جۇڭگو ئاخبارات تورىنىڭ 13- يانۋاردىكى تېلېگراممىسى، نۇر تورى تەرجىمىسى: تەيۋەن «جۇڭگۇاڭ ئاخبارات تورى» نىڭ 12- يانۋاردىكى خەۋىرىگە ئاساسلانغاندا، تۈركىيەدە ھاكىمىيەت يۈرگۈزۈۋاتقان پارتىيە تۈركىيە ھۆكۈمىتىدىكى يۇقىرى دەرىجىلىك ئەمەلدارلارغا قارىتا ئېلىپ بېرىلىدىغان تەكشۈرۈش توسقۇنلۇق قىلىپ، ئۆكتىچى پارتىيەدىن بولغان پارلامېنت ئەزالىرىنىڭ دۆلەت مەجلىسىدە مۇشت، پەشۋا ئېتىشىغا سەۋەبچى بولغان. ئىككى تەرەپنىڭ پارلامېنت ئەزالىرى بىر- بىرىگە مۇشت، پەشۋا ئېتىشىپلا قالماستىن، يەنە بەزىلەر تاختا كومپيۇتېر بىلەن قارشى تەرەپنى ئۇرغان.
11- يانۋار، تۈركىيە ئەدلىيە كومىتېتىنىڭ ئەزالىرى ھۆكۈمەت ئوتتۇرىغا قويغان سوت ئەمەلدارى ۋە تەپتىش ئەمەلدارىنى ۋەزىپىگە تەيىنلەش، ۋەزىپىدىن قالدۇرۇش ھوقۇقىنى ئاشۇرۇش لايىھەسىنى مۇزاكىرە قىلدى. بىر نەپەر پارلامېنت ئەزاسى بۇنىڭدىن نارازى بولۇپ، مەزكۇر لايىھە ئاساسىي قانۇنغا خىلاپ دېدى، ھەمدە گەپ- سۆز ئەركىنلىكىمىز يوق دەپ نارازى بولۇپ، پۇتىنى كۆتۈرۈپ ئۇنى- بۇنى تىپىشكە باشلىدى. كېيىن، بىر قىسىم پارلامېنت ئەزالىرى تاختا كومپيۇتېر، قەغەز قىسقۇچ، مېنېرال سۇ قۇتىسى ۋە يىلىم قۇتىسىنى ئېتىشتى، نەق مەيدان ئىنتايىن قالايمىقانلىشىپ كەتتى.
