بەزى بالىلار تاماق يېيىشكە قېرىق، شۇڭا بەدىنى ئاجىزلاپ ئۆسۈپ يېتىلىشكە تەسىر ئۇچرايدۇ. تېۋىپلار بۇنداق بالىلارنىڭ ئاتا - ئانىلىرىغا مۇنداق تەكلىپ بەردى:

ئائىلىدىكى رېتسېپ: پىچەكگۈلدىن 250 گىرام، تەسۋىقوناقتىن 250 گىرام، سۇلەيلىسى ئۇرۇقىدىن 200 گىرام، گۈرۈچتىن 600 گىرام تەييارلاپ، نۆۋەت بويىچە قازانغا سېلىپ سۇس ئوتتا قورۇيمىز؛ گۈرۈچنى يۇيۇپ قۇرۇتقاندىن كېيىن، ئۇنىمۇ رەڭگى سارغايغىچە سۇس ئوتتا قورۇيمىز، ئاندىن ھەممىنى قوشۇپ سوقۇپ ئەلگەكتىن ئۆتكۈزۈپ تەييارلاپ، كۈندە ئىككى ۋاق بىر قوشۇقتىن ئېلىپ ئوماچ ئېتىمىز، ئۇنىڭغا شېكەر، تۇز ۋە كۈنجۈت يېغى ئارىلاشتۇرۇپ بالىغا يېگۈزىمىز. ئەگەر بالا بۇ تەمنى ياقتۇرمىسا، 30 گىرام قانىسە (توخۇ تاشلىقى) بىلەن 60 گىرام بايناقنى قورۇپ سوقۇپ، قارا شېكەر ۋە قورۇلغان كۈنجۈت تالقىنىدىن 30 گىرامدىن قوشۇپ، 500 گىرام ئۇن بىلەن خېمىر يۇغۇرۇپ، 20 پىچىنە پىشۇرۇپ، كۈندە ئۈچ ۋاق بىر تالدىن يېگۈزسەك، بالىنىڭ ئىشتىھاسى بولىدۇ. 

ئومۇرتقىنى ئۇۋۇلاش: بالىنى دۈم ياتقۇزۇپ، ئومۇرتقا ئەتراپىدىكى مۇسكۇلنى يېنىك مۇجۇپ، ئىككى تەرەپتىن ئومۇرتقىنى ئۇۋۇلاپ بەرسە، ئاشقازاننى تەڭشىگىلى، بەدەندىكى مۇسپىيلىك بىلەن مەنپىيلىكنىڭ ئۆتۈشۈشىنى ئىلگىرى سۈرۈپ، ئىشتىھاسىنى ئاچقىلى بولىدۇ. 

قورساقنى ئۇۋىلاش: كۈندە كەچتە بالىنى ئوڭدا ياتقۇزۇپ، ھېكايە ياكى ناخشا ئېيتقاچ كىندىك ئەتراپىنى ئوڭ يۆنىلىشتە ئايلاندۇرۇپ 15 قېتىمدىن 20 قېتىمغىچە ئۇۋۇلاپ بەرسە، ئاشقازان بىلەن ئۈچەينىڭ لۆمۈلدىشىنى تېزلەتكىلى بولىدۇ. 

مەنبە: ئۈرۈمچى كەچلىك گېزىتى