سوت كوللېگىيەسى، 65 ياشلىق ئابدۇلقادىر موللىغا بېرىلگەن ئۆلۈم جازاسىنىڭ قارار چىقىرىلىدىغان چاغقىچە كېچىكتۈرۈلگەنلىكىنى ئېلان قىلدى.
باڭلادېش يۇقىرى سوت مەھكىمىسى، جامائەتى ئىسلامى ھەرىكىتىنىڭ مۇئاۋىن باش كاتىپى ئابدۇلقادىر موللىنىڭ ئادۋوكاتلىرىنىڭ، گۇماندارلارغا بېرىلگەن ئۆلۈم جازاسىنىڭ قايتىدىن كۆزدىن كەچۈرۈلۈشى توغرىسىدىكى تەلىپىگە قاراپ چىقىشقا باشلىدى.
سوت كوللېگىيەسى، 65 ياشلىق ئابدۇلقادىر موللىغا بېرىلگەن ئۆلۈم جازاسىنىڭ قارار چىقىرىلىدىغان چاغقىچە كېچىكتۈرۈلگەنلىكىنى ئېلان قىلدى.
موللىنىڭ ئادۋوكاتلىرى، باڭلادېش ھۆكۈمىتىنىڭ كېرەكلىك بارلىق قانۇنىي تەييارلىقلارنى پۈتتۈرمەي تۇرۇپلا موللىنىڭ ئۆلۈم جازاسىنى ئىجرا قىلىشقا تەييارلانغانلىقىنى ئەسكەرتىپ، ئۆلۈم جازاسىنىڭ كېچىكتۈرۈلۈشى توغرىلىق تەلەپ سۇنغانىدى.
بۇ جەرياندا، دۆلەتنىڭ جەنۇبىدىكى فەنى شەھىرىدە موللىنىڭ ئۆلۈمگە ھۆكۈم قىلىنىشىغا نارازىلىق بىلدۈرگەن جامائەتى ئىسلامىي تەرەپدارلىرىنىڭ ساقچى پونكىتلىرىغا ئاتەش توپ ئېتىپ ھۇجۇم قىلغانلىقى بىلدۈرۈلدى. ساقچىلارنىڭ نامايىشچىلارنى تارقاقلاش ئۈچۈن ئوق چىقىرىشى نەتىجىسىدە بىر ئادەم ھاياتىدىن ئايرىلدى.
جامائەتى ئىسلامى تەرەپدارلىرىنىڭ پايتەختى داككادىمۇ ئاپتوموبىللارغا ئوت قويۇپ بەرگەنلىكى ۋە ھەر خىل بىنالارغا ئاتەش توپ ئاتقانلىقى ھەققىدە خەۋەرلەر كەلمەكتە.
