جۇڭگو ئاخبارات تورىنىڭ 11-يانۋار خەۋىرى: چەتئەل مېدىيەلىرىنىڭ خەۋىرىگە ئاساسلانغاندا، ئىسرائىلىيەنىڭ سابىق باش مىنىستىرى ئارىيېل شارون 1-ئاينىڭ 11-كۈنى 85 يېشىدا ئالەمدىن ئۆتكەن.
شارون 2006-يىلى ئىككىنچى قېتىم سەكتە بولغاندىن بۇيان، ئىزچىل ھوشسىز ھالەتتە بولۇپ، تېل ئاۋىۋىدىكى دوختۇرخانىدا داۋالىنىپ، نەپەسلەندۈرۈش ئەسلىھەلىرىنىڭ ياردىمىدە ھاياتىنى ساقلاپ كېلىۋاتاتتى. داۋالاۋاتقان دوختۇرخانا 1-ئاينىڭ 1-كۈنى شاروننىڭ كېسەللىك ئەھۋالىنىڭ يامانلاشقانلىقىنى دەلىللىگەن ئىدى.
شارون لىكۇد گۇرۇھىدىكى داڭلىق ئوڭچىل قاتتىق قوللاردىن بولۇپ، پەلەستىن-ئىسرائىلىيە تىنچلىق سۆھبىتىگە قارىش تۇرغان، ئىشغالىيەتتىكى پەلەستىن زېمىندا يەھۇدىيلار ئولتۇراق نۇقتىسى قۇرۇشنى تەشەببۇس قىلغان. 2001-يىلدىن باشلاپ ئىسرائىلىيەنىڭ باش مىنىستىرى بولغان.
شارون 2005-يىلى 12-ئايدا بىرىنچى قېتىم سەكتە بولغاندا داۋالىنىپ ياخشى بولۇپ كەتكەن. 2006-يىلى 1-ئاينىڭ 4-كۈنى ئېغىر سەكتە بىلەن ھوشسىزلىنىپ يېتىپ قالغاندىن بېرى قايتا ھوشىغا كېلىپ باقمىدى.
تەرجىمىدە: نەپرەت
