﺎﺭﭼﻪ ﺑﻮﭖ ﻛﯧﺘﯩﭙﺘﯘﺩﻩ…. ﺑﯩﺰﻧﯩﯔ ﻛﻮﭼﯩﻨﯩﯔ ﺩﻭﻗﻤﯘﺷﯩﺪﺍ ﻧﺎﺭﯨﻦ ﺳﺎﺗﯩﺪﯨﻐﺎﻥ ﺑﯩﺮ ﺋﺎﺷﺨﺎﻧﺎ ﺑﺎﺭ ﺋﯩﺪﻯ. ﺋﺎﺷﺨﺎﻧﯩﻨﯩﯔ ﺧﻮﺟﺎﻳﯩﻨﻰ ﺋﺎﺕ ﮔﯚﺷﯩﻨﻰ ﻳﻪﯞﯦﺮﯨﭗ， ﺋﯚﺯﻯ ﺋﺎﺗﺘﻪﻙ ﻛﯩﺸﻨﻪﭖ ﭼﯩﻘﯩﭗ ﻛﯧﺘﯩﭙﺘﯘﺩﻩﻙ… ﺑﯩﻜﺎﺭ ﺑﻮﻟﺴﯩﻼ ﺋﯚﮔﺰﯨﺴﯩﮕﻪ ﻻﻱ ﺳﺎﻟﯩﺪﯨﻐﺎﻥ ﺑﯩﺮ ﺧﻮﺷﻨﯩﻤﯩﺰﺑﻮﻟﯩﺪﯨﻐﺎﻥ ， ﺋﺎﻟﺪﯨﻨﻘﻰ ﻛﯜﻧﯩﺪﯨﻜﻰ ﻳﺎﻣﻐﯘﺭﺩﺍ ﺋﯚﮔﺰﯨﺪﻩ ﺋﻮﻟﺘﯘﺭﯗﭖ ﺋﯧﺮﯨﭙﻼ ﻛﯧﺘﯩﭙﺘﯘ ， ﺑﺎﻻ-ﭼﺎﻗﯩﻠﻠﯩﺮﯨﻨﯩﯔ ﺋﯚﮔﺰﯨﺪﯨﻜﻰ ﻻﻳﻨﻰ ﻣﺎﻟﺘﯩﻼﭖ ﺩﺍﺩﯨﺴﯩﻨﻰ ﺋﯩﺰﺩﻩﭖ ﻳﯜﺭﮔﯩﻨﯩﻨﻰ ﺋﯚﺯ ﻛﯚﺯﯛﻡ ﺑﯩﻠﻪﻥ ﻛﯚﺭﺩﯛﻡ…

ﻣﯘﺷﯘ ﻛﯜﻧﻠﻪﺭﺩﻩ ﻳﯜﺯ ﺑﯩﺮﯨﯟﺍﺗﻘﺎﻥ ﻧﯘﺭﻏﯘﻧﻠﯩﻐﺎﻥ ﺋﯩﺸﻼﺭ ﺋﺎﺩﻩﻣﻨﯩﯔ ﺋﻪﻗﻠﯩﮕﻪ ﭘﻪﻗﻪﺕ ﺳﯩﻐﻤﺎﻳﺪﯗ . ﻛﻮﻧﯩﻼﺭﺩﯨﻦ ﺳﻮﺭﯨﺴﺎﯓ : «ﺯﺍﻣﺎﻥ ﺋﺎﺧﯩﺮﯨﻨﯩﯔ ﺋﺎﻻﻣﻪﺗﻠﯩﺮﻯ »ﺩﯨﮕﻪﻥ ﺑﯩﺮ ﺟﯜﻣﻠﻪ ﺳﯚﺯﮔﻪ ﻳﯩﻐﯩﻨﭽﺎﻗﻼﻳﺪﯗ . ﺋﺎﯕﻼﺷﻼﺭﻏﺎ ﻗﺎﺭﯨﻐﺎﻧﺪﺍ ﺯﺍﻣﺎﻥ ﺋﺎﺧﯩﺮﯨﺴﯩﺪﺍﻣﺎﻧﺎ ﺷﯘﻧﺪﺍﻕ ﮪﻪﻣﻤﻪ ﻧﻪﺭﺳﻪ ﺋﯚﺯ ﻗﯧﻠﯩﭙﯩﺪﯨﻦ ﭼﯩﻘﯩﭗ ﻛﻪﺗﻜﯜﺩﻩﻙ . ﺗﻮﯞﺍ …

ﻣﺎﯞﯗ ﺋﯚﻳﺪﯨﻜﻰ ﻣﯚﺷﯜﻙ ﺟﯧﻨﯩﺪﺍ ﭼﺎﺷﻘﺎﻥ ﺗﯘﺗﻤﺎﺱ ﺑﻮﻟﯩﯟﺍﻟﺪﻯ . ﻗﺎﻳﺴﻰ ﻛﯜﻧﻰ ﻗﺎﺭﺍﭖ ﺗﯘﺭﺳﺎﻡ ﺑﯩﺮ ﭼﺎﺷﻘﺎﻧﻨﻰ ﺑﯩﺮﺩﻩﻡ ﻗﻮﻏﻼﭘﻼ ﺑﻮﻟﺪﻯ ﻗﯩﻠﺪﻯ .ﮪﻪﻣﻤﯩﻨﻰ ﻗﯩﻠﻐﺎﻥ ﺋﺎﻧﺎﻡ ﺑﯩﻠﻪﻥ ﺳﯩﯖﻠﯩﻢ . ﻗﯘﺭﯗﻕ ﻧﺎﻥ ﻳﯩﺴﻪ ﻗﺎﻧﺪﺍﻕ ﺑﻮﻟﯩﺪﯗ ﺩﻩﭖ ， ﻟﻪﻏﻤﻪﻧﮕﻪﺳﻪﻱ ﺳﯧﻠﯩﭗ ﺑﯩﺮﯨﭗ ﺑﯧﻘﯩﭗ ﻳﺎﻣﺎﻥ ﺋﯚﮔﻪﺗﺘﻰ . ﺗﯧﺨﻰ ﺋﺎﻛﺎﻣﻨﯩﯔ ﻛﯩﭽﯩﻚ ﺑﺎﻟﯩﺴﻰ ﺩﯗﻛﺎﻧﺪﯨﻦ ﺗﯜﺭﻟﯜﻙ ﺋﯘﺷﺸﺎﻕ – ﭼﯜﺷﺸﻪﻙ ﻧﻪﺭﺳﯩﻠﻪﺭﻧﻰ ﺋﻪﻛﯩﻠﯩﭗ ﺑﯧﺮﯨﺪﯨﻜﻪﻥ . ﺋﯘﻧﺪﺍﻕ ﻗﯩﻠﺴﺎ ﻣﯜﺷﯜﻙ ﺩﯨﮕﻪﻥ ﻳﺎﻣﺎﻥ ﺋﯚﮔﻪﻧﻤﻪﻣﺪﯗ؟ ﺑﯩﺮ ﮪﻪﭘﺘﻪ ﺑﻮﻟﺪﻯ ， ﺋﯚﻳﺪﻩ ﭼﺎﺷﻘﺎﻥ ﭘﻪﻳﺪﺍ ﺑﻮﻟﯘﭖ ﻗﺎﻟﺪﻯ . ﺋﺎﻣﺎﻝ ﻳﻮﻕ， ﺑﺎﺯﺍﺭﺩﯨﻦ ﻣﻪﺧﺴﯘﺱ ﭼﺎﺷﻘﺎﻥ ﺗﯘﺗﯩﺪﯨﻐﺎﻥ « ﻗﺎﭘﻘﺎﻥ » ﺋﻪﻛﻪﻟﺪﯗﻕ . ﮪﺎﺯﯨﺮ ﺷﯘ ﻗﺎﭘﻘﺎﻧﺪﺍﭼﺎﺷﻘﺎﻥ ﺗﯘﺗﯘﭖ ， ﺋﯘﺩﯗﻟﻠﯘﻕ ﺗﯘﺗﯘﻟﻐﺎﻧﻠﯩﺮﯨﻨﻰ ﻣﯜﺷﯜﻛﻜﻪ ﺑﯩﺮﯨﯟﺍﺗﯩﻤﯩﺰ . ﻣﺎﯞﯗ ﺧﻮﺷﻨﯩﻤﯩﺰﺟﯧﻠﯩﻠﻜﺎﻣﻨﻰ ﺗﻮﻧﯘﻣﺴﯩﻠﻪﺭﻛﯩﻦ ؟ ﻳﯧﻘﯩﻨﺪﯨﻦ ﺑﯘﻳﺎﻥ ﻏﻪﻟﯩﺘﯩﻼ ﺑﻮﻟﯘﭖ ﻗﺎﻟﺪﻯ . ﺋﯚﻳﻨﯩﯔ ﺋﯜﮔﺰﯨﺴﯩﮕﻪ ﻛﯩﭽﯩﻚ ﻗﻮﺭﺍ ﻳﺎﺳﺎﭖ ﻗﻮﻱ ﺑﯧﻘﯩﯟﺍﺗﯩﺪﯗ . ﺋﯘﻧﯩﯔ ﺩﯨﻴﯩﺸﯩﭽﻪ : «ﮪﺎﯞﺍﻟﯩﻖ ﻳﻪﺭﺩﻩﺑﯧﻘﯩﻠﻐﺎﻥ ﻗﻮﻱ ﻳﺎﺧﺸﻰ ﺳﻪﻣﯩﺮﻩﻣﯩﺶ !؟ » ﻗﺎﻳﺴﻰ ﻛﯜﻧﻰ ﺋﯘﻧﯩﯔ ﺑﻮﺭﺩﺍﯞﺍﺗﻘﺎﻥ ﻗﻮﻳﯩﻨﻰ ﻛﯚﺭﮔﯩﻠﻰ ﻛﻪﻟﮕﻪﻥ ﺑﯩﺮﻯ ﺋﯚﮔﺰﯨﮕﻪ ﭼﯩﻘﯩﻤﻪﻥ ﺩﻩﭖ ﺷﻮﺗﯩﺪﯨﻦ ﻳﯩﻘﯩﻠﯩﭗ ， ﭘﯘﺗﯩﻨﻰ ﻗﺎﻳﺮﯨﯟﺍﻟﺪﻯ .

ﺑﺎﺷﻘﯩﻼﺭ ﺳﻪﮪﺮﺍﻧﻰ « ﺳﻪﮪﺮﺍﻳﻰ ﻗﯩﻴﺎﻣﻪﺕ» ﺩﯨﻴﯩﺸﯩﺪﯗ . ﺑﻮﻟﯘﭘﻤﯘﺷﻪﮪﻪﺭﻟﯩﻜﻠﻪﺭﻧﯩﯔ ﻧﻪﺯﯨﺮﯨﺪﻩ ﺳﻪﮪﺮﺍﻟﯩﻘﻼﺭ ﻣﻪﯕﮕﯜ ﺗﻮﻣﭙﺎﻱ ， ﻳﯘﯞﺍﺵ ， ﺑﺎﺷﻘﯩﻼﺭﻏﺎ ﺑﺎﺭﯨﻨﻰ ﺗﯚﻛﯜﺩﯨﻐﺎﻥ ﻟﯩﻜﯩﻦ ﺑﺎﺷﻘﯩﻼﺭﺩﯨﻦ ﺯﻩﺭﯨﭽﯩﻤﯘ ﻧﻪﺭﺳﻪ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻥ ﺋﻪﺧﻤﻪﻗﻠﻪﺭ . ﺑﯩﺮﺍﻕ ﺑﯩﺰﻧﯩﯔ ﺳﻪﮪﺮﺍﻟﯩﻘﻼﺭﻣﯘ ﺑﻮﺵ ﺋﻪﻣﻪﺱ . ﮪﺎﺯﯨﺮ ﺳﻪﮪﺮﺍﻧﯩﯔ ﺋﺎﺩﻩﻣﻠﯩﺮﯨﻤﯘ ﺷﻪﮪﻪﺭﻟﯩﻜﻠﻪﺭﮔﻪﻗﯩﺰﯨﻘﯩﺪﯨﻐﺎﻥ ， ﺷﯘﻧﺪﺍﻕ ﺗﯘﺭﻣﯘﺷﻨﻰ ﺋﺎﺭﺯﯗ ﻗﯩﻠﯩﺪﯨﻐﺎﻥ ， ﮪﻪﺗﺘﺎ ﺷﻪﮪﻪﺭﻟﯩﻜﻠﻪﺭﺩﯨﻨﻤﯘ ﺋﯧﺸﯩﭗ ﭼﯜﺷﯩﺪﯨﻐﺎﻥ ﺑﻮﻟﺪﻯ . ﺋﯩﺸﻪﻧﻤﻪﻣﺴﯩﺰ ؟ ﺋﺎﯞﯗ ﻣﻪﮪﻪﻟﻠﯩﺪﯨﻜﻰ ﺋﺎﻳﻨﯩﺴﺎﮔﯜﻝ ﮪﻪﺩﯨﻤﯩﺰﻣﯘ : « ﻣﯩﻨﯩﯔ ﺷﻪﮪﻪﺭﻟﯩﻜﻠﻪﺭﺩﯨﻦ ﻧﻪﺭﯨﻢ ﻛﺎﻡ ﺋﯩﺪﻯ ， ﺷﻪﮪﻪﺭﻟﯩﻚ ﻗﯩﺰﻻﺭﺩﺍ ﺑﺎﺭ ﭼﯩﺮﺍﻱ ﻣﻪﻧﺪﯨﻤﯘ ﺑﺎﺭ ，ﻧﯩﻤﯩﺸﻘﯩﻤﯘ ﺑﯘ ﺳﻪﮪﺮﺍﻳﻰ ﻗﯩﻴﺎﻣﻪﺗﺘﻪ ﺗﯘﻏﯘﻟﯘﭖ ﻗﺎﻟﻐﺎﻧﺪﯨﻤﻪﻥ » ﺩﻩﭖ ﺋﯚﺯﯨﻨﯩﯔ ﺳﻪﮪﺮﺍﻟﯩﻖ ﺑﻮﻟﯘﭖ ﻗﺎﻟﻐﺎﻧﻠﯩﻘﯩﻐﺎ ﭘﯘﺷﺎﻳﻤﺎﻥ ﻳﻪﭖ ﻳﯜﺭﮔﯜﺩﻩﻙ . ﺋﯚﺗﻜﻪﻧﺪﻩ ﺋﯚﺯﯨﭽﻪ ﺋﯚﻳﯩﺪﻩ ﺷﻪﮪﻪﺭﻟﯩﻚ ﻗﯩﺰﻻﺭﻧﻰ ﺩﻭﺭﺍﭖ ﻛﺎﻟﺘﻪ ﻛﯚﻳﻨﻪﻙ ﻛﯩﻴﯩﭗ ， ﭼﯩﺮﺍﻳﻠﯩﻖ ﻳﺎﺳﯩﻨﯩﭗ ， ﺗﺎﺯﺍ ﮔﯩﺮﯨﻢ ﻗﯩﻠﯩﭙﺘﯘ . ﺋﯚﻳﺪﻩ ﻗﯩﻠﻐﺎﻥ ﮔﯩﺮﯨﻢ ﻗﺎﻧﭽﯩﻠﯩﻚ ﺑﻮﻟﻤﺎﻗﭽﯩﺪﻯ ﺩﻩﻳﺴﯩﻠﻪﺭ . ﺋﯩﺮﻯ ﻛﻪﻟﮕﻪﻧﺪﻩ ﺷﻪﮪﻪﺭﻟﯩﻚ ﻗﯩﺰﻻﺭﻧﻰ ﺩﻭﺭﺍﭖ， ﻧﺎﺯ ﻗﯩﻠﯩﭗ ﻛﯜﻟﯜﭘﺘﯘ . ﺩﻩﺳﻠﻪﭘﺘﻪ ﻳﻮﻟﺪﯨﺸﯩﻤﯘ ﺋﯘﻧﯩﯔ ﺗﯘﺭﻗﯩﻐﺎ ﻗﺎﺭﺍﭖ ﻧﯩﻤﻪﺑﻮﻟﻐﺎﻧﻠﯩﻘﯩﻨﻰ ﺑﯩﻠﻤﻪﻱ ﮪﻪﻳﺮﺍﻥ ﻗﺎﭘﺘﯘ . ﺋﺎﻳﻨﯩﺴﺎﮔﯜﻝ ﻳﻮﻟﺪﯨﺸﯩﻐﺎ ﺋﻪﺭﻛﯩﻠﻪﭖ ﺗﯘﺭﯗﭖ : «ﺟﺎﻧﯩﻢ ﻛﻪﻟﺪﯨﻠﯩﻤﯘ ， ﯞﺍﻱ – ﻳﻪﻱ ﻧﯩﻤﺎﻧﭽﻪ ﭘﺎﺳﻜﯩﻨﺎ ﺑﻮﻟﯘﭖ ﻛﻪﺗﺘﯩﯖﯩﺰ » ﺩﻩﭖ ﻧﺎﺯﻗﯩﻠﯩﭙﺘﯘ . ﻳﻮﻟﺪﯨﺸﻰ ﺋﯘﻧﯩﯔ ﺑﯘ ﻗﯩﻠﯩﻘﯩﻐﺎ ﺩﻩﺳﻠﻪﭖ ﺗﺎﺯﺍ ﻛﯜﻟﯜﭘﺘﯘ ， ﻛﯩﻴﯩﻦ ﻛﺎﻻ ﺋﯧﻐﯩﻠﯩﻐﺎ ﺋﻪﻛﯩﺮﯨﭗ ﺗﺎﺯﺍ ﺋﯘﺭﯗﭘﺘﯘ. ..ﺗﻮﯞﺍ…

ﻳﻪﻧﻪ ﻳﯧﻘﯩﻨﺪﯨﻼ ﺷﯘﻧﺪﺍﻕ ﻗﯩﺰﯨﻖ ﺋﯩﺸﺘﯩﻦ ﺑﯩﺮﻧﻰ ﺋﺎﯕﻠﯩﺪﯨﻢ . ﻳﻮﻗﯘﺭﻗﻰ ﻣﻪﮪﻪﻟﻠﯩﺪﯨﻜﻰ ﮪﻪﺳﻪﻧﻜﺎﻣﻨﯩﯔ ﺋﻪﺭ ﺋﺎﻟﻤﺎﻱ ， ﻳﯧﺰﯨﺪﯨﻜﻰ ﻳﯩﮕﯩﺘﻠﻪﺭﻧﯩﯖﻤﯘﺋﯩﺴﯩﺪﯨﻦ ﻛﯚﺗﯜﺭﯛﻟﯜﭖ ﻛﻪﺗﻜﻪﻥ ﺑﯩﺮ ﻗﯩﺮﻯ ﻗﯩﺰﻯ ﺑﺎﺭ ﺋﯩﺪﻯ . ﺋﺎﯕﻠﯩﺴﺎﻕ ﻳﯧﻘﯩﻨﺪﺍ ﻳﯩﺮﺍﻕ ﺑﯩﺮﻳﯧﺰﯨﺪﯨﻦ ﻗﯩﺰﻧﻰ ﻛﯩﻠﯩﻦ ﻗﯩﻼﻳﻠﻰ ﺩﻩﭖ ﺋﻪﻟﭽﻰ ﻛﯩﺮﯨﭙﺘﯩﻜﻪﻥ ， ﺧﻮﺷﺎﻟﻠﯩﻘﯩﺪﺍ ﺑﯩﺮ ﺋﺎﺋﯩﻠﻪﻛﯩﺸﯩﻠﯩﺮﯨﻨﯩﯔ ﺗﯩﻠﻰ ﺗﯘﺗﯘﻟﯘﭖ ﻗﺎﭘﺘﯘ…ﮪﺎﺯﯨﺮ ﺋﯧﻨﺘﯩﺮﻧﯩﺘﺘﯩﻤﯘ ﻛﯜﻧﺪﻩ ﺋﺎﻻﻣﻪﺕ ﺧﻪﯞﻩﺭﻟﻪﺭﻧﻰ ﺋﺎﯕﻼﭖ ﺗﯘﺭﯨﯟﺍﺗﯩﻤﯩﺰ . «ﭘﺎﻻﻧﭽﻰ ﻳﻪﺭﺩﻩ ﺑﯩﺮ ﺋﺎﻳﺎﻝ ﺳﻪﻣﯩﺮﯨﭗ ﻧﻪﭼﭽﻪ ﻳﯜﺯﻛﯩﻠﻮﻏﺎ ﻳﻪﺗﺘﻰ ， ﻳﻪﻧﻪ ﺳﻪﻣﯩﺮﻩﻣﯩﺶ ， ﭘﺎﻻﻧﭽﻰ ﻳﻪﺭﻧﯩﯔ ﺑﺎﺷﻠﯩﻘﻰ ﭘﺎﺭﯨﺨﯘﺭﻟﯘﻕ ﻗﯩﻠﯩﭗ ﻗﯧﭽﯩﭗ ﻛﻪﺗﺘﻰ ， ﭘﯘﺳﺘﺎﻧﯩﭽﻰ ﺩﯙﻟﻪﺗﺘﻪ ﯞﺍﻗﯩﺘﺘﯩﻦ ﺋﯘﺗﯘﺵ ﺋﯜﭼﯜﻥ ﻗﯩﺰﻻﺭﻏﯩﻤﯘ ﺋﯚﺭﻩ ﺗﯘﺭﯗﭖ ﮪﺎﺟﻪﺕ ﻗﯩﻠﯩﺪﯨﻐﺎﻥ ﮪﺎﺟﻪﺗﺨﺎﻧﻪ ﻳﺎﺳﺎﻟﺪﻯ » ﺩﯨﮕﻪﻧﺪﻩﻙ … ﺋﺎﻏﯩﻴﻨﻪﻣﻨﯩﯔ ﺋﺎﺗﻤﯩﺸﻠﻪﺭﺩﯨﻦ ﺋﺎﺷﻘﺎﻥ ﺋﺎﻧﯩﺴﯩﻤﯘ ﻳﯧﻘﯩﻨﺪﯨﻦ ﺑﯘﻳﺎﻥ ﺗﻮﺭﻏﺎ ﭼﯩﻘﯩﺪﯨﻐﺎﻥ ﺑﻮﻟﯩﯟﺍﭘﺘﯘ . «ﺗﯧﺨﻰ ﻣﺎﯕﯩﻤﯘ ﺋﯚﺯﻩﯕﻨﯩﯖﻜﯩﺪﻩﻙ ﻛﻮﺕ -ﻛﻮﺕ ﺩﯨﻦ ﺑﯩﺮﻧﻰ ﺋﯧﻠﯩﭗ ﺑﻪﺭ » ﺩﻩﭖ ﺋﺎﻟﻐﯘﺯﯗﭘﺘﯘ . ﻧﯩﻤﻪ ﺩﻩﻳﻤﯩﺰ ﺋﻪﻣﺪﻯ ， ﺋﯘﻧﯩﯔ ﺗﻮﺭﺩﯨﻜﻰ ﺋﯩﺴﻤﻰ «ﺷﻪﮪﺮﯨﺰﺍﺕ » ﻣﯩﺶ