قومۇل دېموكراتىك شەھەر. ئەمما، مال باھاسى پۈتۈن شىنجاڭ بويىچە ئەڭ قىممەت.
قومۇل دېموكراتىك شەھەر. ئەمما، مائاش پۈتۈن شىنجاڭ بويىچە ئەڭ تۆۋەن.
قومۇل دېموكراتىك شەھەر. ئەمما، ئۇيغۇر تىلى ئاممىۋىي ئابتوبۇس بېكەت تاختىسىدىن، دۆلەت كارخانىلىرىنىڭ ئېلېكتىرونلۇق تاختىلىرىدىن ئورۇن ئالالمىغان.
قومۇل دېموكراتىك شەھەر. ئەمما، كوچىلاردا سەرگەردان ئىت-مۈشۈكلەر لاغايلاپ يۈرۈپ، قومۇللۇقلارنىڭ ئىنسانچىلىقىنى سىنىماقتا.
قومۇل دېموكراتىك شەھەر. ئەمما، سۇ قىس. ئادەملەر بىلەن ئۆسۈملۈكلەر بەزىدە سۇ تالىشىپمۇ قالىدۇ. ھۆكۈمەتتىكىلەر دېھقاننى «چىلان تىكىپ، سۇنى تېجە دەيدۇ»، ئەمما ئۆزى شەھەر ئىچىگە توغراق قاتارلىق سۇغا چىداملىق دەرەخلەرنى تىكمەي، قومۇل جۇغراپىيىسىگە توغرا كەلمەيدىغان دەرەخ ۋە ئۆسۈملۈكلەرنى تىكىشىدۇ.
قومۇل دېموكراتىك شەھەر. ئەمما، مەنىۋىيەت قۇرۇلۇشى بولغان قومۇل كۇتۇبخانىسى ۋە قوش تىللىق يەسلى نەچچە يىللاپ پۈتمەي، مانا ئەمدى رەھبەرلەردىن كەسىر ئاشتى.
قومۇل دېموكراتىك شەھەر. ئەمما، قومۇللۇقلارنىڭ 300 يىللىق چېلىشىش مەيدانى خەلققە قايتۇرۇپ بېرىلمىدى.
قومۇل دېموكراتىك شەھەر. ئەمما، قومۇل مۇزېيدا ئۇيغۇرچە چۈشەندۈرۈش يوق.
قومۇل دېموكراتىك شەھەر. ئەمما، …
ئەسسالامۇ – ئەلەيكۇم قىسمەتكا! پىقىر ئېلگىركى تەشنايى بلوگىنىڭ قۇرغۇچىسى بولىمەن. يىقىندا ئۇيغۇربەگ بىلەن بىر قاتاردا بۇرۇنقى تور نامىمنى ئوغىرىغا بەردىم، شۇ سەۋەپ ھازىرچە بۇرۇنقى بلوگىمنى qismet.biz نامىدا ئاچتىم. بىر دوستۇم بىلەن بىرلىكتە، ئېلىم ئېلىش يولىدىكى تەنتەك قىسمەتلىرىمىزنى يازماقچى بولىۋاتىمىز. شۇڭا تور نامنىڭ ئوخشىشىپ قالغىنىنى ئەپۇ قىلىشىڭىزنى، ئەگەر بولماپتۇ دەپ قارىسىڭىز بىزگە پىكىر بېرىشىڭىزنى ئۈمۈد قىلىمەن.
2013/04/14
ۋە ئەلەيكۇم ئەسسالام، ئىنىم!
رەنجىش يوق، قىسمەت ھەركىم بېشىدا باردۇر، ھەركىم بېشىدا ھەرخىل بولۇر!
ئوخشىمىغان يولدا ئورتاق نىشان ئۈچۈن تىرىشايلى!
2013/04/15