جۇڭگو كومپارتىيىسى ئىچىدە يېقىندا ئەمەلىي كۈچى يەنىلا ناھايىتى كۈچلۈك ھېسابلىنىدىغان بۇ شەخس چىرىكلىككە چېتىشلىق ئىكەنلىكى ھەققىدە خەۋەر بېرىلگەندىن كېيىن، ئۇ قايتا نامايان بولۇپ باقمىغان.
ئامېرىكا گېزىتلىرى دېيىشىچە، شى جىنپىڭنىڭ جوۋ يوڭكاڭنىڭ پائالىيەتلىرىنى تەكشۈرۈشكە قوشۇلىشى يۇقىرى قاتلامنىڭ ئىتتىپاقلىقىغا تەھدىت سېلىشتەك خەۋپ-خەتىرى بولۇشى مۇمكىن. جوۋ يوڭكاڭنى بىر قوللۇق ئۆستۈرگەن جىياڭ زېمىن دەۋرىدىكى پېشقەدەملەر نارازى بولغانلىقىنى بىلدۈرگەن.
نۆۋەتتە سىياسىي بۇيرونىڭ بۇ پېشقەدەم رەھبىرىنى شىكايەت قىلىدىغان ۋە جازالايدىغان جازالىمايدىغانلىقى ئېنىق ئەمەس ئىكەن. جىنايى پاكىتلىرىنى تاپقان تەقدىردىمۇ، پارتىيە ئىچىدە تەكشۈرۈش جىنايى ئىشلار ئەيىبلشىنى كەلتۈرۈپ چىقىرىشى ناتايىن. بۇ جوۋ يوڭكاڭنىڭ پاناھىغا ئېرىشكەن، نەس باسقان بو شىلەي بىلەن ئوخشىمايدۇ.
جوۋ يوڭكاڭ ئېھتىمال ئايالى ۋە ئوغلىنىڭ چىرىكلىك قىلمىشىغا مەسئۇل بولىشى مۇمكىن. جوۋ يوڭكاڭ جەمەتىنىڭ نېفىت ساھەسىدىكى تەسىر كۈچى تېخىمۇ كۆپ قانۇنسىز بايلىقنىڭ يوشۇرۇن مەنبەسىنى تەمىنلىشى مۇمكىن.
«نيۇيورك ۋاقىت گېزىتى» قارىشىچە، بۇ قېتىمقى تەكشۈرۈش بۇ «چوڭ يولۋاس» نىڭ سىياسىي ھاياتىنى ئاخىرلاشتۇرۇشى مۇمكىن.
تەرجىمىدە: نەپرەت
