ئانا تۇپراق تورى 1-ئاينىڭ 21-كۈنى خەۋەر قىلىدۇ: بىر ھۆججەتتە سۇرىيە بەشىر ھاكىمىيىتىنىڭ سۇرىيە خەلقىگە سىستېمىلىق زىيانكەشلىك قىلغانلىقى كۆرسىتىلدى. بۇ ھۆججەتلەر سەۋەبلىك، بەشىر ھاكىمىيىتى ئۇرۇش جىنايىتى شىكايىتىگە دۇچ كېلىشى مۇمكىن.
ئەنگلىيە مۇھاپىزەت گېزىتى ۋە ئامېرىكا CNN تورى بىرلا ۋاقىتتا خەۋەر قىلىشىچە، ئۇلار خەلقئاراغا داڭلىق ئۈچ ئادۋوكاتتىن بىر دوكلاتقا ئېرىشكەن، دوكلاتتا بۇ ھۆججەتلەرنىڭ مەزمۇنى تەتقىق قىلىنغان.
ھۆججەتتە سۈرەت ۋە يېزىقچە ماتېرىيال بولۇپ، 2011-يىلى 3-ئايدىن 8-ئايغىچە بولغان مەزگىلدە، سۇرىيەنىڭ قانۇن ئىجرا قىلغۇچى خادىملىرى تەرىپىدىن تۇتۇلغان 11 مىڭ ئادەمنىڭ قانداق مۇئامىلىگە ئۇچرىغانلىقى خاتىرىلەنگەن.
سۈرەتتە كۆرسىتىلىشىچە، تۇتۇلغانلاردا نۇرغۇن ياش ئەرلەر بولۇپ، نۇرغۇن جەسەتلەر ئۇستىخاندەك بولۇپ قالغان، قان ئىزىغا تولغان ھەمدە قىينىغان جاراھەت ئىزلىرى باركەن.
بىر قىسىملارنىڭ ئىككى كۆزى يوق، بەزىلىرى بوغۇپ ئۆلتۈرۈلگەن ياكى توك جازاسى بەرگەن.
گەرچە ب د ت ۋە باشقا ئىنسانىي ھوقۇق تەشكىلاتلىرى بەشىر ھاكىمىيىتى ۋە توپىلاڭچى ئارمىيەنىڭ ئىنسانىي ھوقۇققا دەخلى-تەرز قىلغانلىقى ھەققىدىكى جىنايەتلىرىنى توپلىغان بولسىمۇ، بىراق مۇتەخەسسىسلەر بۇ ھۆججەتنىڭ سۇرىيەدىكى يۈز بەرگەن ئىنسانىي ھوقۇققا دەخلى-تەرز قىلغانلىقىنىڭ نۆۋەتتە كۆلىمى ئەڭ چوڭ ئىسپاتى ئىكەن. سۇرىيە ئىچكى ئۇرۇشى داۋاملاشقىلى 34 ئاي بولدى.
