ئانا تۇپراق تورى 1-ئاينىڭ 26-كۈنى خەۋەر قىلىدۇ: بازا تەشكىلاتى (ئەل قائىد تەشكىلاتى) نىڭ رەھبىرى سۆز قىلىپ، مىسىر مۇسۇلمانلىرىنىڭ مىسىردىكى خرىستىئان قېرىنداشلار بىلەن توقۇنۇشماسلىقى كېرەكلىكىنى، ئۇلارنىڭ بارلىق كۈچى بىلەن ئارمىيەنىڭ قوللىشىدىكى ۋاقىتلىق ھۆكۈمەتنى ئاغدۇرۇپ تاشلىشى كېرەكلىكىنى ئېيتتى.
بۇ ئەل قائىد تەشكىلاتىنىڭ رەھبىرى زاۋاھىرىنىڭ ئاز كۆرۈلىدىغان ھالدا خرىستىئانلار ئۈچۈن سۆز قىلىشى بولۇپ ھېسابلىنىدۇ. ئۇ بىر قىسقا فىلىمدا سۆز قىلىپ، خرىستىئانلار بىلەن بولغان ئالاقىدار ۋەقەنىڭ مۇسۇلمانلارنىڭ مەنپەئەتىگە ئۇيغۇن كەلمەيدىغانلىقى بىلدۈردى، ئۇ «بىزنىڭ تاقابىل تۇرىدىغىنىمىز ئامېرىكىنىڭ قوللىشىدىكى مىسىر ئارمىيىسى بولىشى ھەمدە ئىسلام ھاكىمىيىتى قۇرۇپ چىقىشىمىز كېرەك» دېدى.
زاۋاھىرىنىڭ دېيىشىچە، خرىستىئانلار بىلەن توقۇنۇشۇش غەرب دۆلەتلىرىگە باھانە بولۇپ، مۇسۇلمانلارنى ئەيىبلەيدىكەن. ئۇ يەنە كەسكىن سۆزلەر بىلەن مىسىر ئارمىيىسىنىڭ رەھبىرى سىسىنى ئەيىبلىدى، ئۇنى ئامېرىكىنىڭ قورچىقى، ئالدامچى دېدى.
زاۋاھىرى يەنە تەنقىد قىلىپ، مىسىرنىڭ سابىق پرېزىدېنتى مۇرسىنى ئامېرىكىغا تەسلىم بولماسلىقى كېرەكلىكىنى ئېيتتى.
