«بىلوگ ۋە مىكروبىلوگ» ھەققىدە
[ تاغدىن-باغدىن ]2011-يىل 6-يانىۋار شىنجاڭ تېلېۋىزىيە ئىستانسىسى(2-قانال) «بۈگۈنكى سۆھبەت» پىروگراممىسىدا، «بىلوگ ۋە مىكرو بىلوگ» ھەققىدە سۆھبەت ئېلىپ باردۇق. سۆھبەتتە، مۇنبەر، بىلوگ، مىكروبىلوگ ھەققىدە ئاممىباب ساۋات خاراكتېرلىك مەزمۇنلارنى سۆزلىدىم، شۇنىڭ بىلەن بىر ئاينىڭ ئىچىدە «بۈگۈنكى سۆھبەت» پىروگراممىسىدا 3 قېتىم چىقتىم يەنى «ھەييار تور كارتىسى»، «كومپيۇتېر مەدەنىيىتى»، «بىلوگ ۋە مىكروبىلوگ» دېگەن تېمىدا سۆزلىدىم. بۇ پىروگرامما بىر نەچچە قېتىم قويۇلدى، يەرلىك تېلېۋىزىيە ئىستانسىلىرىدىمۇ ئۇدا نەچچە كۈن تەكرار قۇيۇپتۇ.
بۇنى كۆرگەن بەزىلەر: «شىنجاڭ ئۇنىۋېرسىتېتىدىن ۋاز كېچىپ، شىنجاڭ تېلېۋىزىيە ئىستانسىسىغا خىزمەتكە چۈشتۇڭما؟-دەپ چاقچاقمۇ قىلىشتى. دېمىسىمۇ شۇ ئاي شۇ كۈنلەردە «مەدەنىيەت بوستانى»، «پەن ۋە مائارىپ»، «قانۇن ۋە پۇقرا» قاتارلىق پىروگراممىلاردىمۇ چىقتىم. 2010-يىلى 9-ئايدىن باشلاپ، بۇ يىل 1-ئايغىچە 10 نەچچە قېتىم تېلېۋىزورغا چىقىپتىمەن، ئويلاپ باقسام «خانىم-قىزلار» پىروگراممىسىدىلا چىقىپ باقماپتىمەن. شۇڭا، باشقىلارنىڭ چاقچاقلىرى خاتا ئەمەس ئەلۋەتتە، قارىغاندا سەل ئېشىپ كەتتىممۇ قانداق؟
- يازما كۆرۈلۈشى: 3,751 قېتىم
- يوللانـغان ۋاقىت:2011-يىلى 04-ئاينىڭ 10-كۈنى pm 22:44
- ئالدىنقى يازما :ئالىم ئەھەت بىلوگى قانداق قۇرۇلدى؟
- كېيىنكى يازما :10 مۇنەۋۋەر شەخس ۋە بېشىمدىكى دوپپا
ئالىم مۇئەللىم،ياخشىمۇسىز!
سىزگە كۆرسىتىپ مەسلىھەت سورايدىغان بىر ماتىريال بار ئىدى.ئېلخەت نۇمۇرىڭىزنى دەپ بەرگەن بولسىڭىز.
job@uighursoft.com
مەن «مىكروبلوگ» دىگەننى «مىلوە»دەپلا يۈردۈم،توغرىمۇ خاتامۇ بىلمىدىم.چۈشەنچە بەرگەن بولسىڭىز. رەھمەت.
ئۇنىڭ توغرا ئاتىلىشى «مىكرو بىلوگ» بولىدۇ
بىلوگ بىلەن تور بەتنىڭ قانداق پەرقى بار؟
ژۇرنال بىلەن بىر ۋاراق قەغەزنىڭ پەرقىگە ئوخشايدۇ. خۇددىي نۇرغۇن بەتلەردىن بىر ژۇرنال، كىتاب تۈزۈلگەندەك، نۇرغۇن تور بەتلەر بېرىكىپ بىر تور بېكەتنى ھاسىل قىلىدۇ، مۇنبەر، بىلوگى،… ئەنە شۇنداق بىر تور بېكەتتىن ئىبارەت.
شۇنداق بولغاندا، بۇ ئىككى ئوقەت قىززىپ، قىززىپ سوۋۇپ قالامدۇ قانداق؟
قارىسام بلوگچىلار كۆپەيدى، مىكروبلوگچىلار بولسا…
مۇبارەك بولسۇن ئالىم ئەپەندى بۇندىن كىيىن بلوگىڭىزنى ئۈزۈلدۈرمەي يىزىشىڭىزنى ئۈمىد قىلىمىز
«خانىم-قىزلار» پروگراممىسىدا خانىم بىلەن بىللە چىقساق بولىۋېرىدۇ، ئالىمكا !
قېنى ۋاقتى كەلسۇن