ھەممە ئادەم مۇھەببىتىنىڭ ئۇزۇن داۋاملىشىشىنى خالايدۇ. ئەمما ئەر-ئاياللار مۇھەببەتتە بەزى سەۋەنلىكلەردىن ساقلىنالمايدۇ. ئۇنداقتا مۇھەببەتتە قايسى سەۋەنلىكلەرنى سادىر قىلىشقا بولمايدۇ?
1.مۇھەببەتنىڭ مەۋجۇتلۇقىنى ئەلۋەتتە شۇنداق بولۇش كېرەك, دەپ ئويلاش.
نۇرغۇن ئادەملەر مۇھەببەتنى باشلانسىلا مەڭگۈلۈك بولىدۇ, دەپ خاتا ئويلاپ قالىدۇ-دە, مۇھەببەتنى كۆڭۈل قويۇپ پەرۋىش قىلمايدۇ. بۇنداق پسىخىكا بولسا, كۈنلەرنىڭ بىرىدە مۇھەببىتىنىڭ قانداق ئاياغلاشىقىنىنىمۇ بىلەلمەي قالىدۇ.
2.كۆڭلىدىكىنى ئىپادىلىمەسلىك.
نۇرغۇن كىشىلەر مۇھەببەتلىشىۋاتقاندا ھەقىقىي كۆڭلىنى بەك بالدۇر ئىپادىلىسە ئاسان زىيان تارتىدۇ, دەپ قارايدۇ. ئەمما باشقىلارغا كۆڭلىدىكىنى تاپقۇزۇشنىلا بىلىپ ئۆزى ئىپادىلىمىسە, بۇ مۇھەببەت ئۇزۇن داۋاملىشالمايدۇ.
3.شەخسىي بوشلۇق بولماسلىق.
مۇھەببەتلىشىۋاتقانلار دائىم باشقىلارنى ئۆزىگە بوشلۇق بەرمىدى, دەپ ئاغرىنىدۇ. ئەمما ئۆزىنىڭمۇ قارشى تەرەپكە شەخسىي بوشلۇق بەرمىگىنىنى خىيالىغا كەلتۈرمەيدۇ. ئەمەلىيەتتە باشقىلارغا شەخسىي بوشلۇق قالدۇرغاندا قارشى تەرەپ ۋە ئۆزىنى ئاسان ھاردۇرۇپ قويمايدۇ.
4.ھېسابلاش.
مۇھەببەتتە ھەر ئىككى تەرەپ تەڭ بەدەل تۆلەيدىغان ئىش يوق. ئەمما بۇنىڭ بىلەن بەك ھېسابلىشىپ كەتسە, بۇ مۇھەببەت ئەمەس, سودىغا ئايلىنىپ قالىدۇ-دە, مۇھەببەت يېرىم يولدا ئۈزۈلۈپ قالىدۇ.
5.كەمچىلىككە ئېسىلىۋېلىش.
ھەر قانداق ئادەمنىڭ ئارتۇقچىلىقى ۋە كەمچىلىكى بولىدۇ. كىشىلىك مۇناسىۋەتتە, بولۇپمۇ مۇھەببەتلىشىۋاتقانلار ياخشىسى قارشى تەرەپنىڭ ئارتۇقچىلىقىنى بەكرەك كۆرۈش, كەمچىلىكىگە ئېسىلىۋالماسلىق, قارشى تەرەپكە كەڭ قورساق بولۇش لازىم.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
