تۈنۈگۈن، ئالما شىركىتى يېڭى ئالما تېلېفونىنىڭ 9-ئاينىڭ 9-كۈنى ئېلان قىلىنىدىغانلىقىنى جەزملەشتۈردى، بۈگۈن سەھەردە يېڭى ئالمىنىڭ باھاسى ئاشكارىلاندى.

ئاددىي قىلىپ ئېيتقاندا، ئالما داۋاملىق 16GB، 64GB، 128GB  قاتارلىق ئۈچ خىل سىغىمدىكى يان تېلېفوننى ئوتتۇرىغا چىقىرىدىغان بولۇپ، ھەر قايسىسىنىڭ باھاسى نۆۋەتتىكى iPhone 6، iPhone 6 Plus نىڭ باھاسى بىلەن تامامەن بىردەك ئىكەن: iPhone 6S تېلېفونى 699 ياۋرو (تەخمىنەن 4990 يۈەن) دىن باشلاپ سېتىلىدۇ، iPhone 6S Plus تېلېفونى 799 ياۋرو (تەخمىنەن 5700 يۈەن) دىن باشلاپ سېتىلىدۇ، سىغىمى يۇقىرى كۆتۈرۈلسە ھەر بىر دەرىجىسى بويىچە 100 ياۋرو (تەخمىنەن 714 يۈەن) باھا قوشۇلىدۇ.

گەرچە بۇ پورتۇگالىيە بازىرىدىكى سېتىلىش باھاسى بولسىمۇ، لېكىن ئالمىنىڭ باھاسى دۇنيا مىقياسىدا ئاساسەن بىردەك بولىدۇ.

بۇنىڭدىن باشقا، يېڭى ئالما يان تېلېفونى كۈمۈش رەڭ، كۈلرەڭ، ئالتۇن رەڭ قاتارلىق ئۈچ خىل رەڭدە ئېلان قىلىنىدىكەن.