ئانا تۇپراق تورى 1-ئاينىڭ 22-كۈنى خەۋەر قىلىدۇ: ئاخباراتلاردا رادىكال ئۇنسۇرلارنىڭ تۈركىيە ئىچىدە ئۆزىنى قوشۇپ پارتلىتىش ھۇجۇمى قىلىش مۇمكىنچىلىكى بارلىق كۆرسىتىلگەندىن كېيىن، تۈركىيە ھۆكۈمىتى 1-ئاينىڭ 21-كۈنى ئاساسلىق شەھەرلەرگە ھۇجۇمدىن ئاگاھلاندۇرۇش بەردى ھەمدە بىخەتەرلىك ئاگاھ بولۇش دەرىجىسىنى يۇقىرى كۆتۈردى.
تۈركىيە ئانتالىيا ئاگېنتلىقىنىڭ خەۋىرىگە ئاساسلانغاندا، تۈركىيە ئاخبارات ئورگىنى يېقىندا ئىگىلىشىچە، «بازا تەشكىلاتى» (ئەل قائىد تەشكىلاتى) غا قاراشلىق ئىراق ئىسلام دۆلىتى تەشكىلاتى ئەنقەرە، ئىستانبۇل ۋە ھاتاي قاتارلىق شەھەرلەرگە تېررولۇق ھۇجۇمى قىلىپ، 1-ئاينىڭ 22-كۈنى ئېچىلىدىغان سۇرىيە مەسىلىسى ئىككىنچى قېتىملىق جەنۋە يىغىنىغا بۇزغۇنچىلىق قىلماقچى بولغان.
تۈركىيە مېدىيەلىرى خەۋەر قىلىشىچە، تۈركىيە ساقچىلىرى مەزكۇر تەشكىلاتنىڭ 20 ئەزاسىنى قولغا ئالغان ھەمدە يۇقىرىقى شەھەرلەردە بىخەتەرلىك ئاگاھلاندۇرۇش دەرىجىسىنى يۇقىرى كۆتۈرۈشنى تەلەپ قىلغان.
ساقچىنىڭ بىلدۈرۈشىچە، جەنۋە يىغىنىغا قاتنىشىدىغان سۇرىيە ئۆكتىچىلىرىنىڭ تۈركىيەدىكى يىغىن ئاچىدىغان ۋە تۇرىدىغان مېھمانخانىلار تېررورلۇق ھۇجۇمىنىڭ نۇقتىلىق نىشانى ئىكەن.
