ئاناتىلىم تورتۇراسى

كۆپ رەھمەت، ئۇستازىم.
ۋاقتىمنى ئالغىنىڭىز يوق، ئالدىنقى قېتىم سىز تەۋسىيە قىلغان تېمىلار مەن كۆرگەن تېمىلار بىلەن شۇنداق توغرا كېلىپ قالدى، پېقىرنىڭ كۆرگەنلىرى ناھايىتى چەكلىكتۇر. ئارتۇق تەكەللۇپ قىلمىغايسىز، بولمىسا پېقىر خېجىل بولۇپ قالىدىكەن.
كاشغەرى مۇنبىرىنى بۇنىڭدىن ئىلگىرى بىلمەيدىكەنمەن، بۇ پېقىر ئۈچۈن ھەقىقەتەن ئېسىل سوۋغا بولدى.ئاللاھ خالىسا بۇ سوۋغىڭىزنى ياخشى قەدىرلەپ كەمتەرلىك بىلەن ئۆگېنىمەن.

بۇ تېما ھەقىقەتەن ياخشى ئىكەن، كۆپ رەھمەت. .
سەمىمىي ئەسكەرتكىنىڭىزگە يەنە بىر قېتىم كۆپتىن– كۆپ رەھمەت.
پېقىر بۇ تورتۇرانى قۇرۇشتىن ئىلگىرىلا سىز تىلغا ئالغان تىل–يېزىق تورىنى بىلەتتىم، يەنە تېخى خېلى بۇرۇنلا مۇنبەرگە تىزىملاتقان(لېكىن كۆپ تېما يوللانمايدىكەن). توربەتتىكى تېمىلاردىنمۇ ۋاقتىدا خەۋەر تېپىپ تۇرىۋاتىمەن. ئۇيغۇر تىل – يېزىقى ھەققىدىكى سىياسەت ۋە قائىدە– تۈزۈملەر ھەققىدە جىلۋە بلوگىدا كۆچۈرۈلمە تېمىلار بار ئىكەن، بۇنىڭدىن بىر ئاي ئىلگىرىلا ئۇشبۇ تور تۇرانىڭ مۇشۇ تېما تۇرۇشلۇق سەھىپىسىدە تەۋسىيە قىلىنغان:
logs/34622842.html
دوستانە ئۇلىنىشلار سەھىپىسدە يەنە «ئۇيغۇر كومپىيۇتېر يېزىقى ھەققىدە» دەپ بىر ئۇلىنىش بار.
بۇ تەشۋىقاتلاردىن باشقىلىرىنى ئويلاپ يېتەلمىدىم، بولسا داۋاملىق تۈردە قىممەتلىك تەكلىپ– پىكىرىڭىزنى ئايىمىغايسىز.

ھە راسىت، بىر ئىشنى ئەسكەرتىشنى ئۇنتۇپ قاپتىمەن. مەخسۇس تىل– يېزىق تور بەتلىرىكى تېمىلار ئانا تىلىمغا كۆچۈرۈلمەيدۇ. مەسىلەن، يۇقىرىقى شىنجاڭ تىل– يېزىق تورى، ئاناتىلىم تورى، ھەم شۇنداقلا ئەركىن سىدىق ئاكىمىزنىڭ ئانا تىل ھەققىدىكى تېمىلار،زۆرۈرىيتى بولسا پەقەت يېتەرلىك تەشۋىق قىلىنىدۇ. كۆچۈرۈپ توپلىنىدىغان ماقالىلەر بەزى ئۇنۋىرسال ياكى شەخسىي توربەت، بلوگلاردىكى ئانا تىل ھەققىدىكى تېمىلار بىلەنلا چەكلىنىدۇ. كېلەر قېتىم ئەسەر تەۋسىيە قىلغىنىڭىزدا مۇشۇ نۇقتىغا دىققەت قىلسىڭىز، يېقىندىن قوللىغىنىڭىزغا كۆپ رەھمەت.
ھەمكارلىق ئۈزۈلمىسۇن. ئاللاھ مۇبارەك تېنىڭىزنى ئامان، ئىشلىرىڭىزنى ئۇتۇقلۇق قىلسۇن!