شۇ يەر ۋاقتى 2014–يىل 11–ئىيۇن ، يەنى دۇنيا لوڭقىسى پۇتبول مۇسابىقىسى باشلىنىدىغانغا بىر كۈن قالغاندا ، دۇنيا لوڭقىسى پۇتبول مۇسابىقىسىنىڭ يوپۇقىنى ئېچىشنى ئۈستىگە ئالغان سان پاۋلۇدىكى ئاممىۋى قاتناش ، مىترو ئىشچىلىرىنىڭ ئىش تاشلاش ھەرىكىتى يۇقىرى دولقۇنغا كۆتۈرۈلدى . ئىشچىلار كوچىلارغا چىقىپ نامايىش ئېلىپ بېرىپ ، ھۆكۈمەتتىن مائاش قوشۇپ بېرىشنى تەلەپ قىلدى .

مىترو ئىشچىلىرى مائاشىنى % 12.2 ئۆستۈرۈپ بېرىشنى تەلەپ قىلدى ، مىترو شىركىتى بولسا پەقەت % 8.7 ئۆستۈرۈپ بېرىدىغانلىقىنى ، شىركەت ئىشچىلارغا تەمىنلەپ بەرگەن ئىجتىمائىي سۇغۇرتىنى قوشقاندا ئەمەلىيەتتە ئىشچىلارنىڭ مائاشىنىڭ % 10 تىن ئارتۇق ئۆسكەنلىكىنى بىلدۈردى . مىترو ئىشچىلىرى بۇنىڭغا رازى بولماي ، 5–ئىيۇندىن باشلاپ ئومۇميۈزلۈك ئىش تاشلىدى .