ئەرلەردىكى نورمالسىز دەپ قارىلىدىغان نورمال ئەھۋاللار
جىنسىيەت ھەققىدىكى چۈشەنچىسىنىڭ يىتەرلىك بولماسلىقى سەۋەبلىك نۇرغۇن كىشىلەردە ئادەتتە نورمال بولغان ئەھۋاللارنىمۇ نورمالسىز دەپ قارايدىغان، ھەتتا ئۆزىنىڭ جىنسىي ئىقتىدارىدىن گۇمان قىلىپ دائىم تەشۋىشتە يۈرۈيدىغان ئەھۋاللار ئېغىر بولماقتا. جىنسىي تۇرمۇش كەيپىياتنىڭ ساز بولۇشى بىلەن ئۆزىنى ئۇنتىغان ھالدا مەستخۇشلۇق ئىچىدە ئىلىپ بىرىلىدىغان تەبئىي جەريان بولغاچقا يۇقۇردىكىدەك ئۆزىدىكى بەزى ئەھۋاللارنى نورمالسىز دەپ قارايدىغان ئەندىشە كاللىسىغا ئورناپ قالغان كىشىلەرنىڭ بەدىنى ساغلام، جىنسىي ئىقتىدارى نورمال بولسىمۇ نېرۋىسىغا تەسىر قىلىپ ئورناپ كەتكەن تەشۋىش سەۋەبلىك راستىنلا جىنسىي تۇرمۇشتا مەغلۇپ بولۇشى ياكى كۆڭۈلدىكىدەك بولماي قېلىشى مۇمكىن. جىنسىي ئەزالارنىڭ ئىقتىدارى نورمال بولسىمۇ نېرۋا خاراكتېرلىك جىنسىي ئاجىزلىققا دۇچار بولۇشى مۇمكىن.
شەھۋىتى قوزغالغاندا ئەرلىك ئەزا ئۇچىدىن مەزى سۇيۇقلىقى كىلىشنى كېسەللىك دەپ قاراش-ئادەتتە شەھۋەتنى قوزغاشقا سەۋەب بولىدىغان ھەرىكەت، كۆرۈنۈش، جۆرىسى بىلەن ئوينىشىش، قۇچاقلىشىش دېگەندەك ئەھۋالدا ئەرلىك ئەزا ئۇچىدىن ئازغىنە سۇيۇقلۇق ئاجرىلىپ چىقىشى مۇمكىن. بۇ ئەھۋالدا بەزى ئەرلەردە ئۆزىدە چاتاق چىققاندەك ھېس قىلىپ كۆڭۈل غەشلىكى ئىچىدە شەھۋەت سۇسلايدۇ، دە- جىنسىي ئەزاسى بوشۇشۇپ نورمال جىنسىي مۇناسىۋەت ئۆتكۈزەلمەي قالىدۇ. ئەمەلىيەتتە شەھۋەت قوزغالغاندا يىنىك دەرىجىدە سۇيۇقلۇق ئاجرىلىپ چىقىش نورمال ئەھۋال بولۇپ بۇ جىنسىي ئىقتىدار ئاجىزلىغانلىقنىڭ ئالامىتى ئەمەس.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
