تۇرمۇشتا بەزىلەر كىچىككىنە زىيان تارتسا ، بېرەر كىلىشمەسلىككە  دۇچار بولسا ، خىزمەتتە بىرەر ئوڭۇشسىزلىققا ئۇچرىسا ،بىرەر سەۋەنلىك سادىر قىلىپ قۇيۇپ تەنقىدكە  يولۇقسا ئۆزىنى قويارغا يەر تاپالمىغاندەك  روھى ۋە پىسخىك جەھەتتە ئاسانلا چاندۇرۇپ ، بېسىمغا تاقابىل تۇرالمايدۇ .ھەم خۇدىنى يوقتىدۇ . بىزدە <<يولۋاسنى يەڭگەن باتۇر ئەمەس ، ئاچچىقنى يەڭگەن باتۇر >> دەيدىغان گەپ بار .سەۋەنلىك سادىر قىلمايدىغانلار يوق دىيەرلىك ، ئەمما شۇ سەۋەنلىكنى  ئېتراپ قىلىش ۋە تۈزىتىش ئاقىلانلىكتۇر .

تۇرمۇش خۇددى ئاق قەغەزگە ئوخشايدۇ . ئاق قەغەزگە سۈپەتلىك  ھەم چىرايلىق خەتلەرنى ، جۇلالىق رەسىملەرنى ، سەرخىل نەقىشلەرنى سىزغىلى بولغىنغا ئوخشاش ، تۇرمۇش قەدىمنى پۇختا باسقاندىلا  تۇرمۇشتىن ھەقىقىي بەخىتكە ئېرىشكىلى بولىدۇ . كىشلىك تۇرمۇشتىكى بەخىت ئىنسان قەلبىنىڭ قانائەت تېپىشىدىن  ئىبارەت بولۇپ ، بۇ دۇنيادا  ياشىغان ھەر بىر ئىنسان پۈتۈن ھاياتىدا تۇرمۇشتىن  ، خىزمىتىدىن ، كەسپىدىن ئاسانلىقچە رازى بولمايدۇ ھەم قانائەتمۇ  ھاسىل قىلمايدۇ . ماددىي ھەم مەنىۋى ئېھتىياجىنى ئۆزلۈكسىز يۇقىرى كۆتۈرۈشكە ئالدىرايدۇ ھەم تىرشىدۇ ، شۇ تۈپەيلى نۇرغۇنلىغان بەدەللەرنى تۆلەيدۇ . پەزىلەتلىك ، مەسئۇليەتچان كىشلەر بولسا  ئۆزگىنمۇ ئويلاش ئارقىلىق باشقىلارغا قولدىن كېلىشچە ياردەم قىلىدۇ ، قوللايدۇ ، مەدەت ھەم ئىلھام بېرىپ يېتەكلەيدۇ .ئوڭۇشسىزلىق ئىچىدىن مۇۋەپپەقىيەت قازىنىشقا ھەمدەمدە بولىدۇ .

كىشلىك تۇرمۇشتا مۇۋەپپەقىيەت بىلەن ئوڭۇشسىزلىق ، نەتىجە بىلەن مەغلۇبىيەت خۇددى مۇھەببەت بىلەن نەپرەت ، كېچە كۈندۈزدەك ھەمنەپەس . مەسئۇليەتچان ، پەزىلەتلىك كىشى  ئوڭۇشسىزلىق ئىچىدىن مۇۋەپپەقىيەت قازىنىشقا ، يېتەرسىزلىكنى مۇۋەپپەقىيەتكە  ئايلاندۇرۇشقا تىرىشىپلا قالماستىن <<يىقىلغان >>ئورنىدىن تۈرۇپ ، تەجرىبە -ساۋاقنى يەكۈنلەپ ئوڭۇشسىزلىقنى مۇۋەپپەقىيەتكە ئايلاندۇرىدۇ .

تۇرمۇشتا ئوڭۇشسىزلىققا ئۇچرىمىغانلار ئاسانلا مەيۈسلىنىپ كېتىپ ئوڭۇشسىزلىقتىن ساقلىنالمايدىغان  ئوڭۇشسىزلىققا  كۆپ ئۇچرىغۇچىلار تۇرمۇش تەجرىبىسنى  تېز يەكۈنلەپ ، ئۆزىنى ئوڭشاپ كېتەلەيدىغان ئەھۋال دائىم ئۇچىراپ تۇرىدۇ .مەيلى تۇرمۇشنىڭ قايسى قاتلاملىرىدا بولايلى ، چۇقۇمكى ئوڭۇشسىزلىقنى مۇۋەپپەقىيەتكە .ئايلاندۇرالايدىغان جۈرئەت ھەم شىجائەت بولۇشى كېرەك .