بىرلەشمە سەھەر گېزىتى تورىنىڭ 29-نويابر خەۋىرى: ئافغانىستان ئامېرىكا ئۇچقۇچىسىز رازۋېتكا ئايروپىلانىنىڭ ئافغانىستان خەلقىگە ھۇجۇم قىلغانلىقىنى ئەيىبلەپ، ئەگەر داۋاملىق ھۇجۇم قىلسا، ئافغانىستاننىڭ ئامېرىكا بىلەن ئۇزۇن مۇددەتلىك بىخەتەرلىك كېلىشىمى ئىمزالىمايدىغانلىقىنى بىلدۈرگەن.
«ئامېرىكا ۋاشىنگتون پوچتا گېزىتى» خەۋەر قىلىشىچە، پرېزىدېنت ھەمىد كارازاي 11-ئاينىڭ 29-كۈنى بايانات ئېلان قىلىپ، ئامېرىكىنىڭ ئۇچقۇچىسىز ئايروپىلان ھۇجۇمى قىلغانلىقىنى ھەمدە 11-ئاينىڭ 28-كۈنى 2 ياشلىق بىر بالىنى پارتلىتىپ ئۆلتۈرگەنلىكىنى ئەيىبلىگەن.
كارزاي باياناتىدا دېيىشىچە، ئامېرىكا ئارمىيىسىنىڭ ئۇچقۇچىسىز ئايروپىلانى 11-ئاينىڭ 28-كۈنى چۈشتىن كېيىن ھېلماند ئۆلكىسىدىكى بىر تۇرالغۇغا باشقۇرۇلىدىغان بومبا ئېتىپ، بىر بالىنىڭ ئۆلىشى ۋە 2 ئايالنىڭ ئۆلىشىنى كەلتۈرۈپ چىقارغان. ھېلماند ئۆلكىسىنىڭ باشلىقى مۇھەممەد نائىم بۇ ئۇچۇرنى كارزايغا يەتكۈزگەن.
ئامېرىكا باشچىلىقىدىكى بىرلەشمە ئارمىيە باياناتچىسى مۇخبىرنىڭ سوئالىغا جاۋاب بەرمىگەن. ئامېرىكىنىڭ كابۇلدا تۇرۇشلۇق ئەلچىخانىسى بۇ مەسىلىلەرنى خەلقئارا بىرلەشمە ئارمىيەنىڭ جاۋاب بېرىشىگە ئۆتكۈزۈپ بەرگەن.
يېقىندا، پرېزىدېنت كارزاي نەچچە مىڭ ئامېرىكا ئارمىيىسىنىڭ 2014-يىلدىن كېيىن داۋاملىق ئافغانىستاندا تۇرۇش پىلانىنى تەستىقلىمىدى. ئۇ 11-ئاينىڭ 29-كۈنى ئەتىگەندە ئېلان قىلغان ئەيىبلەش ئۇنىڭ پىلاننى رەت قىلىش ئىرادىسىنى يەنىمۇ كۈچەيتىدۇ.
