ئىراقتىكى رادىكال تەشكىلات 11–ئىيۇن ئىراقنىڭ شىمالىدىكى نىنېۋېھ ئۆلكىسىنى كونترول قىلىۋالغانلىقىنى جاكارلىدى .

ئىراق ساقچى تەرەپ 11– ئىيۇن چۈشتىن كېيىن ھۆكۈمەتكە قارشى قوراللىق تەشكىلاتنىڭ سالاھۇددىن ئۆلكىسىنىڭ مەركىزى تىكرىتنى ئىگىلىۋالغانلىقىنى ئېيتتى . ئىگىلىنىشىچە ، تىكرىت ئىراقنىڭ سابىق زۇڭتۇڭى سادامنىڭ يۇرتى ئىكەن .
ئىراقنىڭ ئىككىنچى چوڭ شەھىرى بولغان موسۇل شۇ يەر ۋاقتى 10–ئىيۇن قوراللىق كۈچلەر تەرىپىدىن ئىگىلەنگەندىن كېيىن ، 500 مىڭ يەرلىك خەلق قېچىپ كەتكەن .

يەرلىك تاراتقۇلارنىڭ خەۋىرىگە قارىغاندا ، شۇ يەر ۋاقتى 10–ئىيۇن ھۆكۈمەتكە قارشى قوراللىق كۈچلەر نىنىۋېھ ئۆلكىسىنىڭ مەركىزى ، ئىراقنىڭ ئىككىنچى چوڭ شەھىرى مۇسولنى ئىگىلىۋالغان ، 500 مىڭغا يېقىن يەرلىك خەلق قېچىپ كەتكەن . قېچىپ كەتكەنلەرنىڭ كۆپ قىسمى يېقىن ئەتراپتىكى كۇردىش رايونىدىكى شەھەر–بازارلارغا كەتكەن ، يەرلىك ھۆكۈمەت 3 شەھەر–بازار ئەتراپىغا ۋاقىتلىق مۇساپىرلار لاگىرى قۇرغان ھەمدە بىرلەشكەن دۆلەتلەر تەشكىلاتى مۇساپىرلار مەھكىمىسىدىن ياردەم تەلەپ قىلغان .

ئوتتۇرا شەرق ئاگېنتلىقىنىڭ خەۋىرىگە قارىغاندا ، ئىراقنىڭ پارلامېنت باشلىقى نۇجېف شۇ يەر ۋاقتى 10–ئىيۇن ھەربىي تەرەپنىڭ ۋەزىپە ئىجرا قىلىشتا بىپەرۋالىق قىلغانلىقىدىن مۇسولنىڭ قوراللىق كۈچلەرنىڭ قولىغا چۈشۈپ كەتكەنلىكىنى بىلدۈرۈپ ، بۇنى قاتتىق تەكشۈرۈشنى تەلەپ قىلغان .

CNN نىڭ خەۋىرىگە قارىغاندا ، ‹‹ ئىراق ۋە لىۋانت ئىسلام دۆلىتى ›› بازا تەشكىلاتىدىن تەرەققىي قىلغان . 2006–يىلى ئۇلارنىڭ ‹‹ باشلىقى ›› زاركاۋى ئامېرىكا ئارمىيەسىنىڭ ھاۋا ھۇجۇمىدا ھاياتىدىن ئايرىلغان . زاركاۋى بىر مەزگىل بازا تەشكىلاتىدىكى 3–نومۇرلۇق شەخس بولغان.