ئىران ئاخبارات تېلېۋىزىيە ئىستانسىسىنىڭ 10-يانۋار خەۋىرى: 3 كۇرد ئايال سىياسىي پائالىيەتچىنىڭ فرانسىيە پايتەختىدە قەستكە ئۇچرىغانلىقىنىڭ بىر يىللىقىدا، نەچچە يۈز كۇرد 1-ئاينىڭ 9-كۈنى ئىستانبۇلدا نامايىش قىلغان، كۇرد نامايىشچىلار بىلەن ساقچىلار توقۇنۇشقان.
1-ئاينىڭ 9-كۈنى، كۇرد نامايىشچىلار 2013-يىلى 1-ئاينىڭ 10-كۈنى پارىژدا ئۆلتۈرۈلگەن كۇرد پائالىيەتچىلەر ئۈچۈن ھەققانىيەت تەلەپ قىلغان. نامايىشچىلار شەھەر مەركىزىدە نامايىش قىلىپ فرانسىيە كونسۇلخانىسىغا يۈرۈش قىلغان.
ساقچىلار ياش ئاققۇزۇش گازى ۋە رېزىنكە ئوق ئېتىپ، غەزەپلەنگەن نامايىشچىلارنى تارقىتىۋەتكەن.
كۇردىستان ئىشچىلار پارتىيىسىنى قۇرغۇچىلارنىڭ بىرى ساكىنە جانسىزنىڭ جەسىتى پارىژدىكى كۇرد ئۇچۇر مەركىزىدە بايقالغان بولۇپ، بېشىنىڭ كۆپ يېرىگە ئوق تەگكەن ئىدى. باشقا 3 ئايال پائالىيەتچى فىدان دوگان ۋە لەيلا سويلەمەزنىڭ جەسىتىمۇ ساكىنەنىڭ يېنىدا ئىدى.
2013-يىلى، نەچچە مىڭلىغان كۇرد ياش ئوغۇل-قىزلىرى دىياربەكىر ۋە باشقا نەچچە شەھەردە نامايىش قىلىپ، زىيانكەشلىككە ئېتىراز بىلدۈرگەن ئىدى.
باش مىنىستىر ئەردوغاننىڭ ھۆكۈمىتى زىيانكەشلىكنى ئەيىبلەپ، فرانسىيە ئىچكى ئىشلار مىنىستىرلىكىنى «قەستلەپ ئۆلتۈرگۈچى» دېگەن .
تەرجىمىدە: نەپرەت
