ئانا تۇپراق تورى 1-ئاينىڭ 22-كۈنى خەۋەر قىلىدۇ: پاكىستان مېدىيەلىرىنىڭ خەۋىرىگە ئاساسلانغاندا، پاكىستاننىڭ جەنۇبىدىكى ماستۇڭ رايونىدا 1-ئاينىڭ 21-كۈنى كەچتە شىئە مۇسۇلمانلىرى تاۋاپچىلىرىنىڭ ماشىنا ئەترىتىگە قارىتىلغان ئادەم بومبا ھۇجۇمى يۈز بېرىپ، ھۇجۇمدا ئۆلگەنلەر سانى 28 گە يەتتى، 45 ئادەم يارىدار بولدى.
يەرلىك ئەمەلدارنىڭ دېيىشىچە، ھۇجۇم قىلىش ۋەقەسى پاكىستاننىڭ غەربىي جەنۇبىدىكى بەلۇچىستان ئۆلكىسىدە يۈز بەرگەن، تاۋاپچىلار ئولتۇرغان 3 ماشىنا ئەترىتىدىن تەركىب تاپقان ماشىنا ئەترىتى ماستۇڭ رايونىدىن ئۆتكەندە، بومبا قاچىلانغان ماشىنىنى ھەيدىگەن كىشى ماشىنا ئەترىتىگە ئۆزىنى ئۈسكەن، بىر ماشىنا پارتلاشتا پۈتۈنلەي ۋەيران بولغان.
بىخەتەرلىك خادىملىرى ۋە قۇتقۇزۇش خادىملىرى ۋەقەدىن كېيىن نەق مەيدانغا تېزلىكتە باردى ھەمدە يارىدارلارنى دوختۇرخانىغا ئېلىپ باردى. قىسمەن يارىدارلارنىڭ جاراھىتى ئېغىر بولغانلىقتىن، ئۆلگەن ئادەم سانى يەنە ئېشىشى مۇمكىن.
ھېچقانداق تەشكىلات بۇ قېتىمقى ھۇجۇمغا مەسئۇل بولىدىغانلىقىنى جاكارلىمىدى.
