جۇڭگو خەۋەر تورىنىڭ 8-ئاينىڭ 8-كۈنىدىكى خەۋىرى، خەنزۇلارنىڭ ئاشىق-مەشۇقلار بايرىمى «چىشى» كېلىش ئالدىدا تۇرىۋاتىدۇ. مەيلى قانداق ئاشىق-مەشۇقلار بايرىمى بولسۇن، ئىشقىلىپ بويتاقلارغا ياخشى كۈن يوق. چۈنكى ھەممە ئادەم ئۆز جۈپتى بىلەن كىنو كۆرۈش، بازار ئايلىنىش، بىللە غىزالىنىش قاتارلىق رومانتىك ئىشلارنى قىلىپ يۈرگەندە، بويتاقلارنىڭ سايىسىمۇ كېچىدە ئۇلارنى يالغۇز تاشلاپ كېتىپ قالىدۇ. بىراق بويتاقلىق ئانچە يامان ئىشمۇ ئەمەستەك قىلىدۇ.
ئامېرىكا كالفورنىيە شىتاتلىق ئۇنىۋېرسىتېتى سانتا باربارا تارماق مەكتىپى (Santa Barbara) دىكى بېلا دېپائۇل (Bela DePaul) يېقىندا ئامېرىكا پىسخىكشۇناسلىق يىللىق يىغىنىدا مۇنداق دېدى، مەن ئۆتكەن 30 يىلدا بويتاق ۋە توي قىلىپ بولغانلارغا ئائىت 814 تۈرلۈك تەتقىقات تۈرىنى ئىشلەش نەتىجىسىدە، توي قىلىپ بولغانلارنىڭ بەخىتلىك بولۇشى كۆپىنچە ھاللاردا ئۆز ئېڭى بويىچە بولىدىغانلىقىنى، ئانچە ئىلمى ئەمەسلىكىنى بايقىدىم. ئەمەلىيەتتە بويتاقلارنىڭ ئۆز ئالدىغا قارار چىقىرىش كۈچى تېخىمۇ كۈچلۈك، بىر شەخىس بولۇش سۈپىتى بىلەن تەرەققىي قىلىش ۋە پىشىپ يېتىلىشنى ھەقىقىي ھېس قىلالايدۇ. ئۇندىن باشقا، يەنە بايقىلىشىچە، بىر قىسىم دۆلەتلەردە ھازىر بويتاقلار سانى توي قىلغانلار سانىدىن كۆپىيىشكە باشلاۋاتىدۇ.
سىتاستىكا ماتېرىيالىغا ئاساسلانغاندا، ئەنگىلىيەدە %51 نوپۇس ئۆزىنى «بويتاق» دەپ ئاتايدىكەن، ئامېرىكىدا 16 ياشتىن يۇقىرى بويتاقلارنىڭ نىسبىتىمۇ %50.2 ئىكەن. بېلا دېپائۇل مۇنداق دېدى:«بارغانسېرى كۆپ ئادەمنىڭ بويتاق يۈرۈشنى تاللىشىدىكى سەۋەب شۇكى، بويتاقلىق دەل ئۇلارنىڭ ئارزۇسى. بويتاقلىق ئۇلارنىڭ تۇرمۇشتىن بەھىر ئېلىشى، تېخىمۇ ھەقىقىي ياشىشى، مەنىلىك ياشىشىنىڭ ئاساسى.» بىراق ئۇ يەنە مۇنداق دېدى، مېنىڭ تەتقىقاتىم ھەرگىزمۇ كۆپچىلىكنى توي قىلماسلىققا ئىلھاملاندۇرۇش ئۈچۈن ئەمەس، تەتقىقات نەتىجەم ئارقىلىق، بويتاقلىق چوقۇم توي قىلغاندىن ياخشى دېمەكچىمۇ ئەمەس.
بېلا دېپائۇل مۇنداق دېدى:«دېمەكچى بولغىنىم شۇكى، بەخىتلىك تۇرمۇشنىڭ بىر تۇتاش ئۆلچىمى ياكى قېلىپى بولمايدۇ، شۇڭلاشقا ئىش قىلغاندا ياكى تاللاشقا دۇچ كەلگەندە ھەرگىزمۇ باشقىلارنىڭ ئۆلچىمى بىلەن ئۆزىڭىزنى ئۆلچىمەڭ، باشقىلارنىڭ كۆزىدە ياشىماڭ. ھەقىقىي مۇھىم بولغىنى شۇكى، سىز تورا ۋاقىتتا، توغرا سائەتتە ئۆزىڭىزنى بەخىتلىك قىلىدىغان جۈپتىڭىزنى ئۇچراتقىنىڭىزدۇر.»
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
