بۈگۈن دۇنيادىكى ئەڭ ئۇلۇغ ئانا ۋاپات بولغان كۈن
ئاپتورى: قىسمەت | سەھىپە: ماقالە-يازمىلار | ۋاقتى: 11-02-2011 | خەتكۈشلەر: ئانا
.
ئانا، بۈگۈن (2011-يىلى 2-ئاينىڭ 11-كۈنى) ۋاپاتىڭىزنىڭ يەتتە يىللىق خاتىرە كۈنى.
سىز ھايات چېغىڭىزدا، ئىشقا ماڭسام ئىشىك ئالدىدا تۇرۇپ، ئامانلىقىمغا، ئىشلىرىمنىڭ بەرىكىتىگە دۇئا قىلىپ ئۇزىتاتتىڭىز، ئىشتىن قايتسام، ئىشىك ئالدىدا تۇرۇپ قارشى ئالاتتىڭىز، باش كۆزلىرىمنى يىرىك قوللىرىڭىز، ياق، يۈرىكىڭىز بىلەن سىيلايتىڭىز. تارتىشقىنىمغا قويماي، ئالدىمغا تاماق قوياتتىڭىز. «بولدى، قورسىقىم توق» دېسەم، «بالام، مېنىڭ بارىمدا بولسىمۇ يە، ئەتە-ئۆگۈن زورلايدىغان مەن يوق» دېسىڭىز، ئېرەنشىمەپتىمەنكەن ئانا!
يەتتە يىل ئۆتتى. نى-نى كۈنلەرنى بېشىمدىن ئۆتكۈزدۈم، ئاچ-توقمۇ قالدىم. روناق تاپسام سىزنى ئەسلەيمەن، ئانامنىڭ دۇئاسى دەپ. يىقىلىپ چۈشسەم، ئەتراپىمغا قارايمەن، ئانام يۆلەۋالاتتى دەپ. ئەمما سىز يوق، كۆزلىرىمگە يىغا يامىشىدۇ…
مانا ئەمدى سىز يوق، مېنى تاماققا زورلايدىغان، ئەتىگەن-ئاخشىمى «قېلىن كىيىندىڭمۇ» دەپ تەكشۈرىدىغان سىز يوق. ئاھ ، قانداق قىلاي يىتىملىككە!!!
بۈگۈن ۋاپاتىڭىزنىڭ يەتتە يىللىق خاتىرە كۈنى. تۇپراق بېشىڭىزنى يوقلىيالمىدىم، روھىڭىز قانچىلىك قورۇنغاندۇ – ھە؟! ياقا يۇرتتا تۇرۇپ، دۇئادا بولسىمۇ سىزنى ياد ئېتىۋاتىمەن، ئانا…
ﺋﺎﻧﺎ، ﺳﯩﺰ 1985-ﻳﯩﻠﻰ ﺩﺍﺩﺍﻡ ﯞﺍﭘﺎﺗﯩﺪﯨﻦ ﺗﺎﻛﻰ 2004-ﻳﯩﻠﻰ 2-ﺋﺎﻳﻨﯩﯔ 11-ﻛﯜﻧﻰ (ﭼﺎﺭﺷﻪﻧﺒﻪ) ﮔﯩﭽﻪ ﺑﯩﺰﻧﻰ ﺷﯘﻧﺪﺍﻕ ﻣﯩﮭﺮﯨﺒﺎﻧﻠﯩﻖ ﺑﯩﻠﻪﻥ ﺗﻪﺭﺑﯩﻴﯩﻠﯩﺪﯨﯖﯩﺰ، ﺩﺍﺩﺍﻣﻨﯩﯔ ﻳﻮﻗﻠﯘﻗﯩﻨﻰ ﭘﻪﻗﻪﺕ ﭼﺎﻧﺪﯗﺭﻣﯩﺪﯨﯖﯩﺰ، (ﭼﻮﯕﻼﺭﺩﯨﻦ ﺋﺎﯕﻠﯩﺸﯩﻤﭽﻪ) ﺑﯩﺮ ﻧﻪﭼﭽﻪ ﻗﯧﺘﯩﻢ ﻳﺎﺧﺸﻰ ﻛﯩﺸﯩﻠﻪﺭﺩﯨﻦ ﺋﻪﻟﭽﻰ ﻛﯩﺮﺳﯩﻤﯘ، ﺑﺎﻟﯩﻠﯩﺮﯨﻤﻨﻰ ﺋﯚﮔﻪﻳﮕﻪ ﻗﺎﺭﺍﺗﻤﺎﻳﻤﻪﻥ، ﺑﯩﺮ ﺋﯚﻣﯜﺭ ﺋﺎﺑﺪﯗﺭﯗﺳﯘﻝ ﺋﺎﺧﯘﻧﻨﯩﯔ ﺗﺎﮬﺎﺭﯨﺘﻰ ﺑﯩﻠﻪﻥ ﺋﯚﺗﯩﻤﻪﻥ، ﺩﻩﭖ ﺋﯘﻻﺭﻧﯩﯔ ﺗﻪﻟﯩﭙﯩﻨﻰ ﺭﻩﺕ ﻗﯩﻠﺪﯨﯖﯩﺰ. ﻛﯩﺸﻰ ﺟﺎﭘﺎ ﺗﺎﺭﺗﺎﺭ، ﺳﯩﺰﺩﻩﻙ ﺗﺎﺭﺗﻤﺎﺱ.
ﻳﻪﺗﺘﻪ ﺑﺎﻟﯩﻨﻰ (ﺑﯩﺰ ﺋﻪﺳﻠﻰ 17 ﺑﺎﻻ ﺑﻮﻟﯘﭖ، ﮬﺎﺯﯨﺮ ﻳﻪﺗﺘﯩﻤﯩﺰ ﮬﺎﻳﺎﺕ) ﺑﯧﻘﯩﭗ، ﺗﻪﺭﺑﯩﻴﯩﻠﻪﭖ ﻗﺎﺗﺎﺭﻏﺎ ﻗﻮﺷﻘﯘﭼﻪ، ﻗﺎﺭﺍ ﭼﺎﭼﻠﯩﺮﯨﯖﯩﺰ ﻗﺎﺭ ﭼﯜﺷﻜﻪﻥ ﺗﺎﻏﻼﺭ ﻛﻪﺑﯩﻲ ﺋﺎﻗﻠﯩﻘﻘﺎ ، ﭘﺎﻛﻠﯩﻘﻘﺎ ﺗﻮﻟﺪﻯ. ﮬﺎﻳﺎﺗﻨﯩﯔ ﻛﺎﺗﺎﯕﻠﯩﺮﯨﺪﺍ ﻳﯩﻘﯩﻠﻐﯩﻨﯩﯖﯩﺰﺩﺍ ﺑﯩﺮﻩﺭ ﻗﯧﺘﯩﻤﻤﯘ ﯞﺍﻳﺠﺎﻧﻼﭖ ﻗﻮﻳﻐﯩﻨﯩﯖﯩﺰﻧﻰ، ﺑﺎﻟﯩﻼﺭﻧﻰ ﺩﻩﭖ ﻣﯘﺷﯘﻧﺪﺍﻕ ﺑﻮﻟﺪﯗﻡ، ﺩﻩﭖ ﯞﺍﻳﺴﯩﻐﯩﻨﯩﯖﯩﺰﻧﻰ ﺋﻪﺳﻠﯩﻴﻪﻟﻤﻪﻳﻤﻪﻥ.
ﺩﺍﺩﺍﻡ ﺋﯚﻳﻠﯜﻙ ﻗﯩﻠﯩﺸﻘﺎ ﺋﯜﻟﮕﯜﺭﻣﯩﮕﻪﻥ ﺑﻪﺵ ﺑﺎﻟﯩﻨﻰ ﺳﯩﺰ ﺑﯩﺮ ﻗﻮﻟﻠﯘﻕ ﺋﯚﻳﻠﯜﻙ ﻗﯩﻠﺪﯨﯖﯩﺰ، ﺋﻮﻗﯘﺗﺘﯩﯖﯩﺰ. ﺳﯩﺰﻧﯩﯔ ﺗﯜﮔﯩﻤﻪﺱ ﺗﯚﻣﯜﺭ ﺗﺎﯞﯨﻘﯩﯖﯩﺰ ﻳﻮﻕ، ﺑﺎﺭى-ﻳﻮﻗﻰ ﭘﻪﻗﻪﺕ ﻧﻪﭼﭽﻪ ﻣﻮﻻ ﻳﯧﺮﯨﯖﯩﺰ، ﻧﻪﭼﭽﻪ ﺋﯧﻐﯩﺰ ﻛﻮﻧﺎ ﺋﯚﻳﯩﯖﯩﺰ ﺑﺎﺭ ﺋﯩﺪﻯ. ﺋﻪﻧﻪ ﺷﯘ ﺗﻪﯞﻩﻟﻠﯘﻗﺎﺗﻼﺭ ﺑﯩﻠﻪﻥ، ﺑﯩﺰﻧﻰ ﺟﻪﻣﺌﯩﻴﻪﺗﺘﻪ ﺗﯚﺗﻨﯩﯔ ﺑﯩﺮﻯ ﻗﯩﻠﯩﭗ ﭼﯩﻘﺘﯩﯖﯩﺰ، ﺑﯩﺰﻧﻰ ﺋﻪﺩﻩﭘﻠﯩﻚ. ﺟﯩﮕﻪﺭﻟﯩﻚ ئەزىمەتلەردىن ﻗﯩﻠﯩﭗ ﻳﯧﺘﯩﺸﺘﯜﺭﯛﭖ ﭼﯩﻘﺘﯩﯖﯩﺰ. ﺟﻪﻣﺌﯩﻴﻪﺗﺘﯩﻜﻰ ﺑﯩﺮ-ﺑﯩﺮﯨﻨﯩﯔ ﻳﺎﻗﯩﺴﯩﻨﻰ ﺳﯩﻘﯩﺸﯩﯟﺍﺗﻘﺎﻥ ﺋﯘﺭﯗﻕ – ﺗﯘﻏﻘﺎﻧﻼﺭﻧﻰ ﻛﯚﺭﮔﯩﻨﯩﻤﺪﻩ، ﺳﯩﺰﻧﯩﯔ ﻧﻪﻗﻪﺩﻩﺭ ﺋﯘﻟﯘﻏﻠﯘﻗﯩﯖﯩﺰﻧﻰ، ﺯﻩﭘﻪﺭﺩﻩﺳﺖ ﺋﺎﻧﺎ ﺋﯩﻜﻪﻧﻠﯩﻜﯩﯖﯩﺰﻧﻰ ﭼﻮﯕﻘﯘﺭ ﮬﯧﺲ ﻗﯩﻠﯩﻤﻪﻥ.
ﮬﺎﻳﺎﺕ ﻗﺎﻧﯘﻧﯩﻴﯩﺘﯩﮕﻪ ﻗﺎﺭﺷﻰ ﭼﯩﻘﺎﻟﻤﯩﺪﯗﻕ. 2004-ﻳﯩﻠﻰ 2-ﺋﺎﻳﻨﯩﯔ 11-ﻛﯜﻧﻰ (ﭼﺎﺭﺷﻪﻧﺒﻪ) ﺗﺎﯓ ﺳﻪﮬﻪﺭﺩﻩ ﺋﯩﮕﯩﻤﯩﺰ ﺋﺎﻣﺎﻧﯩﺘﯩﻨﻰ ﺋﯧﻠﯩﭗ ﻛﻪﺗﺘﻰ، ﻳﯩﻐﻼﭖ ﻗﺎﻟﺪﯗﻕ…
ﮬﻪﻳﺮﺍﻧﻤﻪﻥ، 6 – ﺳﻪﺯﮔﯜ ﺩﯦﮕﻪﻧﮕﻪ ﺋﯩﺸﯩﻨﯩﭙﻤﯘ ﻗﺎﻟﯩﻤﻪﻥ، 2-ﺋﺎﻳﻨﯩﯔ 10-ﻛﯜﻧﻰ بالىلار ﺑﯩﻠﻪﻥ ﺑﯩﺮﺳﯩﻨﻰ ﻳﻮﻗﻼﭖ ﻛﯧﻠﯩﺸﻜﻪ ﯞﻩﺩﯨﻠﻪﺷﻜﻪﻧﯩﺪﯗﻕ. ﻧﯧﻤﯩﺸﻘﯩﻜﯩﻦ ﺑﯩﻠﻤﯩﺪﯨﻢ، ﺑﯘ ﺳﻪﭘﻪﺭﻧﻰ ﭘﻪﻗﻪﺗﻼ ﻛﯚﯕﻠﯜﻡ ﺗﺎﺭﺗﻤﯩﺪﻯ، «ﺑﺎﺭﻏﯩﻢ ﻛﻪﻟﻤﯩﺪﻯ، ﺋﺎﻏﯩﻨﯩﻠﻪﺭ، ﺳﯩﻠﻪﺭ ﺑﯧﺮﯨﭗ ﻛﯧﻠﯩﯖﻼﺭ» ﺩﯦﺪﯨﻢ، ﺋﯘﻻﺭ ﻛﻪﺗﺘﻰ. ﺋﻪﺗﯩﺴﻰ 2-ﺋﺎﻳﻨﯩﯔ 11-ﻛﯜﻧﻰ ﺳﻪﮬﻪﺭﺩﻩ، ﺋﺎﻧﺎﻡ ﺭﻩﮬﻤﯩﺘﻰ ﺟﺎﻥ ﺋﯜﺯﺩﻯ، ﺩﻭﺧﺘﯘﺭﺧﺎﻧﯩﻐﺎ ﺯﯗﻛﺎﻡ ﻛﯧﺴﯩﻠﯩﻨﻰ ﺩﺍﯞﺍﻟﯩﺘﯩﺶ ﺋﯜﭼﯜﻥ ﻛﯩﺮﮔﻪﻥ ﺋﺎﻧﺎﻡ ﺟﺎﻥ ﺋﯜﺯﺩﻯ، ﮬﻪﺭﻧﺎﻣﯩﺰﯨﺪﺍ «ﺋﺎﺳﺎﻥ ﺋﺎﻏﺮﯨﻖ، ﺋﺎﺳﺎﻥ ﺋﯚﻟﯜﻡ ﺑﻪﺭﮔﻪﻳﺴﻪﻥ، ﻗﯘﺭﯗﻕ ﺗﯚﮬﻤﻪﺗﺘﯩﻦ ﻳﯩﺮﺍﻕ ﻗﯩﻠﻐﺎﻳﺴﻪﻥ» ﺩﻩﭖ ﺗﯩﻠﻪﻳﺪﯨﻐﺎﻥ ﺋﺎﻧﺎﻡ ﺟﺎﻥ ﺋﯜﺯﺩﻯ، ﺑﯩﺮ ﺋﯚﻣﯜﺭ ﺑﯩﺰ ﺋﯜﭼﯜﻥ ﻗﯘﺭﺑﺎﻥ ﺑﯧﺮﯨﭗ ﻳﺎﺷﺎﭖ ﻛﻪﻟﮕﻪﻥ ﺋﺎﻧﺎﻡ ﺟﺎﻥ ﺋﯜﺯﺩﻯ، ﻳﻪﺗﺘﻪ ﻧﺎﺗﯩﯟﺍﻧﻨﯩﯔ ﺑﻪﺧﺘﻰ ﺟﺎﻥ ﺋﯜﺯﺩﻯ… ئانا !!!
ﺋﺎﻧﺎﻣﻨﯩﯔ ﺟﻪﺳﯩﺘﯩﻨﻰ ﺑﺎﻟﻨﯧﺴﺘﺘﯩﻦ ﺋﯧﻠﯩﭗ ﭼﯩﻘﺘﯘﻕ، ﻛﯚﻧﮕﻪﻥ ﺋﺎﺩﯨﺘﯩﻢ ﺑﻮﻳﯩﭽﻪ ﺋﺎﻧﺎﻣﻨﻰ ﻛﯚﺗﯜﺭﻣﻪﻙ ﺑﻮﻟﺪﯗﻡ. ﺗﻮﯞﺍ، ﺋﯩﻠﮕﯩﺮﻯ ﮬﯧﭽﻘﺎﻧﭽﻪ ﻛﯜﭼﯩﻤﻪﻳﻼ ﻳﻪﺭﺩﯨﻦ ﺋﯜﺯﯨﯟﺍﻟﯩﺪﯨﻐﺎﻥ ﺋﺎﻧﺎﻣﻨﻰ ﺑﯜﮔﯜﻥ ﻣﯩﺪﯨﺮﻟﯩﺘﺎﻟﻤﯩﺪﯨﻢ، ﻛﯚﺯﻟﯩﺮﯨﻢ ﻳﺎﺷﻘﺎ ﺗﻮﻟﺪﻯ…
ﻳﻪﺭﻟﯩﻚ ﻛﻮﻟﯩﻨﯩﭗ ﺑﻮﻟﺪﻯ، ﻣﯧﻴﯩﺖ ﻧﺎﻣﯩﺰﻯ ﺋﻮﻗﯘﻟﺪﻯ، ﻣﻪﮬﻪﻟﻠﻪ ﺟﺎﻣﺎﺋﯩﺘﻰ ﻣﻪﮬﻪﻟﻠﯩﻨﯩﯔ ﻣﯚﺗﯩﯟﻩﺭﻟﯩﺮﯨﺪﯨﻦ ﺑﯩﺮﻯ ﮬﯧﺴﺎﺑﻠﯩﻨﯩﺪﯨﻐﺎﻥ ﺋﺎﻧﺎﻣﻨﯩﯔ ﻣﯧﻴﯩﺘﯩﻨﻰ ﻗﻪﺑﺮﯨﺴﺘﺎﻧﻠﯩﻘﻘﺎ ﺋﯧﻠﯩﭗ ﻣﺎﯕﺪﻯ… ﻣﯧﻴﯩﺘﻨﻰ ﺋﯩﭻ ﻗﻪﺑﺮﯨﮕﻪ ﺋﺎﻛﺎﻡ ﺋﯩﻜﻜﯩﻤﯩﺰ ﺋﯧﻠﯩﭗ ﻛﯩﺮﺩﯗﻕ، ﺟﺎﻣﺎﺋﻪﺗﺘﯩﻦ ﺑﯩﺮﻯ «ﻳﯜﺯﯨﻨﻰ ﺋﯧﭽﯩﭗ ﻗﻮﻳﯘﯓ» ﺩﯦﺪﻯ، ﺋﺎﻧﺎﻣﻨﯩﯔ ﻳﯜﺯﯨﻨﻰ ﺋﺎﭼﺘﯩﻢ، ﻧﯧﻤﯩﺴﯩﻨﻰ ﺋﯧﻴﺘﺎﻱ، ﺋﺎﻧﺎﻡ ﻛﯜﻟﯜﻣﺴﯩﺮﻩﭖ ﻳﺎﺗﺎﺗﺘﻰ، ﺗﺎﺱ ﻗﺎﻟﺪﯨﻢ، «ﺋﺎﻧﺎﻡ ﺗﯩﺮﯨﻜﻜﻪﻥ» ﺩﻩﭖ ﯞﺍﺭﻗﯩﺮﯨﯟﻩﺗﻜﯩﻠﻰ. ﺋﺎﻟﻼﮬﺪﯨﻦ ﺗﯩﻠﻪﭖ ﻛﻪﺗﺘﯩﻢ، ﻛﯘﭘﯩﺮﺍﻧﻪ ﺧﯩﻴﺎﻟﻼﺭﺩﺍ ﺗﯩﻠﻪﭖ ﻛﻪﺗﺘﯩﻢ، «ﻳﻪﺭﻟﯩﻜﻨﯩﯔ ﺋﯜﺳﺘﻰ ﺋﯚﺭﯛﻟﯜﭖ ﭼﯜﺷﺴﯩﻜﻪﻥ، ﻣﻪﯕﮕﯜ ﺋﺎﻧﺎﻡ ﺑﯩﻠﻪﻥ ﺑﯩﻠﻠﻪ ﻳﺎﺗﺴﺎﻡ» ﺩﯦﮕﻪﻧﻠﻪﺭﻧﻰ ﺗﯩﻠﻪﭖ ﻛﻪﺗﺘﯩﻢ، ﻳﺎﺷﻠﯩﺮﯨﻢ ﺋﺎﻧﺎﻡ ﺭﻩﮬﻤﯩﺘﯩﻨﯩﯔ ﻳﯜﺯﻟﯩﺮﯨﻨﻰ ﻳﯘﻳﺎﺗﺘﻰ. ﺟﺎﻣﺎﺋﻪﺕ «ﺋﯘﻧﺪﺍﻕ ﻗﯩﻠﻤﺎﯓ، ﻳﺎﻣﺎﻥ ﺑﻮﻟﯩﺪﯗ» ﺩﯦﻴﯩﺸﻤﻪﻛﺘﻪ ﺋﯩﺪﻯ…
ﺷﯘﻧﺪﺍﻕ ﻗﯩﻠﯩﭗ ﭘﺎﺳﯩﺒﺎﻧﯩﻤﺪﯨﻦ ﺋﺎﻳﺮﯨﻠﺪﯨﻢ، 19 ﻳﯩﻞ ﺋﺎﯞﯞﺍﻝ ﺑﺎﻟﯩﻠﯩﻘﺘﺎ ﺩﺍﺩﺍﻣﺪﯨﻦ ﺋﺎﻳﺮﯨﻠﻐﺎﻥ ﺑﻮﻟﺴﺎﻡ، ﺋﻪﻣﺪﻯ ﻳﯩﮕﯩﺘﻠﯩﻜﯩﻤﺪﻩ ﺋﺎﻧﺎﻣﺪﯨﻦ ﺋﺎﻳﺮﯨﻠﺪﯨﻢ…
تەكلىپ: يازما سىزگە يارىدى بولغاي، بۇ يەرنى بېسىپ «ئۇلانما تورى» دا تەۋسىيە قىلىڭ، تېخىمۇ كۆپ كىشى بەھرىلەنسۇن ... يازما ئادرېسى: [يازما مەنبەسى ۋە ئادرېسىنى ئەسكەرتىپ، پايدىلانسىڭىز بولىدۇ.] ئالدىنقى يازما: پادىشاھنىڭ كىيىمى بارمۇ؟
ۋاقتى: 2011-يىلى 11-فېۋرال 19:20
كەچۇرۇڭ قىرىندىشىم كەچۇرۇڭ ،مەن نىمە دىيىشىمنى بىلەلمىدىم ،مەن ئەمىليەتتىمىۇ ئوي پىكىرلىرىمنى باشقىلارغا قانداق ئەيتىشنىمۇ بىلمەيدىغان ئادەم شۇڭلاشقىمۇ بەزىدە ئۆزەمنى بىسىۋالالماي ئالاجوقا سۆزلەپ كىتىمەن.
ئالدىنقى قىتىمقى يازمىڭىز‹‹جەننەت ماكان دادامنى ئەسلەيمەن ››نى ئوقۇپ ئۆزەمنى باسالماي يىغلاپ تاشلىغان ئېدىم بۇگۇن بۇنى كۆرۇپ………………………………………………………
………………………………….
……………………………
ئەي….! ئۇلۇغ ئاللاھ بارلىق ئانىلارنى -ئاتىلارنى ئۆزۇڭ مەغفىرەت قىلغايسەن،
ئۇلار بىز پەرزەنلەرنى دەپ ………………………………..
ۋاقتى: 2011-يىلى 11-فېۋرال 21:58
قەدىردانلىرىم (19 يىل پەرق قىلغان ھالدا) بىر ئاي ئىچىدە ھەق رەھمىتىگە كەتتى. دادام ۋاپات بولغاندا كىچىك بولغاچ، بەك بىلمەپتىكەنمەن. ئانام ۋاپاتىدا ھەقىقەتەن چىدىمىدىم. ئانام رەھمىتىنى يەرلىككە ئۆزۈم ئەكىرگەن تۇرۇپ، بىر ئايغىچە ئانامدىن ئايرىلىپ قالغانلىقىمغا تەن بەرمىدىم، خۇددى مۆجىزە سۈپىتىدە تىرىلىپ قايتىپ كېلىدىغاندەك ياشىدىم. لېكىن، رېئاللىق …
ۋاقتى: 2011-يىلى 11-فېۋرال 20:07
ياتقان يېرى جەننەت بولغاي. شۇنداق ئاشۇ ئۇلۇغ دادىلار ھەم ئانىلار مىڭ بىر جاپادىن ۋايسىمايدىيۇ، شۇلارنىڭ پەرۋىشىدە قانات چىقارغان بىزلەر ھامان نادانلىقىمىزنى تەن ئالمايمىز.
مەنمۇ ھەرقېتىم ئەمدىلا ئايىقى چىققان بالامنى ئەركىلەتكىنىمدە 63يىللىق ھاياتىنى مىڭ مۇشەققەت ھەم مىڭ بەردەملىك بىلەن ئۆتكۈزگەن دادامنىڭ ئويچان تۇرقى كۆز ئالدىمغا كېلىپ، ئىچ-ئىچىمدىن يىغا ئۆرلىگەن ھالدا ئۆزۈمنىڭ ھەم قېرىنداشلىرىمنىڭ نادانلىقى ھەم بىخۇدلىقىغا ئۆكۈنىمەن… ئەلۋەتتە بالام بۇلاردىن بىخەۋەر مەن بىلەن ئاۋارە…
ۋاقتى: 2011-يىلى 12-فېۋرال 20:17
ياتقان يېرى جەننەت بولغاي، يۈرىگىم قارت قىلىپ كەتتى، تۈنۈگۈن كەتكەن ئوخشايدۇ دەپ،تېمىنىڭ بېشىنى ئۇقۇماپتىكەنمەن، ناماز دۇئالىرىمىزدا جەننەت تىلىسەك روھى ئەمىن تاپىدۇ
ۋاقتى: 2011-يىلى 12-فېۋرال 20:49
كەتكەنلەرگە، قالغانلارغا ئاللاھنىڭ رەھمىتى بولغاي!
ۋاقتى: 2011-يىلى 18-فېۋرال 21:25
شۇڭلاشقا كۆپچىلىك ھايات چېغىدا ئۇلارنىڭ قەدرىگە يېتەيلى. قىسمەتكامدەك يىغلاپ قالىمىز ئاخىر.
مۇشۇنداق ئېسىل يازمىلاردىن خەۋەردار قىلغان http://nurzat.blogbus.com بىلوگىدىكى ئۇلانمىغا رەھمەت.
ۋاقتى: 2011-يىلى 20-فېۋرال 21:05
ۋاقتى: 2011-يىلى 12-ئىيۇل 14:14
ئۇلۇغ ئاللاھ ياتقان يېرىنى جەننەتتىن قىلسۇن ئامىن!