سېنتېنىيىل شەھىرىدىكى ئاراپاھو تولۇق ئوتتۇرا مەكتىپىدە قوراللىق بىر ئوقۇغۇچى ئىككى ئوقۇغۇچىغا قارىتىپ ئوق چىقاردى.
ئوق چىقارغان ئوقۇغۇچى ئاخىرىدا قورالى بىلەن ئۆزىنى ئۆلتۈرۈۋالدى. بۇ ئوقۇغۇچىنىڭ ئەسلىدە مەكتەپتە بىر ئوقۇتقۇچىنى ئىزدىگەنلىكى، ئەمما ئەھۋالدىن خەۋەر تاپقان ئوقۇتقۇچىنىڭ مەكتەپتىن قېچىپ كەتكەنلىكى بىلدۈرۈلدى. 2 مىڭدىن ئارتۇق ئوقۇغۇچى بار مەكتەپتىن كەلگەن ئوق ئاۋازىنى ئاڭلىغان ساقچىلار مەكتەپنى قورشىدى. مەكتەپ سىرتىغا چىقىرىلغان ئوقۇغۇچىلار ساقچىلار تەرىپىدىن بىرمۇ بىر ئاختۇرۇلدى.
ئامېرىكا قوشما ئىشتاتلىرى پات – پات مەكتەپلەردە يۈز بېرىدىغان قوراللىق ھۇجۇملار بىلەن كۈنتەرتىپكە كېلىپ تۇرىدۇ.
بۇ قېتىمقى قوراللىق ھۇجۇم يۈز بەرگەن تولۇق ئوتتۇرا مەكتىپى، 1999 – يىلى بىر ئوقۇغۇچى 12 ئوقۇغۇچى ۋە بىر ئوقۇتقۇچىنى ئېتىپ ئۆلتۈرگەندىن كېيىن، ئۆزىنى ئۆلتۈرۈۋالغان كولۇمباين تولۇق ئوتتۇرا مەكتىپىگە تەخمىنەن 15 كىلومېتىر كېلىدۇ.
بۇ قېتىمقى ھۇجۇم 2012 – يىلى ساندى خۇك باشلانغۇچ مەكتىپىدە بىر ئوقۇغۇچى 26 ئادەمنى ئۆلتۈرگەن ۋەقەگە بىر يىل توشۇشقا بىر كۈن قالغاندا يۈز بەردى.
