ئەنگلىيە «كۈندىلىك پوچتا» گېزىتىنىڭ يېقىندىكى خەۋىرىدە ئېيتىلىشىچە, بىر ئەڭ يېڭى تەتقىقاتتا ئايان بولۇشىچە, قىسقا ئەمما چوڭقۇر مەنىلىك گەپ قىلىدىغان ئەرلەر ئاياللارنىڭ تېخىمۇ بەكرەك ياقتۇرۇشىغا ئېرىشىدىكەن.
ئەكسىچە ئۇزۇن سۆزلەيدىغان ئەرلەر ئاياللارنى ئۇنچە بەك جەلپ قىلالمايدىكەن, ئاياللار ئىخچام گەپ قىلىدىغان ئەرلەرنى بەكرەك ياقتۇرىدىكەن. تىلشۇناسلار مۇنداق دەپ قارىغان: ئاياللار ئادەتتە ئۇزۇن سۆزلەشنى ياقتۇرىدۇ, چۈنكى ئۇلار ئىخچام ھەم كەسكىن گەپ قىلىش ئۇسۇلىنى ئەرلەرگە خاس ھەرىكەت, دەپ قارايدۇ.
كانادادىكى ئەنگلىيەگە قاراشلىق كولومبىيە ئۇنىۋېرسىتېتىنىڭ تىلشۇناسلىق پروفېسسورى موللىي بابېل مۇنداق دېگەن: «ئاۋاز ئىنسانلارنىڭ ئۆز سالاھىيىتىنى نامايان قىلىدىغان ۋاقىتتا بىر تۈرلۈك ئاجايىپ ئۆتكۈر قورالغا ئايلىنىدۇ. سىز بىر ناتونۇش مۇھىتتا تۇرغان ۋاقتىڭىزدا, ناۋادا سىزنىڭ ئاۋازىڭىز يېڭىچە بولسا تېخىمۇ ئاسان باشقىلارنى جەلپ قىلىدۇ.
كانادا سىتۇدېنتلىرى ئارىسىدا قانات يايدۇرۇلغان يەنە بىر تۈرلۈك سوئال-جاۋابلىق تەكشۈرۈشتە ئايان بولۇشىچە, تەكشۈرۈلگەنلەرنىڭ ھەممىسى ئۆزىنىڭ ئاۋازى بىلەن ئوخشىشىپ كېتىدىغانلارنى بەكرەك ياخشى كۆرىدىكەن.
ئۇنىڭدىن سىرت, ناۋادا ئەرلەرنىڭ ئاۋازى نىسبەتەن ئەرلىك پۇرىقىغا ئىگە بولسا تېخىمۇ جەلپكار بولىدىكەن, ئەكىسچە ئاياللار ئارىسىدا ئامېرىكىلىق ئايال ئارتىس مارىلىن مونروغا ئوخشاش نەپەس ئاۋازى قوشۇلۇپ كەلگەن ئاۋاز بەكرەك قارشى ئېلىشقا ئېرىشىدىكەن. چۈنكى بۇ ئاۋازلار ئاڭلىماققا ئىنتايىن ياش ھەم ساغلام بولۇپ, ئاكتىپچانلىقنى تېخىمۇ قوزغىغىلى بولىدىكەن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !