شىنجاڭ خەۋەرلەر لىنىيىسى تورى 9 – ئاۋغۇست خەۋىرى : تۈنۈگۈن چۈشتىن بۇرۇن ، ئاۋات ناھىيىسىدىكى ئۇيغۇر دېھقان رەسساملار كوللېكتىپ بارلىققا كەلتۈرگەن شىنجاڭنىڭ ئالەمشۇمۇل تەرەققىياتلىرىنى ئەكس ئەتتۈرگەن 303 پارچە ئېسىل ئىجابىي رەسىملەر كۆرگەزمىسى شىنجاڭ ئۇيغۇر ئاپتونوم رايونلۇق كۇتۇپخانىدا ئۆتكۈزۈلدى .  كۆرگەزمىگە قويۇلغان ئەسەرلەر پارتىيىنىڭ غەمخورلۇقى ، ھەرمىللەت ئاممىسىنىڭ ئېجىل – ئىناقلىقى ، مەملىكەتنىڭ ھەرقايسى جايلىرىدىكى قېرىنداشلار ، بەختكە تولغان بالىلار ناخشىلىرىدىن ئىبارەت سەككىز چوڭ تۈرنى ئاساسى تېما  قىلغان . بۇ دېھقان رەسساملار بىرلىكتە نەشر قىلدۇرغان › دېھقان رەسساملارنىڭ شىنجاڭنىڭ زور تەرەققىياتى ھەققىدىكى بايانى ‹ دىن ئىبارەت سەككىز توم كىتابىنى تارقىتىش مۇراسىمى تەڭلا ئېلىپ بېرىلدى ، بۇ كىتابلار ئۇيغۇرچە، خەنزۇچە، قازاقچە ئۈچ خىل تىلدا نەشر قىلىنغان بولۇپ، بۇ كىتابلار ئاپتونوم رايونىمىزدىكى ھەر مىللەت دېھقان – چارۋىچىلارغا سوۋغا قىلىنىدۇ.
ئاپتونوم رايونلۇق پارتكومنىڭ دائىمىي ھەيئەت ئەزاسى ، تەشۋىقات بۆلۈمىنىڭ باشلىقى خۇۋېي، ئاپتونوم رايوننىڭ مۇئاۋىن رەئىسى تىلىۋالدى ئابدۇرېشىت رەسىم كۆرگەزمىسىگە ۋە كىتاب تارقىتىش مۇراسىمىنىڭ لېنتىسىنى كېسىشكە قاتناشتى.